Երբեւէ չտեսա, որ մի լրատվական դիմավորի եւ մեծարի որեւիցե կամավորական ջոկատի, ազգս դիմավորի դհոլ զուռնայով. Ղարիբյան

«Իրավունքի» տեղեկություններով՝ այս օրերին սահմանապահ դիրքերում է գտնվում Օպերայի եւ բալետի ազգային ակադեմիական թատրոնի դերասան, մոդել, պրոդյուսեր ԴԱՎԻԹ ՂԱՐԻԲՅԱՆԸ: 

«Սիրելի հայրենակիցներ, նախապես կխնդրեմ գրածս ընկալել որպես յուրաքանչյուրիս կոկորդը խեղդող, հոգին ալեկոծող իրականությունից պատվով դուրս գալու սթափության կոչ եւ չքաղաքականացնել։ Կամավորն այն անձն է, ով երբ երկրին վտանգ է սպառնում, իրեն նետում է առաջնագիծ՝ պաշտպանելու Հայոց Սուրբ հողն ու լինել զինվորի կողքին՝ հայրենիքը վեր դասելով մորից, ընտանիքից, մեկ վայրկյան անգամ չսպասելով ոչ զինկոմիսարիատի թերթիկին, ոչ էլ պետության կողմից տրված շնորհակալագրին։ Կամավորը մեր ազգի կորիզն է, ով նույնիսկ գտնվելով երկրի սահմաններից դուրս թողնում է իր բարեկեցիկ կյանքը, բիզնեսը եւ մեկնում է ռազմաճակատ։ Կամավորը երբեք չի նեղանում երկրի կողմից արհամարհված, հանրության կողմից արժանվույնս չգնահատված լինելու փաստից, նա նորից ու նորից պատրաստ է մեկնել ռազմաճակատ, եթե վտանգ սպառնա իր հողին, նորից լինելու է զինվորի կողքին, հարցը դա չէ, ֆիդայինի ոգին երբեք չեն կարող կոտրել։ Բայց ես երբեւէ չտեսա, որ մի լրատվական դիմավորի եւ մեծարի որեւիցե կամավորական ջոկատի, ազգս դիմավորի դհոլ զուռնայով։ Վերջերս մեծ ակնածանքով դիտեցի յութուբյան մի հոլովակ, որն առանց փշաքաղվելու եւ հարգանքի տուրքի զգացողության հնարավոր չէ դիտել։ Ներկայացված էր, թե ինչպես են ուկրաինացիները ծնկաչոք հրաժեշտ տալիս մեր հայրենակից, վաշտի հրամանատար Արմեն Պետրոսյանին։ Հարգելիներս, պետք է քարոզը, մեծարումը լինի, որ մեր երեխաները տեսնեն, որ կամավորը եւս իսկական հերոս է, ով Հայրենիքը վեր է դասում ծնողից ու հարազատից։ Միավորվենք ազգովի, լինենք զինվորի կողքին, չքննադատենք մեկս մյուսին։ ՊՆ-ն տալիս է, օրինակմ 5 գերան, մի քանի ընկերներով, բարեկամներով հավաքվենք 2 գերան էլ մենք տրամադրենք, որ էլ ավելի ամուր լինեն մեր դիրքերը, որ մեր զինվորները էլ ավելի պաշտպանված իրենց զգան։ Պարտադիր պետք է արկեր տրաքեն նո՞ր հիշենք, որ զինվոր ունենք սարերի վրա, որին օրինակի համար տաք գուլպանե՞ր են անհրաժեշտ։ Զինվորը 365 օր 24/7 արթուն կանգնած է դիրքերում եւ սնիկերսի փոխարեն՝ այդ գումարները կուտակել եւ տրամադրել է կառավարման մարմինների համապատասխան կառույցներին եւ էլ ավելի ամրացրել մեր դիրքերը։ Պետք է գիտակցենք, որ այժմ մեզ համար պատմական պահ է եկել՝  կամ միախմբվում ենք եւ հաղթահարում այս վերջին փորձությունը, կամ օգնում ենք թշնամուն իրագործել իր դարավոր երազանքը՝ Հայաստանն առանց հայի։ Եկեք մենք մեզ վերանայենք, համախմբվենք, իմ հայ ազգ», - սահմանապահ դիրքերից այս կարեւոր արձանագրումն է արել Դավիթ Ղարիբյանը:

Այս թեմայով Ստեղծել Ազգային Փրկության ժամանակավոր կառավարություն եւ կազմակերպել ԱԺ արտահերթ ընտրություններ. «Կամք» Հայ փոքրիկները օգնեցին ռուս դերասանին «գործն ավարտին հասցնել» Բեկել իշխանությունների սանձազերծած սահմանազատման եւ սահմանագծման սպառնալի գործընթացը կամ՝ ոչ հռետորական հարցադրումներ գործող իշխանությանը Տարածքների նվիրումն Ադրբեջանին հանցավոր գործողություն է, որը կբերի նաեւ էներգետիկ եւ լոգիստիկ վտանգների. Մանվելյան Եթե տավուշյան պայքարը չտեղափոխվի Հանրապետության հրապարակ, մարելու է. Դավիթ Գալստյան