ԿԱՐՃ ԼՈՒՐԵՐ

«ԱԴՐԲԵՋԱՆԻ ԴԵՊՔՈՒՄ ՄԱՐԴԱՍԻՐՈՒԹՅՈՒՆԸ ՉԻ ԱՐԴԱՐԱՑՆՈՒՄ ԻՐԵՆ»

20.06.2018 21:15 ՀԱՆՐՈՒԹՅՈՒՆ
«ԱԴՐԲԵՋԱՆԻ ԴԵՊՔՈՒՄ ՄԱՐԴԱՍԻՐՈՒԹՅՈՒՆԸ ՉԻ ԱՐԴԱՐԱՑՆՈՒՄ ԻՐԵՆ»

«Ծառուկյանի եւ Մանվել Գրիգորյանի ունեցվածքները չի կարելի համեմատել: Եթե գործարարն իր գործունեությամբ ստեղծել առանձնատուն կամ կառույցներ, դա նորմալ է: Բայց երբ դա անում է պետական պաշտոնյան, ով չի կարող այդչափ գումարներ եւ ունեցվածք վաստակել, ակնհայտ է, որ նա աշխատել է կոռուպցիոն ռիսկերի սխեմաներով»,- մեզ հետ զույցում անդրադառնալով Ծառուկյանի ունեցվածքներին` ասաց «Ծառուկյան դաշինքի» պատգամավոր ՍԵՐԳԵՅ ԲԱԳՐԱՏՅԱՆԸ:

«Պետք է թոթափեն հեղափոխականի բեռն իրենց ուսերից եւ գիտակցեն, որ իշխանություն են»

 

«ՕՐԵՆՔԻՑ ՎԵՐԵՎ ՈՐԵՎԷ ՄԵԿԸ ՉՊԵՏՔ Է ԼԻՆԻ»

- Այս օրերին շատ է խոսվում, որ Մ. Գրիգորյանը առանձնատանը գազանանոց ունի, որ նա ճնշում էր էջմիածինցիներին: Բայց նաեւ եղան համեմատականներ, որ գազանանոց ունի նաեւ Ծառուկյանը, եւ աբովյանցիները եւս դժգոհում են, որ Ծառուկյանն այդ գոտում ամենազոր է:

- Անկեղծ ասած, ես Ձեր ասած բողոքները լսել եմ եւ կարդացել ԶԼՄ-ներում, բայց որեւէ անգամ Աբովյանից չեմ լսել, որ որեւէ մեկը ճնշում է բնակիչներին կամ՝ վիրավորում: Նման տեղեկատվության ես չեմ տիրապետում: Միգուցե, Ծառուկյանի կարողությունների մասին խոսեն, բայց Ծառուկյանի կողմից ճնշման դեպքերի ես երբեւէ ո՛չ տեսել եմ, ո՛չ լսել: Ես նորից եմ ասում՝ օրենքից վերեւ որեւէ մեկը չպետք է լինի: Սա իմ տեսակետն է. ով ուզում է լինի, օրենքից թեկուզ մեկ միլիմետր վերեւ իրավունք չունի լինելու: Միայն այդպես կփրկենք մեր երկիրը, եթե դա չենք անում, ուրեմն դա երեսպաշտություն է: Ինչ վերաբերում է գազանանոցին, ապա գիտեք, որ մենք ունենք օրենքներ` ընտանի եւ վայրի կենդանիներ պահելու վերաբերյալ, որոնք հստակ չափորոշիչներ ունեն: Ես տեղյակ եմ, որ պարոն Ծառուկյանը հրավիրել էր կենդանաբանական այգու մասնագետներին, որպեսզի, եթե կան տանը պահելու թույլտվություն չունենալու ենթակա կենդանիներ, կարող են տանել: Ես այսքան մասով եմ տեղյակ: Դրսից բերված թանկ կենդանիներ կան, որ իսկապես թանկ խնամքի կարիք ունեն, իսկ կենդանաբանական այգու միջոցները չեն բավարարում:

 

«ՉՊԵՏՔ ԷՐ ԳՆԱԼ ՆՄԱՆ ՓՈԽԶԻՋՄԱՆ, ՈՐՈՎՀԵՏԵՎ ՀԵՆՑ ՆՈՒՅՆ ՕՐԸ ՏԵՍԱՆՔ ՆՐԱՆՑ ՊԱՏԱՍԽԱՆԸ»

- Պարոն Բագրատյան, գիտեք, որ Արցախում՝ սահմաններին թշնամու կուտակումներ կան: Արդյոք հնարավո՞ր է, որ ռազմական լուրջ գործողություններ սկսվեն:

- Անկեղծ ասած, ես եւս մտահոգություններ եւ մտավախություներ ունեմ` այդ կուտակումների հետ կապված: Բայց նաեւ տեղյակ եմ, որ մենք համարժեք միջոցներ ենք ձեռք առնում, որպեսզի հարկ եղած դեպքում համարժեք գործողություններ ձեռնարկվեն:

- Իսկ ինչո՞վ եք պայմանավորում, որ հենց այս օրերին են նրանք փորձում ակտիվանալ:

- Ըստ իս, այս կուտակումները այլ իմաստ են իրենց մեջ պարունակում. փոխվել է Հայաստանի քաղաքական ղեկավարությունը, եւ ըստ այդմ` Ադրբեջանի ղեկավարությունը ցանկանում  է փորձարկել մեր նոր կառավարության զգոնության աստիճանը: Այսինքն, Ադրբեջանն ուզում է հասկանալ՝ հնարավո՞ր է փոխել ուժերի հավասարութունը, հնարավո՞ր է սողացող պատերազմով առաջ գնալ, թե ամեն դեպքում պետք է բանակցությունների ճանապարհն ընտրել:

«ԱՄՈՒԼՍԱՐԻ ՇԱՀԱԳՈՐԾՄԱՆ ՆՄԱՆ ՊՐԱԿՏԻԿԱՆ ԽԻՍՏ ՀԱՐՎԱԾԵԼՈՒ Է ՄԵՐ ԵՐԿՐԻ ԱՆՎՏԱՆԳՈՒԹՅԱՆԸ»

- Նման պայմաններում, որքանով էր արդարացված, որպես մարդասիրություն, ազերիներին թույլ տալը, որ այցելեն իրեց անբնակ գյուղերից մեկի գերեզմաներ:

- Նման պայմաններում պետք չէր հակառակորդին մարդասիրական վերաբերմունք ցուցաբերել: Մարդասիրությունը բարձր արժեք է, եւ ավելի հարիր է ժողովրդավարական երկրներին: Այն, ինչ չես ասի Ադրբեջանի մասին, որտեղ ավտորիտար ռեժիմ է, որտեղ գործում են մեկ մարդու հրահանգով: Եվ այդ մեկ մարդու տրամադրությունից կախված, կարող է ամենամարդասիրական ծրագիրը ոչնչացվել: Եվ մենք տեսանք, որ, այո, չգնահատվեց մեր կողմից ցուցաբերված մարդասիրությունը: Եվ չպետք էր գնալ նման փոխզիջման, որովհետեւ հենց նույն օրը տեսնանք նրանց պատասխանը: Ես վստահ եմ, որ Ադրբեջանի դեպքում մարդասիրությունը չի արդարացնում իրեն:

Զրույցը` ԻԼՈՆԱ ԱԶԱՐՅԱՆԻ

 

КОМСОМОЛЬСКАЯ ПРАВДА