Բոլոր պետությունները պետք է հասկանան, որ տեղում կան արդեն ռուս զինվորականներ. Մելիքյան

Ռազմավարական հետազոտությունների ու նախաձեռնությունների վերլուծական կենտրոնի համահիմնադիր, քաղաքագետ ՋՈՆԻ ՄԵԼԻՔՅԱՆԻ գնահատմամբ՝ մեր տարածաշրջանի հետ կապված նախկինում ձեւավորված ստատուս քվոն փոխվել է:

— Մենք տեսանք լարվածություն թե՛ Արցախում, թե՛ Հայաստանի սահմաններին: Հակառակորդի ագրեսիան մեր տարածքների հանդեպ էլ ավելի խորացավ: Հիբրիդային այս պատերազմի ֆոնին բավականին բարդացել են Ռուսաստանի քայլերը եւ քաղաքականությունը մեր տարածաշրջանում: Չէի ասի, որ ուշադրության կենտրոնում չէ, բայց ՌԴ-ի ուշադրությունը հիմնականում ուղղված է դեպի Ուկրաինա: Բոլոր ռեսուրսներն ու ջանքերն ուղղված են այդ կողմ: Բարդություններին զուգահեռ, չպետք է մոռանալ, որ Արցախում են գտնվում ռուս խաղաղապահները: Այսօր լայնամասշտաբ պատերազմ չէ: Եղած խնդիրներով հանդերձ՝ ի վերջո, չունենալով մանդատ, կանգնած են ռուս խաղաղապահներրը: Դե ֆակտո նրանք Արցախում են: Մանդատի մի մասն է նաեւ՝ ինչ անել կամ ինչ չանելը, ինչի իրավունք ունեն նրանք, ինչի իրավունք չունեն: Շատ կարեւոր է, որ մենք հասկանանք, թե ապագայում հավելյալ վտանգների ֆոնին ինչպես իրենք կարող են գործել: Այս ամենին զուգահեռ, եթե կա հնարավորություն, եթե կան ցանկացող պետություններ, որոնք կարող են իրենց հավելյալ ներդրումն ունենալ, թող հանդես գան եւ մասնակցեն: Բոլոր պետությունները, որոնք իրենց շահերն ունեն այս տարածաշրջանում, պետք է առաջին հերթին հասկանան, որ տեղում կան արդեն ռուս զինվորականներ:

Այս թեմայով Հայաստանը շարունակում է դիվանագիտական պատերազմում տանուլ տալ. Ռուբեն Մելիքյան Կոպիտ սխալ եմ համարում այս օրհասական պահին հանրային քննարկման առարկա դարձնել այն հարցը, թե ո՛վ պիտի լինի Ամենայն Հայոց հաջորդ հայրապետը. Մելիքյան Սամվել Վարդանյանին խոշտանգել են ԳԱԱ-յին պատկանող փակ տարածքում. նոր մանրամասներ Բավական չէ՞ լռեք, եվրոյոնջանե՛ր. Նաիրա Զոհրաբյան Եթե դուք չեք կարողանում ղեկավարել, հեռացե՛ք, գնացե՛ք, բա՛վ է. Գուրգեն Մելիքյան