«Չեմ ուզում միայնակ մայր լինել».ՋՈՒՍ

«Արվեստը սեր է» հաղորդման հյուրն է երգչուհի Ջուսը:

– Ջուս, ի՞նչ ծրագրեր ունեք: Տեսահոլովակներ նկարահանելո՞ւ եք:

– Ես մտածում եմ, որ այս տարի կլինի կամ մեկ, կամ երկու տեսահոլովակ: Դա կախված է հովանավորներից: Հիմա մի շատ հետաքրքիր երգ եմ պատրաստում, որը նորություն է: Ուղղակի չեմ ուզում փակագծերը բացել, բայց իմ երգացանկի մեջ այդպիսի երգ երեւի չեն լսել: Նոր ոճով է:

– Խոսեցիք հովանավորներից, լինո՞ւմ է, որ հովանավորը կեղտոտ առաջարկ է անում:

– Միշտ, եւ մերժվում են:

– Կոպիտ առաջարկների դեպքում ինչպե՞ս եք պատասխանել:

– Ես կարող եմ ուղիղ միանգամից ինչ ասես ասել այդ մարդուն: Այն, ինչին նա արժանի է:

– Իսկ եղե՞լ է, որ հեռախոս շպրտեք երեսին:

– Շպրտել եմ միայն նախկին ամուսնուս վրա, բարկացած եղած ժամանակ, բայց ոչ թե դեմքին, այլ խոսելիս ջարդել եմ:

– Ե՞վ, հետո ի՞նչ եղավ:

– Եվ բաժանվեցինք:

– Այսինքն` հեռախոս շպրտելը բաժանման պատճա՞ռ եղավ:

– Նաեւ… ճիշտն ասած:

– Դավաճանե՞լ է Ձեզ:

– Չեմ կարծում:

– Իսկ դուք դավաճանե՞լ եք:

– Չէ, ես եթե մեկի կողքին լինում եմ, երբեք չեմ դավաճանում:

Ես միասեր եմ: Սիրում եմ մեկին ու էլ չեմ կարող շեղվել ուրիշի վրա:

– Հիմա միայնա՞կ եք:

– Միշտ:

– Սիրած էակ չունե՞ք:

– Չէ, չեմ տեսնում արժանի մարդու:

– Իսկ ո՞ր արժանիքով պետք է օժտված լինի, որ Ձեր կողքին լինի:

– Նա պետք է ինձ քաջալերի ամեն ինչում: Չասի` այս մի հագի, այն մի հագի, ուր ես գնում, ինչի՞ ուշ եկար եւ այլն: Որովհետեւ իմ մասնագիտությունն այնպիսին է, որ ես համերգներ եմ ունենում, նկարվում եմ շատ մարդկանց հետ: Կարող է ինձ գրեն` "Բարեւ Ձեզ, շատ ենք Ձեզ սիրում եւ այլն": Ու դա չպետք է արգելվի: Դրա համար բարդ է արտիստի հետ ապրելը: Պետք է լինի վստահելի, չդավաճանի ինձ: Չծխի, չխմի, սպորտով զբաղվի, բայց ես այնպիսի ամուսին եմ ուզում, որը չկա:

– Միգուցե նո՞ր պետք է ծնվի:

– Կարող է լինել, ինչու ոչ… ինչո՞ւ Պուգաչովան ամուսնանա իրենից փոքրի հետ, ես` ոչ:

– Եթե սիրեք, սիրուհու կարգավիճակում կհայտնվե՞ք:

– Դեռ չի եղել ինձ մոտ այդպիսի բան: Ո՞նց կարող եմ սիրահարվել մի մարդու, ով զագսով ամուսնացած է:

– Դուք այնպիսի տղամարդու եք նկարագրում, որ չկա: Դուք Ձեր մտքի մեջ նկարել եք մի տղամարդ եւ սպասում եք այդ տղամարդո՞ւն:

– Չեմ սպասում… պետք է ինքը հայտնվի եւ ինձ գտնի:

– Սպիտակ նժույգո՞վ, թե՞ թանկարժեք ավտոմեքենայով:

– Թող լինի այդպես, բայց բանկով չէ, իրականում, որ ինքը "քեշ" առնի:

– Դեպրեսիայի մեջ հաճախակի եք ընկնում:

– Լինում է, որ գալիս է դեպրեսիան, բայց երբ զգում եմª գալիս է, միանգամից հետ եմ բրթում, որ նա չմտնի իմ մեջ:

– Այդ պահին շոկոլա՞դ եք ուտում, թե գնումների եք գնում: Ի՞նչ եք անում:

– Դեպրեսիայի դեմ ամենալավ բանըª փողն է: Երբ փող կա, կարող ես ուտել շոկոլադ, գնալ գնումների, փոխես քո ոճը եւ գնաս հետաքրքիր կինո նայես:

– Գուշակների տուն գնո՞ւմ եք, կամ Ձեր սուրճի բաժակը նայե՞լ են:

– Ասում են` լավ չի, որ նայում են սուրճի բաժակ, բայց ես մեկ-մեկ տալիս եմ մի աղջկա, ով նայում է: Գուշակ չի, բայց շատերին ինչ ասել է, իրականացել է: Բայց ինձ շատերը չեն կարող նայել:

– Ինչո՞ւ…

– Ասում են` փակ է, չենք տեսնում:

– Թուղթուգի՞ր են արել:

– Կամ դա, կամ էլ վերեւից ինձ պաշտպանում են:

– Չե՞ք ուզում երեխա ունենալ:

– Ուզում եմ, բայց տղամարդ դեռ չկա:

– Բայց եթե Ձեր նկարագրած տղամարդը չլինի՞…

– Կատու կպահեմ: Ես չեմ ուզում միայնակ մայր լինել: Ես շատ եմ սիրում երեխա, բայց պետք է լիարժեք ընտանիք լինի: Ինձ համար դա է կարեւորը:

ՆՈՒՆԵ  ԶԱՔԱՐՅԱՆ

Այս թեմայով Ամանորին գործընկերներիս հետ կլինեմ, որ գոնե մի քիչ ուրախ անցնի. ՋՈՒՍ Ո՞ւմ հետ Ջուսը կգնա եկեղեցի Կարանտինից տուժած երգիչները Ինչպես Արմինկայի եւ Ջուսի «ակվարիումի» տղեն դարձավ ԱԺ փոխնախագահ (Տեսանյութ) Ջուսը խնդրում է. «Սեքսի համար ինձ էլ չգրեք»