Ես սիրում եմ Հայաստանը. օպերային դիվա Վերոնիկա Ջիոեւան ելույթ կունենա Երեւանում

«Երեւանյան հեռանկարներ» միջազգային երաժշտական 24-րդ փառատոնի նախաձեռնությամբ մայիսի 16-ին, ժամը՝19:00-ին «Արամ Խաչատրյան» համերգասրահում, Հայաստանի պետական սիմֆոնիկ նվագախմբի նվագակցությամբ (գլխավոր դիրիժոր` Սերգեյ Սմբատյան), ելույթ կունենա «օպերային դիվա» Վերոնիկա Ջիոեւան:

Կհնչեն արիաներ Ջուզեպպե Վերդիի․ «Աիդա» «Ճակատագրի ուժը» «Տրավիատա», Պյոտր Չայկովսկու․ «Տատյանայի նամակի տեսարանը» «Եվգենի Օնեգին» Սերգեյ Ռախմանինովի․ «Ալեկո», Պիետրո Մասկանիի․ «Ընկեր Ֆրիցը» օպերաներից :

Քննադատներն անվանում են նրան «Օպերային դիվա», «Աստվածատուր ձայնով օժտված երգչուհի», որն իր ներդաշնակ եւ խարիզմատիկ երգեցողությամբ պարզապես կախարդում է հանդիսատեսին։ Անզուգական ձայնի եւ արտիստիզմի շնորհիվ 2022 թ. Ցյուրիխում բեմադրված Վերդիի «Մակբեթ» օպերայում Լեդի Մակբեթի դերում նրա դեբյուտը երաժշտական քննադատները պարզապես «սենսացիա» են անվանել: Լինելով Ռուսաստանի Մեծ թատրոնի, Մարիինյան եւ Միխայլովսկու թատրոնների հրավիրյալ մեներգչուհի, նա ելույթներ է ունենում Վերոնայի ֆիլհարմոնիկ, Մադրիդի թագավորական, Ժնեւի Մեծ եւ Բրյուսելի «La Monnaie» թատրոնների, Համբուրգի պետական, Ցյուրիխի, Ֆինլանդիայի ազգային եւ այլ օպերաների հետ:

Վերոնիկա Ջիոեւան համագործակցում է նաեւ այնպիսի դիրիժորների հետ, ինչպիսիք են Մարիս Յանսոնսը, Վալերի Գերգիեւը, Թրեւոր Պիննոքը, Ինգո Մեցմախերը, Հարթմուտ Հենչենը, Ռոդիոն Շչեդրինը, Սիմոնե Յանգը, Պիտեր Սելլարս, Պակո Ազորին եւ ուրիշներ։

Այս թեմայով Բանակցություն չկա. Ալիեւը պահանջում է, Երեւանը տալիս, իսկ որտե՞ղ է ԵԱՀԿ-ն. Բալասանյան Միջազգայնագետը բաց նամակ է հղել Բագրատ սրբազանի գլխավորած շարժմանը Ինչու է Բագրատ սրբազանը կրում սպիտակ պարեգոտ. աստվածաբանը փակագծեր է բացում Ստիպված էի պատմել իմ պատմությունը՝ թույլ տալով հանդիսատեսին կարեկցել իմ պայքարին. Իբրահիմ Միարի Ինչու տեղի չունեցավ կոմունիստերի մայիսմեկյան երթը