Հայասպան վարչապետ կոչվածը շարունակում է արագորեն կատարել Թուրքիայի եւ Ադրբեջանի պահանջները. Գայանե Ներսիսյան
ՄշակութայինՊռոշյան-Դեմիրճյան փողոցների խաչմերուկում հունիսի 3-ին ոստիկանությունը ուժ կիրառեց Նիկոլ Փաշինյանի հրաժարականը պահանջող ցուցարարների նկատմամբ, ինչի հետեւանքով կան տասնյակ տուժածներ: «Իրավունքի» հետ զրույցում ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆԸ հիշեցրեց, որ մինչ բախումը՝ ոստիկանական ողջ ռեսուրսը կենտրոնացվել էր նաեւ կառավարության շենքի շուրջը:
- Ներկա էի եւ մեծ ցավ էի ապրում, երբ տեսա, որ հանրապետության ողջ ոստիկանական ցանցը հավաքված էր կառավարության շենքի շուրջ: Ընդ որում՝ զինված վահաններով, ոստիկանական փայտերով եւ պատրաստ՝ հաշվեհարդար տեսնել արժանապատիվ հայ մարդկանց նկատմամբ, որոնք հավաքված էին Հայոց պետականության եւ Արցախը պաշտպանելու համար: Այո՛, արժանապատիվ հայը չի կարող մոռանալ հայրենիքի մի մասի կորուստը, մեր զավակների սպանդը եւ մեր գերիներին, որոնք դեռ խոշտանգվում են Բաքվի բանտերում: Հայասպան, դավաճան վարչապետ կոչվածը շարունակում է արագորեն կատարել Թուրքիայի եւ Ադրբեջանի պահանջները՝ պաշտպանվելով ոստիկանական ուժերով, որոնք գործում են կարգուկանոն հաստատելու անվան տակ, բայց իրագործում են հայասպան վարչապետ կոչվածի հրամանները: Վերջին դաժան հաշվեհարդարը, որ սադրեցին ոստիկանական ուժերը, չէին խնայում ո՛չ ծերերին, ո՛չ կանանց, ո՛չ անչափահասներին: Բայց ես, որպես հայուհի, հույս եմ հայտնում, որ հայ ոստիկանները վերջապես կմիանան արժանապատիվ հայերին, որպեսզի միացյալ ուժերով փրկենք մեր հայրենիքը՝ հայասպան, դավաճան վարչապետ կոչեցյալից եւ նրա դավաճանական խունտայից:
ՀՐԱՆՏ ՍԱՐԱՖՅԱՆ