Զինվորական ամենաբարձր պաշտոնատար անձը գլխավոր շտաբի պետն է, որն այսօր չունենք եւ չենք էլ ունենալու. Հովհաննիսյան

Ազգային ժողովը երկրորդ ընթերցմամբ եւ ամբողջությամբ ընդունեց «Պաշտպանության մասին» օրենքում կառավարության ներկայացրած փոփոխությունների փաթեթը, ըստ որի, Զինված ուժերի գլխավոր շտաբի պետը կլինի պաշտպանության նախարարի առաջին տեղակալը: Արցախյան ազատամարտիկ, գնդապետ ՎՈԼՈԴՅԱ ՀՈՎՀԱՆՆԻՍՅԱՆԸ, անդրադառնալով վերոնշյալին, հիշեցրեց Սահմանադրության 155–րդ հոդվածը:

— Այդ սահմանադրական հոդվածում հստակ գրված է, որ զինված ուժերի զինվորական ամենաբարձր պաշտոնատար անձը Գլխավոր շտաբի պետն է, որը մենք այսօր չունենք եւ  չենք էլ ունենալու: Գլխավոր շտաբի պետն ամենաբարձր զինվորական պաշտոնյան է եւ ունի ինքնուրույն զինվորականի կերպար: Մինչդեռ այս իշխանություններին անկախ զինվորական կերպար պետք չէ: Իրենց պետք է, պարզապես, ժողովրդին խաբել` մինչեւ այն իքս ժամը, երբ Ռուսաստանը կթուլանա, ու թուրքերը կհարձակվեն: Արդյունքում իրենք կփախչեն, իսկ ժողովուրդը չի կարողանա վերականգնել իր պաշտպանունակությունը: Արդեն իսկ մեր բանակը համարվում է անմարտունակ, բարոյալքված, հուսալքված: Անմարտունակ, որովհետեւ իր խնդիրները չի կատարում, բարոյալքված, որովհետեւ ոչ մի պարտված բանակ բարոյական հենք չի ունենում, իսկ հուսալքված, որովհետեւ ոչ ոք չի տեսնում վերջը: Նժդեհը ժամանակին զգուշացրել է` «վայ, այն ազգին, որի սպան ուսադիրներ կկրի` հանուն փողի»: Ցավալի է, բայց ասեմ` Երեւանում հանդիպեցի մեր հին գնդապետներից մեկին, դարդ դարդի տվեցինք, ասաց` վերջին իրական դեպքը պատմեմ լսի: Ասում է` 15 օր մարտական հերթապահությունից, բարձր սարերից իջնում է պայմանագրային զինծառայողը, մտնում է գնդի հրամանատարի մոտ, թե` «պարոն հրամանատար, 15 օր մարտական հերթապահության, բքի մեջ անց ենք կացրել, մեզ պարգեւավճար չի՞ հասնում»: Հրամանատարն ասում է. «Արա՛, դու ի՞նչ ես արել, որ քեզ պարգեւավճար տան, ընդամենը հայրենիք ես պաշտպանել, այ, որ ոստիկան լինեիր, Նիկոլին պաշտպանեիր, պարգեւավճար ամեն ամիս կստանայիր: Սա արդեն բանակի հոգեբանությունն է: Բանակը վախենում է պատերազմից, իր հայրենիքը պաշտպանելուց, իշխանությունն էլ վախենում է իր ազգային շահերը պաշտպանելուց: Նիկոլ Փաշինյանն ասում էր` Սեւ լճի համար պատերա՞զմ եմ սկսելու: Պատկերացնո՞ւմ եք մի հրեա ասի` մի՞թե Երուսաղեմը հրեական է, բայց Նիկոլ Փաշինյանը ասաց` այս սարերը, որոնք վեց ամիս ձյունի մեջ են պատված, մեզ պե՞տք են: Այսքանից հետո, եթե նա իշխանության է, ապա այս ազգը ապագա չունեցող է: Մեր բանակի ամենախելացի, պատրաստված տղեն, որը ռուսական պրոֆեսիոնալ ծառայությունը թողած առաջին օրից մասնակցել է պատերազմին, այսօր կալանավորված է, ինչի՞ համար: Խոսքը գեներալ–լեյտենանտ Անդրանիկ Մակարյանի մասին է:  Իսկ որեւէ մեկը գիտի՞, թե ինչով էր Արցախում զբաղված Արգիշտի Քյարամյանը, որ հիմա գեներալի կոչում է ստացել: Համենայնդեպս, մինչեւ այսօր պատմությանն անհայտ է, թե ինչ է նա արել պատերազմի ժամանակ, միայն մամուլում լուրեր տարածվեցին, որ երբ ԱԱԾ պետի տեղակալ էր, հազար հատ հայկական անձնագրեր են հայտնվել թուրքերի մոտ: Դրա պատասխանը չտրվեց, բայց այսօր գեներալ է ստացել:

ՀՐԱՆՏ ՍԱՐԱՖՅԱՆ

Այս թեմայով Սասունի եւ Նիկոլի օրոք ոտք չեմ դրել Երկրապահ, այսօր ամաչում եմ նույնիսկ ԵԿՄ մեդալս կրել. Աճեմյան Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Սպասեք թարս ճլոտիի, այս իշխանությունները ոչ մի երկրում տեղ չեն ունենալու. Դավիթ Մկրտչյան էլ ինչ լեզվով բացատրենք, որ ինչ արվում է, ժողովրդի համար չի արվում. Վահագն Մելիքյան Ադրբեջանը պատրաստվում է շատ ավելի լայնածավալ ռազմական գործողությունների. Հովհաննիսյան