Երաժշտական առումով «Սանսեթ Բուլվար»-ը բացարձակ գլուխգործոց է. Թամարա Գվերդծիթելի

Ապրիլի 6-12-ը Կարեն Դեմիրճյանի անվան մարզահամերգային համալիրում կկայանա Էնդրյու Լլոյդ Ուեբերի բրոդվեյան լեգենդար մյուզիքլի՝ «Սանսեթ Բուլվար»-ի պրեմիերան:

Երևանյան «Սանսեթ բուլվարը» ստեղծվում է միջազգային բեմադրական և դերասանական թիմի կողմից հատուկ Հայաստանի համար. այս շքեղ նվերը մայրաքաղաքին պատրաստում է SKYFIST STUDIO պրոդյուսերական ընկերությունը ՝ Պողոս Հարությունյանի ղեկավարությամբ:

Բեմադրությունն իրականացրել է Անտոն Մուզիկանտսկին, իսկ գլխավոր դերում (Նորմա Դեզմոնդ) ականավոր դերասանուհի և երգչուհի Թամարա Գվերդծիթելին է:

Գվերդծիթելին առաջին անգամ չէ հյուրընկալվում Հայաստանում: Հիշում է՝ տարիներ առաջ Երևան է այցելել համերգներով, իսկ այս անգամ նրան բոլորովին այլ բան է Հայաստան բերել. «Շատ անհանգիստ եմ և շնորհակալ եմ, որ ինձ համար մի աշխարհ է բացվում, որտեղ բոլորովին ուրիշ եմ»:

Խոսելով մյուզիքլի մասին՝ Գվերդծիթելին նշում է. «Երաժշտական առումով «Սանսեթ Բուլվար»-ը բացարձակ գլուխգործոց է: Կերպարիս յուրաքանչյուր արիան մենախոսություն է ու դերասանուհու համար սեփական ներկայացում: Ես երգել եմ երգեր իմ ողջ ստեղծագործական կյանքում և սիրում եմ դրանցից յուրաքանչյուրը, բայց հիմա իմ առաջ նոր խնդիր է դրված՝ ոչ միայն երգել մի շարք զարմանալի ստեղծագործություններ, այլև մնալ կերպարի եւ սյուժեի մեջ։ Նորմայի ամենազարմանալի արիան «As we never said goodbye»-ն է: Դա իմ հերոսուհու էությունն է,արվեստի անշահախնդիր ծառայությունը նրա կյանքն է։ Այս լեգենդար երգը բոլոր արտիստների մասին է։ Հատկապես նրանց մասին, ովքեր արդեն գիտեն «ծափերի համը»։ Ես չեմ բաժանվի այս երգից, և այն անպայման կմնա իմ երգացանկում: Նրա համար նույնիսկ համերգային ծրագրում տեղ եմ գտել»։

«Սանսեթ Բուլվար»-ում զբաղված են և՛ ռուս, և՛ վրացի, և՛ հայ արտիստներ` Եվգենի Ելպաշևը (Ջո Գիլիս), Ալիա Ագադիլովան (Բեթի Շեյֆեր), Արթուր Մանուկյանը (Մաքս ֆոն Մայերլինգ), Արամ Կարախանյանը (Շելդրեյք/Մանֆրեդ), Սերգեյ Դանիելյանը (Սեսիլ Դեմիլ) եւ այլք:

«Սանսեթ Բուլվար»-ը՝ Բրոդվեյի առաջին մյուզիքլն է, որը պաշտոնապես և օրինական կերպով բեմադրվել է Հայաստանում․ նախագիծն անցել է նույն փաստագրական ընթացակարգը, ինչ ցանկացած հայտնի մյուզիքլ, որը «տեղափոխվում է» նոր երկիր և թարգմանվում նոր լեզվով։

Լիցենզիայի համաձայն՝ ներկայացումը կցուցադրվի միայն 6 անգամ։ Տոմսերի և տեղեկատվություն համար՝ skyfist.com:

Այս թեմայով Ղազախստանը հայ-ադրբեջանական բանակցություններում ներկայանում է որպես չեզոք կողմ, բայց դա այդպես չէ. Իգիթյան Նիկոլին հեռացնելուց հետո՝ մեր ազգը դառնալու է աշխարհի ասիչը. Կարեն Սողոմոնյան Կոնֆլիկտն այսօր Տավուշի սահմանում Նիկոլ Փաշինյանի եւ հայերի միջեւ է. Կարեն Վրթանեսյան Շատ կարեւոր է, որ Սամվելը տեսանելի զանգվածային հանրային աջակցություն ստանա. Վրթանեսյան Օսկարակիր կոմպոզիտոր Էնիո Մորիկոնեի որդին Երեւանում կներկայացնի հոր հեղինակային ծրագիրը