Ինչ է սպասվում առողջական խնդիրներ ունեցող երեւանցիներին

Երեւանի ավագանու ընդունած որոշման համաձայն` մի շարք պոլիկլինիկաներ կվերակազմավորվեն` միանալով մեկը մյուսին: «Իրավունքի» հետ զրույցում Երեւանի ավագանու «Լույս» խմբակցության անդամ ԹԵՀՄԻՆԱ ՎԱՐԴԱՆՅԱՆՆ ընդգծեց, որ պոլիկլինիկաների օպտիմալացումը քննարկվել է, երբ դեռ կար «Ելք» դաշինքը:

– Ես բնակիչների փոխարեն չեմ կարող իրենց պատճառված նեղության մասին խոսել, բայց եթե միայն տնօրեն, հաշվապահ աշխատակիցներն են օպտիմալացվում, իսկ մնացած աշխատակիցները շարունակում են աշխատել, սա, իհարկե, անհարմարություն չի պատճառի քաղաքացիներին, ոչ էլ մարդիկ գործազուրկ կմնան: Այսինքն` ընդամենը օպտիմալացնում են, որպեսզի մի կենտրոնից կառավարում իրականացվի: Սա միանշանակ գտնում եմ, որ ճիշտ է: Սակայն, այլ հարց է առողջական խնդիրներ ունեցող մարդկանց անհանգստացնելն ու ուղարկելը մի փոքր ավելի հեռու գտնվող պոլիկլինիկա: Այդուհանդերձ, ընդհանուր հաշվով` այս օպտիմալացմանն անկեղծորեն դեմ չեմ, որովհետեւ կարծում եմ, որ ունենք որոշ բուժհիմնարկներ, որոնք կարելի է միացնել, եւ բնակչությանը մատուցել շատ ավելի որակյալ սպասարկում, քան լինի այն կիսատ եւ ոչ հարիր նրանց կարիքները բավարարելու համար:

ՀՐԱՆՏ ՍԱՐԱՖՅԱՆ

Այս թեմայով Մենք իրավունք չունենք երկմտելու, կասկածելու, հետ կանգնելու մեր նպատակներից. Տ. Գաբրիել քահանա Վարդանյան «Ապագա կա» ասողները կործանել են երկրի ապագան. Աղվան Վարդանյան Ինչ իրավիճակ է Կիրանցում հիմա. Արթուր Վարդանյանը մանրամասնում է Գառնիկ Դանիելյանը լավ է, որեւէ ծանր մարմնական վնասվածք չունի. Քրիստինե Վարդանյան Սամվել Վարդանյանը դատարանից գնաց տուն