«ՈՒԶՈՒՄ ԵՄ՝ ՄԵՐ ԵՐ­ԳԻՉ­ՆԵ­ՐԸ ՀԱ­ՐԵ­ՎԱՆ ՄԱ­ՐՈՒՍ ՏՈ­ՏԱ­ՅԻ ԵՐ­ԳԱ­ԾՈՎ ՉԵՐ­ԳԵՆ».ԹՈՎ­ՄԱՍ ՊՈ­ՂՈ­ՍՅԱ­Ն

«Իրա­վուն­քը» զրու­ցել է ՀՀ ժո­ղովր­դա­կան ար­տիստ, բա­նա­սի­րա­կան գի­տու­թյուն­նե­րի դոկ­տոր, Կո­մի­տա­սի ան­վան պե­տա­կան կոն­սեր­վա­տո­րի­ա­յի պրո­ֆե­սոր եւ «Սա­յաթ-Նո­վա» մշա­կու­թա­յին մի­ու­թյան ղե­կա­վար, բա­նա­հա­վաք, ման­կա­վարժ ԹՈՎ­ՄԱՍ ՊՈ­ՂՈ­ՍՅԱ­ՆԻ հետ:

— Պա­րոն Պո­ղո­սյան, ստեղ­ծա­գոր­ծա­կան ի՞նչ նոր ծրագ­րե­րով եք հան­դես ե­կել այս տա­րի:

— Այս տա­րի գնա­ցինք Թիֆ­լիս եւ մաս­նակ­ցե­ցինք Սա­յաթ-Նո­վա­յի հի­շա­տա­կին նվիր­ված Վար­դա­տո­նին: Մի քա­նի օր ա­ռաջ գնա­ցինք Ջա­վախք` Ջի­վա­նու հի­շա­տա­կը նշե­լու: Հան­րա­յին ռա­դի­ո­յում ար­դեն 4-րդ ան­գամ ա­րել ենք ձայ­նագ­րու­թյուն­ներ: Ա­մեն ան­գամ 10-11 գործ է գրվել, եւ այդ ծրա­գի­րը շա­րու­նակ­վե­լու է: Ա­ռա­ջի­կա­յում նա­խա­տե­սում ենք է­լի ձայ­նագ­րու­թյուն եւ հա­մերգ-դա­սա­խո­սու­թյուն Հան­րա­յին ռա­դի­ո­յով:

— Ի՞նչ եր­գեր են հնչե­լու:

— Այդ հար­ցում պետք է պայ­մա­նա­վոր­վենք Հան­րա­յին ռա­դի­ո­յի ղե­կա­վա­րու­թյան հետ: Մեր ծրա­գի­րը շատ մեծ է: Մոտ հինգ հա­րյուր երգ մշտա­պես ու­նենք մեր ծրագ­րում, որ հե­տե­ւո­ղա­կա­նո­րեն, պար­բե­րա­բար թար­մաց­նում ենք, վեր­հի­շում, շտկում:

— Ինչ­պի­սի՞ գնա­հա­տա­կան կտաք այ­սօր­վա ե­րի­տա­սար­դու­թյան կող­մից ա­շու­ղա­կան ե­րաժշ­տու­թյան պա­հան­ջար­կին:

— Պա­հան­ջար­կը ե­րի­տա­սար­դու­թյան մեջ գնա­հա­տում եմ չա­փա­վոր, բայց նոր­մալ: Ե­թե դուք գաք մեր հա­մերգ­նե­րին եւ տես­նեք, թե ինչ­քան ե­րի­տա­սարդ­ներ են այ­ցե­լում` ըստ այդմ էլ կեզ­րա­կաց­նեք:

— Ի՞նչ խոր­հուրդ կտաք նրանց, ով­քեր նոր են մուտք գոր­ծում ա­շու­ղա­կան եր­գար­վեստ: Երբ լսում եք նրանց կա­տա­րում­նե­րը, հիմ­նա­կա­նում ի՞նչ սխալ­ներ են թույլ տա­լիս:

— Ա­մե­նա­կա­րե­ւո­րը` ու­զում եմ, որ մեր եր­գիչ­ներն աղ­բյուր­նե­րին հե­տե­ւեն` ոչ թե հա­րե­ւան Մա­րուս տո­տա­յի եր­գա­ծով եր­գեն:

— Նո­րա­րա­րու­թյուն­նե­րի մա­սին Ձեր վե­րա­բեր­մունքն ինչ­պի­սի՞ն է: Երբ ռե­միքս են ա­նում ա­շու­ղա­կան եր­գե­րը, ըն­դու­նե­լի՞ է Ձեզ հա­մար:

— Կողմ եմ, երբ դա ար­վում է լուրջ, պրո­ֆե­սի­ո­նալ ար­վես­տա­գե­տի կող­մից: Սի­րո­ղա­կան­ներն, ի­հար­կե, ա­ղա­վա­ղում են մեր ազ­գա­յին մշա­կույ­թը:

— Այ­սօր հա­մերգ­նե­րի բա­ցա­կա­յու­թյու­նը չի՞ ազ­դում ան­սամբ­լի եւ առ­հա­սա­րակ եր­գար­վես­տով զբաղ­վո­ղի նյու­թա­կա­նի վրա:

— Ազ­դում է ե՛ւ նյու­թա­կա­նի, ե՛ւ բա­րո­յա­կա­նի վրա: Նա­եւ ա­շու­ղա­կան ար­վես­տը հան­րա­մատ­չե­լի դարձ­նե­լու խնդրի վրա է ազ­դում:

— Հա­մա­վա­րա­կի եւ պա­տե­րազ­մի շրջանն ինչ­պե՞ս անդ­րա­դար­ձավ ա­շու­ղա­կան ար­վես­տի վրա:

— Հա­մա­վա­րա­կը շատ խիստ ազ­դեց մեր գոր­ծու­նե­ու­թյան վրա: Մենք մոտ մեկ տա­րի ընդ­հան­րա­պես չենք հան­դի­պել: Եվ դա բնա­կան է, որ շատ վատ ազ­դե­ցու­թյուն պետք է ու­նե­նար ան­սամբ­լի ե՛ւ գո­յու­թյան, ե՛ւ ա­մեն ին­չի վրա: Իսկ պա­տե­րազ­մա­կան օ­րե­րը մեր ան­սամբ­լը շատ դառն է տա­րել:

— Ի՞նչ կար­ծիք ու­նեք ԿԳՄՍ նա­խա­րա­րու­թյան ո­րոշ­ման նա­խագ­ծի վե­րա­բե­րյալ, ըստ ո­րի, ՀՀ ժո­ղովր­դա­կան ար­տիս­տի, ՀՀ ժո­ղովր­դա­կան նկար­չի, ՀՀ վաս­տա­կա­վոր ար­տիս­տի եւ վաս­տա­կա­վոր նկար­չի կո­չում­նե­րը պետք է չե­ղարկ­վեն:

— Կար­ծում եմ՝ բո­լո­րո­վին ա­նի­մաստ է կո­չում­նե­րը վե­րաց­նե­լը: Ուղ­ղա­կի կա­րող են շատ զգու­շո­րեն շնոր­հել: Բայց երբ մարդն ամ­բողջ կյան­քը ծա­ռա­յել է մշա­կույ­թին, եւ մի թղթի­կով ո­րա­կա­վո­րում, գնա­հա­տում են նրա ծա­ռա­յու­թյուն­նե­րը, ըն­դա­մե­նը ար­վես­տա­գե­տին շո­յում է: Ու­րիշ հարց է, ե­թե ա­նար­ժան­նե­րին չտան այդ կո­չում­ները, այդ դեպ­քում ար­դեն կլի­նի ճիշտ ո­րո­շում:

— Ի դեպ, ժա­մա­նա­կին Ձեզ «Սրտիկ» են ան­վա­նել, կպատ­մե՞ք այդ ան­վան հետ կապ­ված պատ­մու­թյու­նը:

— Երբ ըն­դուն­վել է­ի Թա­թուլ Ալ­թու­նյա­նի ան­վան ժո­ղովր­դա­կան եր­գի-պա­րի ան­սամբլ, ա­ռա­ջին երգս Ղուն­կի­ա­նոս Կար­նե­ցու «Սրտիկն» էր: Ես կանգ­նում է­ի ինչ­պես բո­լոր եր­գիչ­նե­րը, մե­նա­կա­տար­նե­րը երգ­չախմ­բում, մեկ հա­մար ա­ռաջ իջ­նում է­ի, զգեստս փո­խում է­ի, որ եր­գեմ «Սրտի­կը»: Մի ան­գամ` երբ փո­խում է­ի զգեստս, մեր աշ­խա­տա­կի­ցը վա­զե­լով ե­կավ՝ ա­սաց. <<Սրտիկ, քո մուտքն է, շուտ ա­րի>>: Տղան ա­նունս չգի­տեր` նոր է­ի եր­գում: Եվ այդ­պես ինք­նա­բե­րա­բար բո­լորն ա­սա­ցին` Սրտիկ եւ ա­նունս մնաց Սրտիկ:

— Հի­մա է՞լ են Ձեզ մտե­րիմ­նե­րը Սրտիկ ա­սում:

 — Հի­մա չեն ա­սում: Շատ վա­ղուց Թա­թուլ Ալ­թու­նյա­նի ան­վան ժո­ղովր­դա­կան եր­գի- պա­րի ան­սամբ­լից դուրս եմ ե­կել: Եվ այ­լեւս այդ պատ­մու­թյու­նը հի­շող չկա: Ար­դեն ե­րե­սուն տա­րի ղե­կա­վա­րում եմ Հա­յաս­տա­նի Հան­րա­յին ռա­դի­ո­յի «Սա­յաթ-Նո­վա» ա­շու­ղա­կան եր­գի վաս­տա­կա­վոր ան­սամբ­լը:

ՆՈՒ­ՆԵ ԶԱ­ՔԱ­ՐՅԱՆ

Այս թեմայով Հայաստանում վերջին 7 ամսում 7 կուսակցություն է ստեղծվել Ինչպես պահել պետությունը` Վրաստանի ու Ղրղզստանի օրինակով. Աղվան Պողոսյան Ահաբեկչություն Մերձմոսկվայում. ի՞նչ է այս պահին հայտնի Նիկոլը ցույց տվեց, որ ինքն անշարժ գույքի բրոկեր է. Կարապետ Պողոսյան Նոր աշխարհակարգում` Սոչիի երիտասարդական ֆորումի մասին. Աղվան Պողոսյան