Ինչու է լռում Բայդենը. Politico
Միջազգային
ԱՄՆ նախագահ Ջո Բայդենը միտումնավոր չի դիմել ժողովրդին Իսրայելի վրա Իրանի հարձակումներից հետո՝ կարծելով, որ հեռուստատեսային ուղերձը կգրգռի Իրանին և կհանգեցնի հակամարտության սրման: Այս մասին գրում է Politico-ն՝ հղում անելով վեց անանուն պաշտոնյայի։
Ըստ հրապարակման՝ ապրիլի 14-ին Սպիտակ տունը քննարկել է նախագահի՝ ազգային ուղերձով հանդես գալու գաղափարը այն բանից հետո, երբ ամերիկյան և իսրայելական ուժերը համատեղ հետ են մղել իրանական անօդաչու թռչող սարքերն ու հրթիռները։ Բայդենի խորհրդականները կարծում են, որ նրա՝ ուշադրության կենտրոնում լինելը կմեծացնի լարվածությունը Մերձավոր Արևելքի հակամարտության մեջ։
Ապրիլի 14-ի գիշերը Իրանը հարձակվեց Իսրայելի վրա՝ ի պատասխան ապրիլի 1-ին Սիրիայի Դամասկոսում Իրանի հյուպատոսության վրա Իսրայելի հարձակման։ Իսրայելի իշխանությունները Թեհրանից պատրաստվում էին լայնածավալ հարձակման։ Հինգ ժամ տևած հարձակման ընթացքում Իսլամական Հանրապետությունը Իսրայելի ուղղությամբ արձակել է 185 անօդաչու թռչող սարք, 30 թևավոր հրթիռ և 120 բալիստիկ հրթիռ։
CNN-ի փոխանցմամբ՝ ԱՄՆ նախագահ Ջո Բայդենը Իսրայելի վարչապետ Բենիամին Նեթանյահուին հասկացրել է, որ ԱՄՆ-ն չի մասնակցի Իրանի դեմ հարձակողական գործողություններին։
NBC-ի աղբյուրների համաձայն՝ ԱՄՆ պաշտոնյաները մտահոգված են, որ Իսրայելը կպատասխանի Իրանին՝ չմտածելով հնարավոր հետևանքների մասին։
1
552 դիտում
2
543 դիտում
3
445 դիտում
4
333 դիտում
5
305 դիտում
1
2583 դիտում
2
2428 դիտում
3
2106 դիտում
4
1367 դիտում
5
1242 դիտում
1
3036 դիտում
5
1736 դիտում
