Իրանի դեմ մասշտաբային տեղեկատվական պատերազմ է ընթանում. իրանական աղբյուր

Շարունակվում են Իրանի դեմ լայնածավալ հարձակման մասին ֆեյկային լուրերը: Այս անգամ նախ` Մերձավոր Արևելքի, ապա` ուկրաինական եւ այդ «հիմքով» էլ` ռուսական սոցցանցերում տարածվում են լուրեր, թե այս անգամ էլ հարձակման է ենթարկվել Իսլամական հեղափոխության պահապանների կորպուսի կենտրոնակայանը: Նաեւ, թե պայթյուններ են Մահաբադ քաղաքում:

Իսկ ահա իրանական միանգամայն վստահելի աղբյուրները տեղեկացնում են, որ այդ եւ հարձակումների մասին մյուս բոլոր պնդումները չեն համապատասխանում իրականությանը: Օրինակ, Մահաբադ ոչ թե պայթյուններ են, այլ ընդամենը դաշտերում վառվում են եղեգներ, որը փորձում են հրամցնել, որպես հրթիռային հարված։

Աղբյուրը նաեւ հայտնում է, որ միայն իրական միջադեպը նախօրեին հարձակումն էր զինամթերքի գործարանի վրա, սակայն այդ  դեպքում էլ միայն տանիքին է թեթեւ վնաս հասցվել։ Հենց դա էլ հիմք է տալիս հաստատել, որ հարվածը եղել է ոչ թե դրսից արձակված հրթիռի կամ անօդաչուի կողմից, այլ տեղում արձակված մինի թռչող ապարատին ամրացված պայթուցիկի միջոցով:

«Թշնամին փորձում է խուճապ սերմանել Իրանի ներսում և բացասաբար ազդել իր դաշնակիցների վրա»,- ազրափակում է աղբյուրը` միանշանակ պնդելով, որ տեղի ունեվողը քարոզչական մասշտաբային պատերազմ է Իրանի դեմ:։