Երևանում տեղի ունեցավ գրքի շնորհանդես

Փետրվարի 2-ին Երևանում՝ «ԴաբլԹրի Հիլտոն» հյուրանոցում, կայացավ Սարիկ Սևադայի «Հայրենադարձի աչքերով» գրքի շնորհանդեսը: Գիրքը 30 հայրենադարձների կյանքի պատմությունների, նրանց` Հայրենիք վերադարձի, ինչպես նաև Հայաստանում ծավալած գործունեության մասին է: Գրքի հովանավորը «Սահակյան-Բագրամյան» հիմնադրամն է` ի դեմս Բրուքլինի հայ համայնքի ղեկավար Տիգրան Սահակյանը, իսկ գրքի խմբագիրը` լրագրող, բանաստեղծուհի Կարինե Ավագյանը: «Հայրենադարձի աչքերով»-ը Սարիկի առաջին գիրքն էր, 24-ամյա երիտասարդը մեկտեղել է հանրության շրջանում հայտնի, բավականին լուրջ ու հաջողակ գործարարների, հասարակական և մշակութային գործիչների հետ արված հարցազրույցները: Շուրջ 18 պետություններից են գրքի հերոսները` ԱՄՆ-ից, Կանադայից, Արգենտինայից, Ավստրալիայից, Լիբանանից, Սիրիայից, Քուվեյթից և այլն:

Գիրքը միտված է Սփյուռքում բնակվող հայերին ցույց տալ հայրենադարձի աչքերով այն բոլոր հնարավորությունները, պայմանները, ինչպես նաև մտահոգությունները, որոնք առկա են Հայաստանում: Օրվա հերոսին` Սարիկ Սևադային շնորհավորելու էին եկել գրքի հերոսները` հայրենադարձները, հասարակական և մշակութային գործիչներ, որոնց թվում էին հայտնի լրագրող, հասարակական գործիչ Արման Ղարիբյանը, գործարարներ Շանթ Քիրմիզյանը, Րաֆֆի Կազանչյանը, երաժիշտ Արթուր Իսպիրյանը, Դեր-Հովան, Սփյուռքի նախկին նախարարության աշխատակիցները և այլք: Շնորհանդեսի վերջում Սարիկը հատուկ մակագրությամբ գիրք նվիրեց հյուրերին: Սարիկը տեղեկացրեց, որ արդեն կա պայմանավորվածություն շուրջ 12 երկրներում,մասնավորապես Քուվեյթի, Լիբանանի, Ավստրալիայի, Արգենտինայի, Ռուսաստանի, Ֆրանսիայի, Հունաստանի, Իրանի, ԱՄՆ-ի, Կանադայի, Եգիպտոսի և Նիդերլանդների հայկական համայնքների հետ, որպեսզի գրքերն այնտեղ առաքվեն: Ըստ Սարիկի` այս քայլը կարող է վերադարձի նախապայմաններից մեկը լինել, ու հավելեց, որ 2020թ.շարունակելու է այս աշխատանքը` ներկայացնելով մոտ 50 հայրենադարձի կյանքն ու վերադարձի լուսավոր պատմությունները:

Այս թեմայով Ես քեզի կու գամ. պատգամ՝  ուղղված Հայաստանից դուրս ապրող բոլոր հայերին Ով խիզախեց թարգմանել Ղուրանից հետո ամենաընթերցված իրանական առեղծվածային գիրքը Այս օրերին բոլորս մի քիչ ջերմանալու կարիք ունենք… լավ տողը կարող է ջերմացնել. Լիլիթ Գալստյան Ցավոք, ոչ բոլորին է հասու այս ամենը, սակայն, միեւնույնն է, ամրոցն անպարտ է. Մամիկոն Խուրշուդյան Ստեփանավանում տեղի ունեցավ իսահակյանական «Անի» երգի եւ տեսահոլովակի շնորհանդեսը