Լավրովի բուն ենթատեքստն էր ընդգծելը ՌԴ-ի կոշտ դիրքորոշումը նիկոլական իշխանության հանդեպ. Ջամալյան

Ի հակադրություն ՌԴ ԱԳ նախարար Սերգեյ Լավրովի վերջին հայտարարությունների վերաբերյալ հայաստանյան հանրային տիրույթում առկա դժգոհությունների` ռազմական փորձագետ ԴԱՎԻԹ ՋԱՄԱԼՅԱՆՆ ընդգծեց, որ  Հայաստանի արժանապատիվ ապագան հայ-ռուսական դաշինքով է լինելու:

— Հայաստանակենտրոն ուժերի, ՀՀ-ի ու Արցախի, ոչ թե նիկոլական իշխանության համար, կան կարմիր գծեր: Արցախն իր իրավասուբյեկտությունը վաղ, թե ուշ ձեռք է բերելու այն սահմաններում, որոնք ձեւավորվել էին երկու ադրբեջանական ագրեսիա հետ մղելու արդյունքում: Հիմա Արցախի սահմանների ամբողջ տարածքի 75-80 տոկոսը օկուպացված է: Այսպիսի շեշտադրումներով ենք մենք տեսնում հայ-ռուսական հարաբերությունների զարգացումը: Ինչ վերաբերում է ՌԴ ԱԳ նախարար Սերգեյ Լավրովի հայտարարությունը, այն նաեւ վկայում է,  որ նախորդ իշխանությունները մերժել են ամեն ինչ, ինչը չի եղել հայանպաստ: Իսկ այսօրվա ՀՀ իշխանությունը հակառուսական դեմարշ խաղարկեց վերջին ամիսներին: Եվ ամենացինիկ ու լկտի քայլերից մեկը ՀԱՊԿ զորավարժությունները նման կերպ չեղարկելն էր: Այդ ամբողջ հակառուսական ֆոնը չի կարող մնալ անպատասխան: Երբ Լավրովին մեղադրում են, մենք՝ ՌԴ-ի հետ դաշինքի կողմնակիցներս, որոնք որեւէ կերպ կաշկանդված չենք, մեր տեսակետներն արտահայտելու առումով, հակադարձում ենք այնպես, ինչպես հարկն է, բայց այդ հակառուսականության տրամադրությունները բերում են նրան, որ ռուսական կողմը կարող է նաեւ նման ցավոտ եւ անընդունելի հայտարարություններ անել: Դա նաեւ նրա համար է, որ հայ ժողովուրդը սթափվի եւ հասկանա` ովքեր են իշխանության ղեկին: Այդ հայտարարության բուն ենթատեքստն էր ընդգծելը ՌԴ իշխանության կոշտ դիրքորոշումը նիկոլական իշխանության հանդեպ եւ սթափեցնել հայաստանյան հանրությանը: Իրականում ռուսական կողմին ձեռնտու չէ Արցախի` սահմանադրորեն ամրագրված մոտ 10 հազար քառ. կմ թուրքական օկուպացիան, քանի որ այդ տարածքները որոշ ժամանակ անց դառնալու են պլացդարմ Ռուսաստանի հարավին հարվածելու համար, եթե  Ալիեւին հաջողվի ամբողջապես կուլ տալ Արցախը:

ՀՐԱՆՏ ՍԱՐԱՖՅԱՆ

Այս թեմայով 1.5 միլիոն քո ազգիցդ կոտորվել է, եւ դու դա հարցականի տակ ես դնո՞ւմ, էլ ի՞նչ անուն տանք այս մարդկանց. թուրքագետ Չորս գյուղով չեն եզրափակվի. ԴԱՎԻԹ ՍԱՀԱԿՅԱՆՑ Ակնհայտ է, որ Արեւմուտքը հոգնել է այս ամենից. Մհեր Հակոբյան Կոնֆլիկտն այսօր Տավուշի սահմանում Նիկոլ Փաշինյանի եւ հայերի միջեւ է. Կարեն Վրթանեսյան Շատ կարեւոր է, որ Սամվելը տեսանելի զանգվածային հանրային աջակցություն ստանա. Վրթանեսյան