Ինչ է թաքնված Փաշինյանի անտրամաբանական թվացող նոր նշանակումների հետեւում

Սոցցանցերում քննադատում ու հեգնում են այն, որ Նիկոլ Փաշինյանի խորհրդական, Երեւանի նախկին քաղաքապետ Հրաչյա Սարգսյանը նշանակվեց ՀՀ պաշտպանության փոխնախարար: Որեւէ տրամաբանություն այս նշանակման մեջ այդպես էլ չգտնվեց, հատկապես, որ Հրաչյա Սարգսյանը, ինչպես եւ պատմության ուսուցիչ ՊՆ նախարար Սուրեն Պապիկյանը, որեւէ աղերս չունի պաշտպանության գերատեսչությանը վերապահված գործառույթների հետ: Սակայն, իշխանական կուլիսներում այս ամենն ունի իր բացատրությունը:

Ըստ մերձՔՊական շրջանակների` իշխանության` Երեւանի քաղաքապետի թեկնածու Տիգրան Ավինյանի ընտրվելու հարցը բավական լուրջ կասկածի տակ է: Իհարկե, ՔՊ-ականների դարդը Ավինյանը չէ, այլ` քաղաքային իշխանությունը կորցնելը, ինչը հիմք կհանդիսանա իշխանական բուրգի քանդման: Դրա համար էլ ՊՆ է գործուղվել Երեւանի նախկին քաղաքապետ Հրաչյա Սարգսյանը, որն իբր զինվորականների շրջանում պետք է զբաղվի Տիգրան Ավինյանի համար ձայներ ապահովելով: Նույն տրամաբանությամբ էլ Արա Խզմալյանից հետո` մշակութային գծով ԿԳՄՍ փոխնախարարի գործառույթները ժամանակավոր վերապահվել է ԿԳՄՍ նախարար Ժաննա Անդրեասյանի տեղակալ Ալֆրեդ Քոչարյանին, որը Տիգրան Ավինյանի վաղ երիտասարդական տարիների մտերիմ ընկերներից է: Ըստ ամենայնի, Ավինյանի «անուշ ախպեր» Աֆոն պետք է զբաղվի` մշակութային գործիչների շրջանում ընկերոջ համար ձայներ «քերելով»:

ՀՐԱՆՏ ՍԱՐԱՖՅԱՆ

Այս թեմայով Եթե այդքան շատ եք ուզում Նիկոլ Փաշինյանը հրաժարական տա, դրե՛ք մանդատները. Բաբկեն Հարությունյան Փաշինյանը եւ իր աշխատակազմում վեր ընկածները տխրում են, քանի որ... Բաբկեն Հարությունյան Բեկել իշխանությունների սանձազերծած սահմանազատման եւ սահմանագծման սպառնալի գործընթացը կամ՝ ոչ հռետորական հարցադրումներ գործող իշխանությանը Բոլորն էլ հասկանում են, թե ի՞նչ է կատարվում՝ դավաճանություն, թշնամություն, խայտառակություն. Հարությունյան Ինչ է ծրագրել Արեւմուտքը Հայաստանում