Փաշինյանի քաղաքականությունն է՝ «որ տարբերակը կստացվի». Հայկ Մամիջանյան

ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆԸ եւս մեկ անգամ արձանագրում է, որ Նիկոլ Փաշինյանի կողմից անընդհատ հղում արվող Պրահայի համաձայնագրերի հիմքում ընկած Ալմա-Աթայի հռչակագիրը չի կարգավորում Լեռնային Ղարաբաղի հարցը, քանի որ անկախության հանրաքվեն այնտեղ տեղի է ունեցել դեռեւս դրա ընդունումից առաջ:

— Հայաստանի արտաքին քաղաքականությունն այս ուղղությամբ կարելի է բնութագրել որպես անհեթեթություն: Հիշեցնեմ, որ հայ-ադրբեջանական կարգավորման բանակցային գործընթացն ընթանում է երկու հարթակներում: Ընդ որում` դրանցից մեկում Լեռնային Ղարաբաղի հարցը չի քննարկվում: Պրահայի համաձայնագրերը հիմնված են Ալմա-Աթայի հռչակագրի վրա, որը Ադրբեջանը բանակցությունների ընթացքում վերջին 30 տարիներին երբեք առաջ չի քաշել: Այս թեզը առաջ են քաշել Հայաստանի իշխանությունները: Սակայն նույնիսկ այս դեպքում  պետք է հիշել, որ Հայաստանը վերապահումով է միացել հռչակագրին: Այնտեղ առանձին նշված է Լեռնային Ղարաբաղի ինքնորոշման մասին կետը: Բացի այդ, հռչակագիրը չի վերաբերում Լեռնային Ղարաբաղին, քանի որ այնտեղ դրանից 20 օր առաջ հանրաքվե էր անցկացվել: Երկրորդ տարբերակում` կա հիշատակում, կա նաեւ ինքնորոշման հնարավորություն: Այո՛, գուցե տարիներ անց: Ես խոսում եմ ռուսական առաջարկի մասին: Բայց թիվ մեկ աբսուրդն այն է, որ Հայաստանը պաշտոնապես հայտարարել է երկու տարբերակներին համաձայնելու պատրաստակամության մասին: Հասկանալի չէ, ինչպես կարելի է համաձայնել երկու փաստաթղթերին` բոլորովին հակառակ մոտեցումների առկայության դեպքում: Փաշինյանի քաղաքականությունն է՝ «որ տարբերակը կստացվի: Բայց իրենց մոտ միայն հարստանալն է ստացվում:

Այս թեմայով Հայաստանը պետական դավաճանությամբ Ադրբեջանի առաջ ծնկի են բերում Գրանտակեր պրոպագանդիստները… պետք է վերջ տան հակառուսականության տարածմանը Այսօր, դժբախտաբար, մեր ներսից ենք ստանում հարվածները. Լոքմագյոզյան Ոնց արա՛, եղեռնը դարձավ անհիմն հիշողությո՞ւն. Գեւորգ Պետրոսյան Նիկոլ Փաշինյանին սպառնում է 15-20 տարի կամ ցմահ ազատազրկում. հաղորդում` հանցագործության մասին