Ռուսները թերմոբարիկ ռումբերը մասսայաբար կկիրառեն սպասվող հարձակման ժամանակ. արեւմտյան փորձագետներ (Տեսանյութ)

Վերջին ժամանակաշրջանում արեւմտյան աղբյուրները շատ են խոսում ռուսական ФАБ ավիառումբերի (ֆուգասային ավիառումբեր) մասին` ընդգծելով, թե դրանց դեմ պաշտպանություն ուկրաինական ուժերը ոչ մի կերպ չեն կարողանում գտնել: Խոսքն ամենասովորական գրավիտացիոն` սեփական ծանրության ներքո ընկնող ավիառումբերի մասին է (ФАБ 250, 500, 1500 եւ հիմա էլ` 3000կգ), որոնք փոքր մոդեռնիզացիայի հաշվին դարձել են օդում պլանավորվող (լողացող) և ուղղորդվողման: Այդ հաշվին կարող են թռչել մեծ հեռավորություններ (կան տվյալներ մինչեւ 90 կմ-ի մասին) ու ճշգրիտ հարված հասցնել թիրախին, ընդ որում, ինքնաթիռը մնում է ՀՕՊ համակարգերի ազդեցությունից դուրս: Այսինքն, երբեմնի սովորական ավիառումբը, որիվ Ռուսաստանի մեծ պաշարներ ունի, փոքր ծախսով վերածվում է բարձր ճշգրտության ժամանակակից զենքի:

Բայց ահա, հայտնի է դարձել, որ ФАБ-երն ամենեւին էլ ամենասարսափելի ռումբերը չեն: Այս օրերին արեւմտյան նույն փորձագետներն ակտիվորեն ահազանգում են ОДАБ (Extensive Detonating Air Bomb, ընդարձակ պայթեցնող օդային ռումբ, որը ռուսական բանակում ավելի պարզ անվանում ունի` թերմոբարիկ ռումբ) ավիառումբերի մասին, որ մոտ ժամանակներս ակտիվ կիրառման մեջ կմտնեն: Այս դեպքում եւս, ինչպես ФАБ-երի, տեղադրվում է պլանավորման եւ ուղղորդման մոդուլներ, եւ թերմոբարիկ ռումբերը նույն հեռավորթյունից ու ճշգրտությամբ կկարողանան հարվածել հակառակորդին, ինչպես ФАБ-երը: Միայն թե ОДАБ-ի դեպքում պայթյունը շատ ավելի կործանարար է: Նախ` արեազոլային նյութի տարածում եւ մեծ ջերմության բռնկում, ապա հզոր ֆուգասային լիք` վաակումային էֆեկտով հանդերձ, վերջապես` սովորական պայթյունային էֆեկտը (տեսանյությում):

Նույն աղբյուրները հավաստիացնում են, որ փորջնական կիրառում ուկրաինական -ակատում իրականացվել է (տեսանյութը), որն ունեցել է ապասվող էֆեկտը. խոցման գոտում, անգամ զրակատեխնիկայում եւ դաշտային բունկերում գտնվելով, փրկվելու հնարավորություն գործնականում չկա: Ընդ որում, տեսանյութում ОДАБ 500-ի հարվածն է, եւ կարելի է պատկերացնել ОДАБ 1500-ի ուժը:
Վերջապես, աղբյուրները միաբերան պնդում են, որ այս նոր զինատեսակը կդառնա անակնկալներից մեկը, որը ռուսները կկիրառեն սպասվող գարնանային մեծ հարձակման ժամանակ: Եթե այդպես է, ապա ներկա հսկայական կորուստներով հանդերձ, ուկրաինական բանակի ամենածանր օրերը դեռ առջեւում են: