Ռուսաստանը չի պատրաստվում լքել ո՛չ Արցախը եւ ո՛չ էլ Հարավային Կովկասը. Հայկ Այվազյան

Ներքաղաքական 28 Դեկտեմբեր, 2022 0:37

«Դեկտեմբերի 21-ին Մոսկվայում տեղի ունեցավ Ռուսաստանի Պաշտպանության նախարարության ընդլայնված նիստը, որի ընթացքում ելույթով հանդես եկավ Ռուսաստանի Պաշտպանության նախարարը։ Սերգեյ Շոյգուն ներկայացրեց Ռուսաստանի զինված ուժերի 2023 թվականի առաջնահերթությունները, որոնց շարքում, ՆԱՏՕ-ին զսպելու եւ Ռուսաստանի ատոմային եռյակը հզորացնելու խնդիրներից բացի, ներառված էր նաեւ Լեռնային Ղարաբաղում կայունության եւ խաղաղության ապահովման խնդիրը։

Սա գրում եմ, քանի որ համացանցում նկատում եմ բացահայտ կեղծիքներ, որոնք կարելի է դասել Հայաստանի եւ Արցախի դեմ տարվող տեղեկատվական դիվերսիաների շարքին։ Բա ԱՄՆ ԿՀՎ եւ բրիտանական ՄԻ 6-ի պետերի այցը Հայաստան պատահակա՞ն էր։ Առաջին կեղծիքն այն է, որ Ռուսաստանը իբր պարտադրում է Հայաստանին մտնել Միութենական պետություն, որով Հայաստանը իբր կկորցնի իր ինքնիշխանությունը։ Իսկ մերժում ստանալու դեպքում Ռուսաստանն իբր կարող է մեր դեմ նոր պատերազմ հրահրել Ադրբեջանի ձեռքերով։ Հիմա էլ երկրորդ կեղծիքն է տարածվում, թե իբր Ադրբեջանը Ռուսաստանին ժամանակ է տվել զորքերը Արցախից դուրս բերելու համար։ Վերը նշված երկու կեղծիքների հետ կապված երկու բան.

1. Պահը կգա եւ Հայաստանն իր կամքով կմտնի Միութենական պետության կազմ ու դրանով կվերականգնի իր կորցրած ինքնիշխանությունը։

2. Ռուսաստանը չի պատրաստվում լքել ո՛չ Արցախը եւ ո՛չ էլ Հարավային Կովկասը», - գրել է «Լույս» վերլուծական-տեղեկատվական կազմակերպության ղեկավար, «Հականացիստական ճակատ» նախաձեռնության համակարգող ՀԱՅԿ ԱՅՎԱԶՅԱՆԸ:

Այս թեմայով

Տավուշի պայքարին միացել է 20 պայմանագրային զինծառայող

Գրանտակեր պրոպագանդիստները… պետք է վերջ տան հակառուսականության տարածմանը

Նիկոլ Փաշինյանին սպառնում է 15-20 տարի կամ ցմահ ազատազրկում. հաղորդում` հանցագործության մասին

1.5 միլիոն քո ազգիցդ կոտորվել է, եւ դու դա հարցականի տակ ես դնո՞ւմ, էլ ի՞նչ անուն տանք այս մարդկանց. թուրքագետ

Հավաք՝ ապրիլի 25-ին, ժամը` 14.00-ին ՀՀ գլխավոր դատախազության շենքի դիմաց