Ցավոք, ոչ բոլորին է հասու այս ամենը, սակայն, միեւնույնն է, ամրոցն անպարտ է. Մամիկոն Խուրշուդյան

«Հայրեններ» գրքի հերոսները, ովքեր մասնակցել են 44 օրյա պատերազմին, ինչպես նաեւ սեպտեմբերյան մարտերին, այժմ իրենց մեկ շաբաթյա ամառային հանգիստն են անցկացնում գեղատեսիլ Սեւանում:

Հասարակական գործիչ Մամիկոն Խուրշուրուդյանը, ով կազմակերպել էր հերոս տղաների հանգիստն, ասաց, որ նմանատիպ միջոցառումներ հաճախ է կազմակերպվում։

«Տղաները արդեն հարազատացել են միմյանց հետ ու առանց ավելորդ խոսքի՝ հասկանում են իրար։ Հասկանում են, թե ինչպես եւ որ պահին է պետք օգնել, օրինակ, երկու ձեռքը կորցրած վիրավոր հերոս Կարեն Խլոպուզյանին, որ պահին՝ հրազենային վիրավորում ստացած Արթուր Պողոսյանին, ոտքը կորցրած Հրաչյա Խաչատրյանին եւ այլն: Մեկը մյուսի հարազատն է ու որոշ առումով` բախտակիցը։ Ամեն բան պետք է անել, որ մեր հերոս տղաները գոնե մի պահ մոռանան իրենց հոգսերն ու խնդիրները», - ընդգծեց Խուրշուդյանը:

Նշենք նաեւ, որ հունիս ամսին վիրավոր տղաներից վեցը մեկնել էին Դիլիջան՝ 3-օրյա հանգստի։ Այժմ Սեւանում հանգստանում են շուրջ 30 հերոս քաջորդի։ Հանգստի շրջանակներում վիրավոր տղաներին այցելության էին եկել Երկրապահ կամավորականների միության Գեղարքունիքի մարզի նախագահն ու ԵԿՄ Գավառի բաժանմունքի նախագահ, գեներալ-մայոր Աշոտ Գասպարյանը, հոգեբան Լիլիթ Խաչատրյանն ու բժիշկ-թերապեւտ՝ Ալիսա Վարդանյանը։

Հոգեբանի հարցերի եւ աշխատանքի արդյունքում պարզ դարձավ, որ տղաները բոլորն էլ  ունեն հոգեբանական խնդիրներ եւ տիկին Խաչատրյանը խոստացավ, որ հանդիպումները հերոս տղաների հետ կլինեն այսուհետ պարտադիր ու շարունակական։ Բժիշկ Վարդանյանը իր հերթին ստուգումներ եւ հետազոտություններ նշանակեց՝ հետագա բուժումների համար։

Հիշեցնենք նաեւ, որ բոլորովին վերջերս լույս տեսավ «Հայրեններ 2» գիրքը, որտեղ ներկայացվում է 44 օրյա պատերազմի մասնակից հայորդիների իրական պատմությունները, որոնք հենց տղաներն են պատմել գրքի հեղինակ Մամիկոն Խուրշուդյանին։ Գրքի հեղինակը հարստություն եւ պատիվ է համարում ունենալ նման ընկերներ, հերոսներ եւ հարազատներ։

«Ինչքան հարուստ ես, որ ունես քո ամրոցը՝ անառիկ, հուժկու ալիքներին դիմակայող, գեղեցիկ, միաժամանակ նաեւ զինված, պատրաստ պատերազմի ու այլ արհավիրքների…Այսպիսի ամրոց ոչ մի տեղ չեք գտնի, այն տրված է միայն ՀԱՅՐԵՆՆԵՐԻՆ… Այդ ամրոցը ՀԱՅՐԵՆՆԵՐԻ սրտերում ու գաղափարներում է, որոնք բացառիկ իրավունքով միայն նրանց է պատկանում… Ցավոք, ոչ բոլորին է հասու այս ամենը, սակայն, միեւնույնն է, ամրոցն անպարտ է՝ իր խոյանքներով, գերբնական ուժով օժտված սյուներով, սրտաբաց պարիսպներով եւ անդավաճան միջնաբերդով…», -եզրափակելով խոսքը՝ ասաց Խուրշուդյանը:

ՆԱՆԱ ՍԱՐԳՍՅԱՆ

Այս թեմայով Ղազախստանը հայ-ադրբեջանական բանակցություններում ներկայանում է որպես չեզոք կողմ, բայց դա այդպես չէ. Իգիթյան Վերագտնել մեզ. Լիլիթ Գալստյան Եվրոպան ասեց՝ հոպ. Արթուր Խաչատրյան Կառավարվող վարձկանների մի ոհմակ հարձակվել է Բագրատ Սրբազանի վրա՝ փորձելով նրան պիտակավորել. Լիլիթ Գալստյան Նիկոլին հեռացնելուց հետո՝ մեր ազգը դառնալու է աշխարհի ասիչը. Կարեն Սողոմոնյան