«Զարթոնքը» Թալինի ՏԻՄ ընտրությունների մասով որոշում դեռ չունի

«Իրավունքի» ունեցած տեղեկությունների համաձայն` աշնանը Թալինում նախատեսված ՏԻՄ ընտրություններին մասնակցելու հարցում «Զարթոնք» կուսակցությունը դեռ վերջնական որոշում չունի:

Հիշեցնենք, որ 2021 թ. դեկտեմբերի 5-ին Արագածոտնի մարզի Թալին միավորված համայնքում տեղի էր ունեցել համամասնական ընտրակարգով ավագանու ընտրություն, որի արդյունքում «Քաղաքացիական պայմանագիրը» ստացել էր 46,6 տոկոս ձայն, իսկ ընտրություններին մասնակցած մյուս երեք ուժերը՝ «Զարթոնքը», «Հայքը» եւ «Մեր համայնքը» կոալիցիա էին կազմել: Դեկտեմբերի 17-ին կայացել էր Թալին համայնքի ավագանու անդրանիկ նիստը, որի ընթացքում Տավրոս Սափեյանն ընտրվել էր համայնքի ղեկավար: Սակայն առ այսօր չի կայացել համայնքի ընտրված ղեկավարի երդման արարողությունը՝ ավագանու անդամների քվորումը չապահովվելու հիմքով:

Փետրվարի 8-ից առ այսօր Թալին համայնքի ավագանու նիստեր չեն հրավիրվել եւ անցկացվել, քանի որ դրանք պետք է հրավիրվեին համայնքի ղեկավարի կողմից, այնինչ Թալին համայնքի ընտրված ղեկավարն իր լիազորությունները չի ստանձնել: Ուստի` որոշում է կայացվել Թալինի ավագանու լիազորությունները վաղաժամկետ դադարեցնելու եւ ավագանու արտահերթ ընտրություններ նշանակելու մասին:

ՀՐԱՆՏ ՍԱՐԱՖՅԱՆ

Այս թեմայով Եթե այս ընթացքը չկասեցվի, ամիսներ անց հնարավոր է` պետականություն չունենանք. Չախալյան Մենք կանգնած ենք մեր Եկեղեցու կողքին. Արա Զոհրաբյան Գյումրիի ավագանիում «Զարթոնք»-ը մնաց առանց ղեկավարի 1257 քաղաքացի հանցագործության մասին հաղորդում է հանձնել գլխավոր դատախազին Մարդկանց պետք է բացատրել, որ եթե Նիկոլը գնա, իրենց ոչ մեկը չի հոշոտելու, չի պատժելու. Չախալյան