Իրենց շնորհիվ է, որ Ջերմուկը կա. Արմենը պայթեցրել է իրեն, իր հետ էլ՝ թշնամու զորքին

Վանաձորի Սուրբ Գրիգոր Նարեկացի եկեղեցում այսօր ժամը՝ 17:00-ին  տեղի կունենա Օմարի Արծվի՝ ԱՐՄԵՆ ԱՍԼԱՄԱԶՅԱՆԻ (Ումուդ) հոգեհանգստի արարողությունը: Սեպտեմբերի 13-ին Ջերմուկի մարտերում զոհված եւ մինչեւ օրս անհետ կորած համարվող հերոսը Mega News կայքի խմբագիր Մարգարիտա Դավթյանի եղբոր որդին էր:

«Արմենս ով իր կյանքը տվեց հանուն Հայրենիքի, 44 օրյա պատերազմից հետո ասեց` ոսկե սերունդ գնաց, չկարողացա երեխեքին փրկեմ: Ասեցի՝ Արմեն ջան, հանգիստ չունեմ, որ դուք սահմանին եք, ասաց՝ հանգիստ քնի, մեռնեմ քեզ, բա ես ինչի համար եմ, որ դու հանգիստ քնես, բա հիմա ասա, ո՞նց ենք անելու, ո՞նց ենք հանգիստ քնելու, իմ թանկս, իմ հերոսս, ասածդ արեցիր ու էսքան կսկիծը սրտներիս թողեցիր ու դեպի երկինք գնացիր: Գնաս բարով, իմ հերո՜ս տղա, լույսերի մեջ մնաս, Հայրենիքը կանչեց քեզ: , - գրել է Մարգարիտա Դավթյանը:

Երբ Ջերմուկում թշնամու 400 հոգանոց խումբը շրջափակման մեջ է գցել մեր զինծառայողներին, 44-ամյա Արմեն Ասլամազյանը տեսնելով որ այլ ելք չկա՝ պայթեցրել է իրեն, իր հետ էլ՝ թշնամու զորքին։

«Հիմա հենց իրենց շնորհիվ է, որ Ջերմուկը կա եւ կանգուն է», - անասելի ցավով գրել է հորաքույրը:

Ցավակցում ենք մեր գործընկերոջը՝ Մարգարիտա Դավթյանին ու նրա հարազատներին: Հիշատակն արդարոց, օրհնությամբ եղիցի…

Այս թեմայով Վախենամ մեծ ժողովրդական պայթյուն լինի եւ երկիրը վերածվի քաոսի. Շարմազանովը փակագծեր է բացում Նիկոլ Փաշինյանի իշխանությունը հոգեվարքի մեջ է, իրավիճակին չեն տիրապետում. Շարմազանով (ԱՆՈՆՍ) Ես պահանջատեր եմ, գործարքի մեջ չեմ մտնելու ու չեմ լռելու. Սարգիս Արզումանյան Հասկացե՛ք վերջապես՝ հայրենիքը ձեր հաշվառման հասցեից ու կադաստրային գրանցումից շատ ավելի մեծ է. Պետրոսյան Մենակ չթողնե՛ք տավուշցուն. Գառնիկ Դանիելյան