Անի Կարապետյանի գործով դատական նիստը տեղի կունենա վաղը՝ ապրիլի 15-ին
ՆերքաղաքականԵրեւանի Շենգավիթ վարչական շրջանի ընդհանուր իրավասության դատարանում (հասցե` ք. Երեւան, Արշակունյաց պողոտա 24/1) վաղը՝ ապրիլի 15-ին, ժամը՝ 12:00-ին տեղի կունենա քաղաքական մեկնաբան ԱՆԻ ԿԱՐԱՊԵՏՅԱՆԻ դեմ հարուցված քրեական գործի դատական հերթական նիստը:
Հիշեցնենք, որ սույն գործով դատավոր է նշանակված Ժորա Չիչոյանը: Ա. Կարապետյանը մեղադրվում է ՀՀ Քր. օրենսգրքի 328-րդ հոդվածի 3-րդ մասի 3-րդ կետով եւ 329-րդ հոդվածի 2-րդ մասի 3-րդ կետով՝ ատելության քարոզ: Ըստ Քննչական կոմիտեի հայտարարության, կառավարության շենքի դիմաց 2023թ. սեպտեմբերի 19-ին տեղի ունեցած հավաքի վերաբերյալ «Անի Կարապետյան» անվամբ ֆեյսբուքյան օգտատիրոջ կողմից իր էջում գրառումներ են կատարվել, որոնք առերեւույթ պարունակում են բռնություն գործադրելու հրապարակային կոչեր։
ՀՐԱՆՏ ՍԱՐԱՖՅԱՆ