Սպարապետի գերեզմանի մոտ՝ Վահագն Խաչատուրյանը, խաչակնքվելու փոխարեն, մազերն է ուղղում ⚡️⚡️«Իրավունք» թերթի այսօրվա տպագիր համարում կարդացե՛ք... ԿԱՊԻՏՈՒԼՅԱՆՏԻԶՄԻ ՏԵՂԸ ՊԱՏՄՈՒԹՅԱՆ ԱՂԲԱՆՈՑՆ Է ՄԵԾ ՍՈՒՏ. Փաշինյանի ռազմական մանիպուլյացիաները. 80-ականների զենք Բա եթե դու գնում ես պատերազմի, արա՛, 2,5 տարի ի՞նչ ես արել. Էդուարդ Շարմազանով Հայը մորթվում ա, աշխարհը լուռ ա` երեւի նավթադոլարների պարանը էլի խեղդում ա Ինչի է ունակ «Պոսեյդոնը»՝ «Ահեղ դատաստանի» անխոցելի զենքը Ցյուրիխյան արձանագրությունների և հայ-թուրքական հաշտության հնարավոր պայմանագրի վերաբերյալ Լևոն Տեր-Պետրոսյանի դատողություններն անընդունելի են. Սերժ Սարգսյանի գրասենյակ Հյուսիսային հոսքի գազատարի պայթեցման հետեւանքները և նոր նախապատրաստվող «պայթյունի» մասին Ուկրաինական բանակը Դոնբասում և Խարկովում եռօրյա մարտերի ընթացքում կորցրել է ավելի քան 1700 մարդ (ՏԵՍԱՆՅՈՒԹ)


ՀԱՅԱՍՏԱՆ-ՍՓՅՈՒՌՔ ԱՌՑԱՆՑ ՀԱՄԱԼՍԱՐԱՆ   ՀԻՄՆԱԴՐԵԼՈՒ ՀՐԱՏԱՊՈՒԹՅՈՒՆԸ

Հրապարակախոսություն

Գագիկ Հարությունյան

Ցանցային հետազոտությունների ինստիտուտ

"Ուժեղ Հայաստանը Ռուսաստանի հետ" շարժման քաղաքական-գաղափարական հանձնաժողովի նախագահ

Անգլսաքսոնյան և, ամենայն հավանականությամբ՝ թուրքական հատուկ ծառայությունների անմիջական մասնակցությամբ,
ՀՀ-ում 2018թ. իշխանափոխություն իրագործած ներկայիս վարչախմբին հանձնարարվել է ոչ միայն կազմալուծել  Հայաստանը և
նրա մաս կազմող Արցախի պետականությունը, այլև ոչնչացնել Հայաստանը և Սփյուռքը ներկայացնող ողջ հայության քաղաքակրթական,
  հոգևոր և մտավոր արժեքների:
Այդ առումով ամենևին պատահական չէ, որ այդ վարչախմբի առաջին քայլերից էին մեր եկեղեցու նկատմամբ հանցավոր արարքների
կազմակերպումը, գիտակրթական հանրության նկատմամբ վիրավորական քամհարանքը և այլն:
Խորհդանշական է նաև Սփյուռքի նախարարության վերացումը և այդ համատեքստում ամենևին պատահական չէ,
որ օրերս արգելվեց Հայաստան մուտք գործել Ֆրանսիայի հայկական ընկերությունները համակարգող խորհրդի համանախագահ,
հեղինակավոր սփյուռքահայ գործիչ Մուրադ Փափազյանին
(նախկինում նման որոշում էր ընդունվել Թուրքիայի և Ադրբեջանի իշխանությունների կողմից): 

             Սակայն հայկական հանրությունը, չնայած իր դեմ կիրառվող հիբրիդային պատերազմներին բնորոշ ռազմաքաղաքական, տնտեսական, տեղեկատվական – կենսաբանական պայքարի միջոցներին,  ըմբոստացել է ՀՀ-ում իշխող օկուպացիոն ռեժիմի դեմ և կասկած չկա, որ ազատագրման պահը հեռու չէ: Միևնույն ժամանակ արդեն այսօր պետք է ձգտել մշակել այնպիսի ռազմավարություն, որը մեզ թույլ կտա ապագայում հերթական անգամ չհայտնվել լինել – չլինելու իրավիճակում և զարգանալ համաձայն մեր ազգային  ընդունակությունների ու կարողությունների: Անշուշտ, նման ընդհանրական ռազմավարություն մշակելու համար անհրաժեշտ է հավաքագրել հայկական հանրության մտավոր և հոգևոր ընտրանին ու աշխատել լավ մտածված ձևաչափերով, սակայն արդեն իսկ կարելի է խորհել որոշ նախագծերի շուրջ ու սկսել աշխատանքներ դրանք իրագործելու  մպատակով:

Ուշագրավ է, որ համաձայն առաջատար երկրներում ընդունված «Ազգային անվտանգության» հայեցակարգերի, մարտահրավերներին արդյունավետ դիմակայելը հնարավոր է միայն հանրությունում մտավոր և հոգևոր բարձր մակարդակ ունեցող «կրիտիկական զանգվածի» առկայության պարագայում։ Այս մոտեցումը հիմնավորված է համեմատական հաշվարկներով, համաձայն որոնց գլոբալ աշխարհաքաղքական թաթերաբեմում միայն այդպիսի «զանգվածն» է, որ կարող է ձևավորել ազգային գաղափարներով տոգորված հասարակություն և ընտրանի, որոնք զորու են արդյունավետ ղեկավարել ու զարգացնել երկիրն ինչպես բարենպաստ, այնպես էլ ճգնաժամային իրադրություններում։

Վերոնշյալից հետևում է, որ ընդհանրական հայկական հանրությունը հարատևելու համար ևս պետք է ձգտի ձևավորել իր սեփական մտավոր և հոգևոր «կրիտիկական զանգվածը»: Այս առիթով նկատենք, որ արդի համացանցային տեխնոլոգիաները թույլ են տալիս գիտելիքի և տեղեկատվության հեռահար փոխանակումներ իրականացնել, ինչի շնորհիվ էլ աշխարհում մեծ տարածում են  գտել տարաբնույթ առցանց կրթական նախագծեր։ Հեռահար առցանց ուսուցումը նպատակահարմար և նշանակալի է հատկապես այնպիսի դեպքերում, երբ ուսուցանման հավանական լսարանը կենտրոնացած չէ մեկ աշխարհագրական վայրում, այլ ցրված է, սակայն ունի ցանցային կազմակերպման ներուժ: Հայաստանը և Սփյուռքի տարբեր համայնքները կարող են կիրառել այսպիսի հնարավորությունը գիտակրթական ոլորտում համագործակցության, առկա կապերի ամրապնդման և զարգացման, ինչպես նաև գիտելիքների և փորձի արդյունավետ փոխանակումների նպատակով: Ի սկզբանե նշենք, որ համաձայն փորձագիտական կանխատեսումների սպասվում է որ առաջիկա 15 տարում առցանց կառույցները կկազմեն աշխարհում գործող կրթական կառույցների շուրջ 80%-ը: Օրինակի արդեն այսօր Coursera  առցանաց համակարգում ուսուցում են ստանում շուրջ 3 միլիոն ուսանող: Ավանդական կրթական համակարգի սկզբունքային բնույթի փոփոխությունը իր վրա է հրավիրում ներդրողների ուշադրությունը, քանի որ հայտնի է, որ կրթական ոլորտում կատարվող ներդրումները խիստ ձեռնտու են և ունեն տարեկան   նվազագույնը 30% շահավետություն: Այսինքն եթե նման համալսարանում ուսուցում են անցնում գոնե 3 հազար ուսանող, իսկ ուսման վարձը կազմում է $3000, ապա այդ կառույցի տարեկան եկամուտը կկազմի $9 մլն, իսկ շահույթը՝ նվազագույնը  $3մլն.: Պատահական չէ, որ ամերիկյան  միլիարդատեր Ջոն Փոլսոնը համեմատաբար վերջերս այս ոլորտում ներդրեց $400 մլն., իսկ Ջորջ Սորոսը՝ $500 մլն.:

Նկատենք, որ խոշոր սփյուռք ունեցող ազգերի համար  առցանց ուսուցման ներդրման կսրևորության և դրա  շահավետության մասին է վկայում այն փաստը, որ այս ոլորտում խիստ ակտիվ են գործում ինչպես հրեական ազգային – հասարակական կազմակերպությունները, այնպես էլ հրեական կապիտալ ունեցող բիզնես կառույցները:    

Վերոնշյալի համատեքստում խիստ արդիական և հրատապ խնդիր է հանդիսանում ազգային բոլոր տարաբնույթ ռեսուրսների մոբիլիզացման միջոցով առցանց Հայաստան-Սփյուռք Համալսարանի (Armenia – Diaspora University, ADU) ստեղծումը և համակարգված դասընթացների կազմակերպումը: Նման կառույցը անխուսափելիորեն կվերածվի ընդհանուր գիտակրթական և ազգային խնդիրների քննարկման հարթակ Հայաստանի և Սփյուռքի մտավոր շրջանակների համար: Այդ կառույցը կնպաստի ոչ միայն Հայաստանի և Սփյուռքի գիտակրթական ինտեգրմանը, այլև մեր ընդհանուր մտավոր ռեսուրսների զարգացմանը, ինչը վճռորոշ նշանակություն ունի ներկայում հայությանը նետված արդի հիբրիդային մարտահրավերներին դիմագրավելու տեսանկյունից:

Վերոնշյալ հիմնավորումների համատեքստում հարկ է շեշտել, որ չնայած Հայաստանում բարձրագույն կրթություն ստացածների թիվը բավական մեծ է, սակայն գիտակրթական ոլորտը գտնվում է խիստ ցածր մակարդակի վրա և դրա մասին են վկայում վարականիշային հետևյալ տվյալները:   Օրինակ Webometrics Ranking of World Universities (WRWU) կողմից իրականացրած հետազոտություններում 2022թ. հունվարի դրությամբ Հայաստանից ընդգրկվել են 53 բուհ: Դրանցից Երևանի Պետական Համալսարանը զբաղեցնում է 2641-րդ հորիզոնականը (միչդեռ դեռևս 2018թ –ին ԵՊՀ-ն 2628-րդն էր): Հարկ է նշել, որ ԵՊՀ-ին հաջորդող Հայաստանի Ամերիկյան համալսարանը և Ռուս Հայկական Համալսարանը, որոնք ՀՀ-ում զբաղեցնում են 2 և 3 տեղերը, համաձայն WRWU -ի գտնվում են 4107 և 4780 հորզոնականներում, իսկ մնացյալ հայկական բուհերը տեղաբաշխված են 5195 մինչև 31231 հորիզոնականներում։

Արձանագրենք նաև, որ համաձայն WRWU մեր տարածաշրջանում  առաջատարը Թեհրանի Համալսարանն է, որը գրավում է 309-րդ տեղը, իսկ  Թուրքիայի Միջին արևելյան տեխնիկական համալսարանը 538-րդն է: Թբիլիսիի Իվանե Ջավախաշվիլիի պետական համալսարանը գտնվում է 1323-րդ տեղում և էապես բարելավել է իր դիրքը 2018 թ-ի համեմատ (2006–րդ հորիզոնական):   Բաքվի պետական համալսարանը գրավում է  3319 տեղը։

Ի լրումն, ցածր ցուցանիշների հետևանքով հայկական բուհերը տեղ չեն գտնում որոշ հեղանակավոր կառույցների հրատարակած վարկանիշային ցուցակներում (տես, օրինակ, «Эксперт РА» ռուսաստանյան միջազգային խոշորագույն վարկանիշավորման գործակալության և հանրահայտ QS World University Rankings - ի տվյալները): Հատկանշական է նաև, որ Թուրքիայում, որի մեկ շնչին ընկնող ՀՆԱ-ի ցուցանիշը շուրջ 2 անգամ գերազանցում է Հայաստանին, գործում է 186 համալսարան, իսկ կրթությանը հատկացվող ծախսերը կազմում են $24 մլրդ։ Համաձայն The Times-ի բուհերի վարկանիշային ցուցակի, աշխարհի լավագույն 500 համալսարանների շարքում ընդգրկվել է թուրքական 5 բուհ: Իսկ ըստ ԱՄՆ Ազգային գիտական հիմնադրամի   «Գիտահետազոտական ակտիվության» ցուցանիշի՝ Թուրքիան աշխարհում զբաղեցնում է 19-րդ տեղը: Ի լրումն այս ամենի, որ այդ երկիրն առաջատարներից է նաև գրքերի ընթերցման առումով, քանի որ տարեկան հրատարակվում է շուրջ 40 – 50 հազար  նոր գիրք:

Ներկայացված տվյալների համատեքստում նշենք, որ Երրորդ Հանրապետության գիտական ներուժը համեմատ Երկրորդ Հանրապետության նվազել է ավելի քան 10 անգամ: Նախկինում Հայաստանը գիտակրթական և տեխնոլոգիական առումով ԽՍՀՄ առաջատարներից էր. այս առումով բավական է հիշել, որ միայն Յակով Զարոբյանի կառավարման տարիներին (1960 – 1966թ.թ.) Հայաստանում հիմնվել է ավելի քան 70 գիտատեխնոլոգիական հաստատություն: Հատուկ շեշտենք, որ ԽՍՀՄ փլուզումից հետո Ադրբեջանի նկատմամբ տարած ռազմական – քաղաքական հաղթանակը և Արցախի ազատագրումը, ինչպես ադարացիորեն արձանագրում են բրիտանական հատուկ ծառայությունները, պայմանավորված էր առաջին հերթին հայկական հանրության բարձր  գիտելիքային և հոգևոր մակարդակով:

Մտահոգիչ իրավիճակը նաև Սփյուռքում, որտեղ վերջին տարիների ամենամեծ կորուստը կարելի է համարել Մելքոնյան վարժարանի փակումը:  Այսօր Սփյուռքում գործող միակ  բարձրագույն ուսումնական հաստատությունն է Բեյրութի Հայկազյան համալսարանն (հիմնադրվել է Ամերիկայի Հայ Ավետարանչական ընկերակցության կողմից 1955թ.) և այն համազգային նշանակություն ունի հայության համար: Այստեղ ուսանելու են գալիս հայ երիտասարդներ ոչ միայն Լիբանանից, այլև այլ երկրներից, իսկ  շրջանավարտները հետագայում իրենց գործունեությունը ծավալում են ոչ միայն Լիբանանի, այլև այլ երկրների հայ համայնքներում և ազգային կառույցներում: Ավելին, Բեյրութի Հայկազյան համալսարանը՝ որպես կրթական հաստատություն, ունի նաև միջազգային նշանակություն, քանի որ այնտեղ, բացի հայերից, ուսանելու են գալիս նաև այլազգի ուսանողներ: Այս համալսարանը Հայագիտության ամբիոնի և Հայկական Սփյուռքի ուսումնասիրությունների կենտրոնի գործունեության շնորհիվ հանդիսանում է աշխարհի հեղինակավոր  հայագիտական կենտրոններից մեկը: Սակայն հարկ է փաստել, որ այսօր Լիբանանում տիրող անկայուն քաղաքական իրավիճակը էապես խաթարել է նաև այս  հաստատության գործնեությունը: 

Փայլուն չեն գործերը նաև այլ հայագիտական կենտրոններում: Համաձայն  փորձագիտական գնահատականների, արտերկրում գործող մոտ 100 նման կենտրոններից քչերն են, որոնք այս կամ այն չափով (ցավոք, երբեմն ոչ այնքան բարձր մակարդակով) զբաղվում են հայությանն առնչվող արդիական խնդիրներով: Արդյունքում սփյուռքահայ հանրությունում և մամուլում ձևավորվում են բավական պարզունակ մոտեցումներ Հայաստանի, Սփյուռքի և ընդհանրապես  աշխարհաքաղաքական իրողությունների նկատմամբ:  Մինչդեռ հրեական համանման կառույցների շուրջ 90%-ը կենտրոնացած է հրեականության արդի խնդիրներին լուծումներ գտնելու աշխատանքների վրա և դա էապես նպաստում է նրանց զարգացմանը ու ընդհանրական ազգային անվտանգության մակարդակի բարձրացմանը:

Ստեղծված իրադրությունում ամենացավալի հանգամանքներից է այն, որ հայ անհատականությունը ունի բնատուր ընդունակություն և օժտված է առանձնահատուկ ձգտումով գիտելիքներ ստանալու և ստեղծելու ոլորտում: Սկսած Մեսրոպ Մաշտոցից մեր ազգից սերվել են բազմահազար ստեղծարար անձիք և դեռ ոչ վաղ անցյալում արարում էին հայազգի տաղանդավոր գիտնականների  մի ամբողջ  համաստեղություն: Բավական է հիշել Վիկտոր Համբարձումյանին, Օրբելի և Ալիխանյան եղբայրներին, Սերգեյ Մերգելյանին, Անդրանիկ Իոսիֆյանին, ինչպես նաև քչերին հայտնի, խորհրդային միջուկային զենքի «հայր», ԽՍՀՄ եռակի հերոս Կիրակոս Մետակսյանին (Կիրիլ Շչելկին) և էլի նման շատ – շատերին: Հարուստ է տաղանդավոր գիտնականներով նաև մեր Սփյուռքը, որտեղ վերջերս բժշկագիտության ոլորտում Նոբելյան մրցանակի արժանացավ Արտեմ Փաթափությանը: Համաձայն մեր դիտարկումների, այսօր Սփյուռքում առկա են հարյուրավոր (եթե ոչ հազարավոր) տաղանդավոր գիտնականներ, որոնք կարող են մեծ ավանդ ներդնել Հայաստան – Սփյուռք  համալսարանի աշխատանքներին:

Միևնույն ժամանակ հարկ է նշել, որ ընդհանրական հայկական հանրությունում ներկայումս տիրող գիտակրթական ոլորտի ոչ այնքան բարենպաստ իրավիճակը, մասնավորապես, հետևանք է այն իրողության, որ «հայկական կապիտալը» (ինչպես արտերկրում, այնպես էլ հայրենիքում) լավ չի պատկերացնում Հայաստանի և Սփյուռքի ներկայիս իրավիճակը՝ այսպես կոչված «կոորդինատները» գլոբալ հարթությունում: Մինչդեռ ներկայիս «հիբրիդային պատերազմների» ժամանակահատվածում (որը քաղաքագիտական հանրությունում անվանում են անգամ «Երրորդ համաշխարհային պատերազմ») տեղի է ունենում նաև միջազգային իրավունքի և նորմերի սրընթաց արժեզրկում: Նման իրավիճակում ամենևին պետք է չէ բացառել անգամ հայկական պետականության կորուստը, դրանից բխող ծանրագույն հետևանքներով: Ակնհայտ է, որ ստեղծված իրավիճակում արդեն իսկ անհրաժեշտ է որոշակի գործողություններ կատարել Հայաստան-Սփյուռք Համալսարանի ստեղծման համար: Որպես առաջին քայլ այս ուղղությամբ կարելի է պատկերացնել հասարակական մի կառույցի ձևավորումը, որտեղ հնարավոր կլինի կենտրոնացնել և քննարկել հայկական գիտակրթական հանրության առաջարկները նման համալսարանի վերաբերյալ: 

 

    

 

Հետևեք մեզ Telegram-ում
Հետևեք մեզ Facebook-ում
Հետևեք մեզ YouTube-ում
Հետևեք մեզ instagram-ում
Հետևեք մեզ OK-ում
Սպարապետի գերեզմանի մոտ՝ Վահագն Խաչատուրյանը, խաչակնքվելու փոխարեն, մազերն է ուղղում⚡️⚡️«Իրավունք» թերթի այսօրվա տպագիր համարում կարդացե՛ք... ԿԱՊԻՏՈՒԼՅԱՆՏԻԶՄԻ ՏԵՂԸ ՊԱՏՄՈՒԹՅԱՆ ԱՂԲԱՆՈՑՆ ԷՄԵԾ ՍՈՒՏ. Փաշինյանի ռազմական մանիպուլյացիաները. 80-ականների զենքԲա եթե դու գնում ես պատերազմի, արա՛, 2,5 տարի ի՞նչ ես արել. Էդուարդ Շարմազանով«Ինտեր» - «Բարսելոնա». Հավանական մեկնարկային կազմերն ըստ ՈւԵՖԱ-ի Հայը մորթվում ա, աշխարհը լուռ ա` երեւի նավթադոլարների պարանը էլի խեղդում աԻնչի է ունակ «Պոսեյդոնը»՝ «Ահեղ դատաստանի» անխոցելի զենքըՑյուրիխյան արձանագրությունների և հայ-թուրքական հաշտության հնարավոր պայմանագրի վերաբերյալ Լևոն Տեր-Պետրոսյանի դատողություններն անընդունելի են. Սերժ Սարգսյանի գրասենյակՀյուսիսային հոսքի գազատարի պայթեցման հետեւանքները և նոր նախապատրաստվող «պայթյունի» մասինՈւկրաինական բանակը Դոնբասում և Խարկովում եռօրյա մարտերի ընթացքում կորցրել է ավելի քան 1700 մարդ (ՏԵՍԱՆՅՈՒԹ)Էներգետիկ համակարգը կփլուզվի.ԱՆՈՆՍՀա՛յ ժողովուրդ, դու քեզ ներու՞մ ես, որ քո զավակներին շարունակում են գնդակահարել Նիկոլի լուռ համաձայնությամբ. Արմեն ԱշոտյանՎեհափառ հայրապետի նախաձեռնած հարթակի անհրաժեշտությունը կարելի է սպառված համարել. Արման Մուսինյան (ilur.am)Բուխարեստում ընթացող ԵԺԿ Երիտասարդական կազմակերպության խորհրդի հավաքի ընթացքում ներկայացրել եմ ադրբեջանական լայնածավալ ագրեսիայի մանրամասները. Լիլիթ ԲեգլարյանՀայ գերիների հրապարակային գնդակահարության կադրերն Ադրբեջանի կողմից մեսիջ էր մասնավորապես արևմուտքին ու ԱՄՆ-ինՓաշինյանի բառամթերքը խայտառակություն էր. Հայկ Մամիջանյան«Սուրմալուի» պայթյունից երկու ամիս անց եռահարկ կիսավեր շենքը քանդելու որոշում է կայացվելՊետդուման վավերացրել է Ուկրաինայի չորս շրջանների՝ ՌԴ-ին միանալու մասին օրինագիծըՖրանսիան Ուկրաինային Bastion զրահափոխադրիչներ կմատակարարի. TribuneԳերմանիայի նախարարները վիճել են «Պուտինի հետ պատերազմելու» հայտարարության համարՊատգամավորները ՀՀ պետբյուջեի հաշվին մեկ շաբաթով կմեկնեն Ռուանդա. պատվիրակության կազմում 7 անձ էԲլինկենը բացեիբաց խոսեց «Հյուսիսային հոսքեր»-ը ոչնչացնելու ԱՄՆ-ի և ՆԱՏՕ-ի շարժառիթների մասինԷրդողանը կայցելի ԱդրբեջանԱԺ «Պատիվ ունեմ» խմբակցության ղեկավար Հայկ Մամիջանյանի ասուլիսը. ՈՒՂԻՂ«Կետերն այլևս գաղտազերված են: Եզրակացությունը մեկն է: Մեզ բռնի կերպով ուզում են հաշտեցնել բնաջնջման հետ». Կարեն ԱվագյանՎրեժ Մարկոսյանի նկատմամբ համաներում է կիրառվելԱղվան Հովսեփյանին հանցակցելու դրվագով մեղադրական դատավճիռ է կայացվելԱդրբեջանը խոստացել էր մինչև սեպտեմբերի 30-ը 17 հայ գերիների ազատ արձակել, բայց չի կատարել պարտավորությունը. ԱԽ քարտուղարԹե բա ԴԵՄՈՔՐԸՍԻ...Հաստատվել է կորոնավիրուսի 910 նոր դեպք, առողջացել ՝ 1368 քաղաքացի․ ՀՀ ԱՆԱդրբեջանը հաստատել է, որ իր մոտ գտնվում է 17 հայ ռազմագերի. ՔարազյանԿԽՄԿ-ի ներկայացուցիչները հանդիպել են ռազմագերիներին, որոնք սեպտեմբերի 13-ից հետո են գերեվարվելՄեկ օր ջուր չի լինիՍա արդեն 2-րդ դեպքն է, երբ Ադրբեջանը հրաժարվում է կատարել հայ գերիներին ազատ արձակելու իր խոստումը. Նիկոլ ՓաշինյանՈւկրաինական զրահատեխնիկայի երեկվա հաջող ճեղքումը վերածվեց մկան թակարդի (Քարտեզ)Ու սրանք այս դիվանագիտությամբ ու այս հակառակորդի հետ պատրաստվում են բանակցել Արցախի հայ ժողովրդի անվտանգության ու կարգավիճակի հարցը. Դերենիկ ԽաչատրյանՏղամարդը սպառնացել է գնդակահարել ոստիկանության կենտրոնական բաժնի ծառայողներինԱզգային արխիվի տնօրենն ազատվել է աշխատանքից Թուրքիան հայտնել է սեւծովյան գազի արդյունահանման հարցում «հերթական մեծ քայլի» հաղթահարման մասինԲաքուն Երևանին առաջարկել է սահմանազատման հարցով նիստը տեղափոխել հոկտեմբերԳվարդիոլա․ Գերազանց հաղթանակ էր, բոլորը երջանիկ ենՓակենք այգին, ասենք՝ մեր բարեկարգածն ա, չնայե՞ք․ ի՞նչ է նշանակում՝ չեն թողնում իրենց ջրագծին միանանքԱռկա լարվածության ֆոնին Ադրբեջանը Հայաստանին առաջարկել է սահմանազատման երկկողմ հանձնաժողովի հաջորդ նիստն անցկացնել ոչ թե նոյեմբերին, այլ հոկտեմբերինՀարիի և Մեգանի համար հետդարձի ճանապարհ չկա. հրապարակվել է Չարլզ 3-րդի առաջին պաշտոնական լուսանկարն ընտանիքի հետՀՈԿՏԵՄԲԵՐԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸՄինչև ադրբեջանը Հայաստանի կողմից լուրջ հակահարված չստանա չի կանգնելու․ Արա ԶոհրաբյանԱստղագուշակ՝ հոկտեմբերի 3-ի համարՆավթը կտրուկ թանկացել է 2023 թվականի համար նախատեսված է հատկացնել մոտ 400 միլիոն դրամ Հայաստանի մի շարք հուշարձանների ուսումնասիրման, նորոգման, ամրակայման և վերականգնման համար
Հետևե՛ք -ին Youtube-ում`
Ереван погода
$ 405.65 396.08 7.57