«Պատիվ ունեմ» խմբակցությունում ՀՀԿ–աֆիկացում չի սպասվում

Պատգամավորական մանդատը վայր դնելու մասին ԱԺ «Պատիվ ունեմ» խմբակցության ղեկավար Արթուր Վանեցյանի հայտարարությունից հետո խմբակցության պատգամավորները չեն շտապում մեկնաբանություններ տալ: Պատճառը նաեւ տեխնիկական բնույթ է կրում: Խմբակցության քարտուղար Հայկ Մամիջանյանը երկրում չէ: Այս օրերին նա Ստրասբուրգում մասնակցում է ԵԽԽՎ լիագումար նիստին: Սակայն, արդեն իսկ որոշակիորեն ուրվագծվում է, թե հետայսու ինչպիսին է լինելու խորհրդարանական երրորդ ուժը: «Իրավունքի» ունեցած տեղեկությունների համաձայն` միաձայն բոլորը գտնում են, որ խմբակցության ղեկավար պետք է լինի հենց Հայկ Մամիջանյանը, իսկ խմբակցության քարտուղարի պաշտոնում` դեռ քննարկվում է պատգամավորներ Տիգրան Աբրահամյանի ու Աննա Մկրտչյանի թեկնածությունը: Հաշվի առնելով, որ խմբակցության քարտուղարը, այդուհանդերձ, ստիպված է լինելու առնչվել ԱԺ ղեկավար կազմի հետ, շատերը հակված են, որ այդ գործին կկարողանա սառնասրտորեն մոտենալ Տիգրան Աբրահամյանը, իսկ Աննա Մկրտչյանի դեպքում` այն, պարզապես, պայթյունավտանգ կարող է լինել:

Ի դեպ, թեպետ Ա. Վանեցյանն իր հայտարարության մեջ նշել էր, որ դե յուրե եւ դե ֆակտո դադարում է գոյություն ունենալ «Հայրենիք» կուսակցության ՀՀԿ-ի հետ ձեւավորած «Պատիվ ունեմ» դաշինքը, բայց ՀՀԿ-աֆիկացում խմբակցությունում չի սպասվում: Ինչպես եւ կանխատեսում էին շատ քաղաքական գործիչներ, նախկին ԲՀԿ-ական պատգամավոր Մարտուն Գրիգորյանը, ամենայն հավանականությամբ, չի հրաժարվի մանդատը վերցնել: Չնայած նա դեռ չի հաստատել, որ վերցնելու է` ընդգծելով, որ շուտ է այդ մասին խոսել: Ինչ խոսք, Մարտուն Գրիգորյանից սպասել, որ կլինի ՔՊ-ին խիստ ընդդիմադիր, շատերն են թերահավատորեն մոտենում: Մանդատը վայր չի դնի նաեւ «Հայրենիք» կուսակցության ցուցակով «Պատիվ ունեմ» խմբակցության պատգամավոր ընտրված անկուսակցական Թագուհի Թովմասյանը: Դե իսկ Իշխան Զաքարյանը, որը հայտարարել էր խմբակցությունից դուրս գալու, բայց մանդատը սրբորեն պահելու մասին` կշարունակի տեղ զբաղեցնել Ազգային ժողովում ու բացակայել` ինչպես խորհրդարանական նիստերից, այնպես է քաղաքական իրականությունից` որպես շառից–փորձանքից վահան օգտագործելով իր անձեռնմխելիությունը:

ՀՐԱՆՏ ՍԱՐԱՖՅԱՆ

Այս թեմայով Գրանտակեր պրոպագանդիստները… պետք է վերջ տան հակառուսականության տարածմանը Նիկոլ Փաշինյանին սպառնում է 15-20 տարի կամ ցմահ ազատազրկում. հաղորդում` հանցագործության մասին Ով է փորձում խլել Հայաստանի փոքրիկ երգիչների շենքը. Փակագծեր է բացում Տիգրան Հեքեքյանը Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց Հայ ժողովրդին ստրկացնելու նպատակ ունեցող Նիկոլին միասնական պիտի հեռացնենք. Աննա Մկրտչյան