Բրիտանիան կոչ է անում հարձակվել Իրանի վրա, եթե Թեհրանը հարվածի Իսրայելին

Բրիտանական Telegraph թերթի սյունակագիր Ռիչարդ Քեմփը կոչ է արել Մեծ Բրիտանիային ուղղակի «ռազմական գործողություններ ձեռնարկել Իրանի դեմ», եթե Թեհրանը հարվածի Իսրայելին:

Ավելի վաղ ամերիկյան լրատվամիջոցները, հղում անելով իրանական և ամերիկյան հետախուզական աղբյուրներին, հայտնել էին, որ Իրանը ծրագրում է հարվածել Իսրայելի տասնյակ զգայուն օբյեկտներին, այդ թվում՝ էներգետիկ ենթակառուցվածքին և տարբեր այլ օբյեկտներին՝ օգտագործելով բալիստիկ հրթիռներ և պայթուցիկով լիցքավորված անօդաչու սարքեր։

«Մեծ Բրիտանիան նաև ունի հստակ պատասխանատվություն՝ կանգնելու Վաշինգտոնի և Երուսաղեմի կողքին, եթե Իրանը խոշոր հարձակում սկսի:

Սա նշանակում է, որ լորդ Քեմերոնի խոսքերը՝ «Մենք աջակցում ենք Իսրայելի ինքնապաշտպանության իրավունքին» պետք է դառնան ավելին, քան պարզաբանում, և Մեծ Բրիտանիան պետք է պատրաստ լինի ուղղակի ռազմական գործողություններ ձեռնարկել Իրանի դեմ»,- գրում է հոդվածագիրը։

«Մենք պետք է հարձակվենք Իրանի վրա, եթե նա հարվածի Իսրայելին» վերնագրով հոդվածում Քեմփը մեղադրում է ԱՄՆ-ին և Բրիտանիային «թուլության» համար, որը ստիպել է Իրանի արբանյակներին Գազայում և Մերձավոր Արևելքի մի շարք երկրներում հոկտեմբերի 7-ից ի վեր թիրախավորել Իսրայելին:

Նրա խոսքով, ԱՄՆ նախկին նախագահ Դոնալդ Թրամփի կոշտ քաղաքականությունը Թեհրանի նկատմամբ փոխարինվել է «ծնկների հանգստությամբ»՝ Ջո Բայդենի՝ Սպիտակ տուն գալով։

Սա, զուգորդված Վաշինգտոնի այլ որոշումների հետ, Իրանի համար դարձավ «ցլի կարմիր լաթի», կարծում է հոդվածագիրը։ Լոնդոնը, իր համեմատաբար մեղմ մոտեցմամբ, Իրանի առջև ծածանեց «իր կարմիր լաթը հենց Վաշինգտոնի կողքին», հավելել է նա:

Քեմփի կարծիքով՝ Բրիտանիայի, ԱՄՆ-ի և արևմտյան այլ երկրներում հենց այսպիսի ռազմավարական անգործունակությունն է նպաստել Իսրայելում այսօրվա բռնություններին և տարածաշրջանում լարվածության աճին:

Սա նաև հանգեցրել է նրան, որ արաբական երկրները, վախենալով Իրանից, պատրաստ են պաշտպանություն փնտրել ոչ թե Արևմուտքից, գրում է հոդվածագիրը՝ մատնանշելով Ռուսաստանի և Չինաստանի ենթադրյալ «տարածքային նկրտումները» այլ տարածաշրջաններում։

Միայն թե բրիտանական լրատվամիջոցը մեկ «մանրութ» է մոռանում. այդ Իսրայելն է, որ արդեն հարվածել է Իրանին` ի դեմս Դամասկոսում Իրանի գլխավոր հյուպատոսության շենքի: Բացի այդ, իսկ Բրիտանիայում մտածե՞լ են, թե ինչ ջարդ կստանան, եթե իրոք փորձեն գրոհել Իրանի վրա: Թե՞ ամբողջ հույսը ԱՄՆ-ն է: