Ժամանցի միջոցով փորձում են այլասերել երեխաներին. ԴԱՎԻԹ ՍԱՀԱԿՅԱՆՑ

«Իրավունքը» զրուցել է ՀՀ մշակույթի վաստակավոր գործիչ, ռեժիսոր, մուլտիպլիկատոր ԴԱՎԻԹ ՍԱՀԱԿՅԱՆՑԻ հետ:

— Հայկական հեռուստաալիքներից մեկում, մանուկների համար նախատեսված մուլտֆիլմում, ցուցադրվել է, թե ինչպես է տղամարդը համբուրվում մեկ այլ տղամարդու հետ: Նման ժամանցը այսօր չի՞ աղավաղի մեր երեխաների գիտակցական աշխարհը:

— Հեռուստաընկերությունները պետք է պարտադիր հետեւեն իրենց քաղաքականությանը եւ ստուգված ֆիլմեր, մուլտֆիլմեր ցուցադրեն: Դա պարտադիր է: Եթե դու հեռուստաալիք ես, իրավունք չունես այն ամեն ինչը, որ այսօր աշխարհում նկարահանվում է, ցուցադրես: Դու պետք է պատասխանատվություն կրես քո ցուցադրվող նյութերի համար: Իսկ մեր երկրում այսօր ընդհանրապես ոչ ոք պատասխանատվություն չի ուզում կրի որեւէ բանի համար: Դրա համար հեռուստաալիքները նույն քաղաքականությունն են վարում, որ նույնիսկ չստուգելով՝ ցուցադրում են նման ֆիլմեր, ինչն իմ կարծիքով ցանկացած նորմալ մարդու համար անընդունելի է: Ցավալի է, որ այսօր աշխարհում տարվող ԼԳԲՏ քարոզը ներթափանցել է նաեւ Հայաստան, հայկական որոշ հեռուստաալիքներ:

— Պարոն Սահակյանց, Ձեզ առաջարկ եղե՞լ է ԼԳԲՏ քարոզ պարունակող ֆիլմ, մուլտֆիլմ նկարահանել:

— Այո, առաջարկ եղել է, ես հրաժարվել եմ: 2019 թվականին, երբ փսեւդոազատություն եկավ Հայաստան, հայտնվեց մի պրոդյուսեր, ով ինձ առաջարկեց, որ փառատոնային ֆիլմ նկարահանեմ, որտեղ կար հոմոսեքսուալիստների պատմություն, ինչից ես հրաժարվեցի: Երբեք նման ֆիլմ չեմ նկարահանել եւ երբեք չեմ դավաճանի իմ սկզբունքներին:

— Ընդհանրապես, այսօր հեռուստաընկերություններում մանուկների համար ցուցադրվող ֆիլմերն ու մուլտֆիլմերը որքանո՞վ են կրթադաստիարակչական բնույթի:

— Որոշ հեռուստաալիքներ այսօր նպատակ էլ չեն հետապնդում իրենց հաղորդումներով, ֆիլմերով ու մուլտֆիլմերով կրթել, դաստիարակել մեր երեխաներին: Ուղղակի ժամանց են ապահովում: Իսկ ժամանցի կանոնները գլոբալիստական աշխարհում ակնհայտորեն որոշ ուղղվածության են վերածվել, որի արտահայտություններն այսօր մենք տեսնում ենք: Մաքսիմալ փորձում են կատարել այն օրակարգը, որով կայլասերեն մեր երեխաների մտածողությունը:

— Ներկա իրավիճակում ի՞նչ ստեղծագործական պրոցեսների մեջ եք:

— Ընկերներիս հետ հայ երեխաների համար մի նախագիծ ենք պատրաստում, որի մասին շուտով կիմանաք: Առաջին փակ ցուցադրությունը եղել է մի քանի դպրոցներում, եւ երեխաներից լսել ենք իրենց կարծիքները, որոնք էլ հաշվի առնելով՝ երկրորդ մասն ենք պատրաստում: Այս մասին ավելի մանրամասն կխոսեմ որոշ ժամանակ անց:

ՆՈՒՆԵ ԶԱՔԱՐՅԱՆ

Այս թեմայով Բեկել իշխանությունների սանձազերծած սահմանազատման եւ սահմանագծման սպառնալի գործընթացը կամ՝ ոչ հռետորական հարցադրումներ գործող իշխանությանը Եթե տավուշյան պայքարը չտեղափոխվի Հանրապետության հրապարակ, մարելու է. Դավիթ Գալստյան Ինչքա՞ն կարելի է մեր ազգին բզել, վերջը այդ պայթյունը լինելու է, վստահ եմ. Դավիթ Մկրտչյան Չորս գյուղով չեն եզրափակվի. ԴԱՎԻԹ ՍԱՀԱԿՅԱՆՑ Կրթություն չստացած ինտերնետային «աստղի» խոսքին այսօր ավելի շատ են կարեւորություն տալիս. ԴԱՎԻԹ ՄՇԵՑԻ