o C     16. 10. 2019   : :

ԿԱՐՃ ԼՈՒՐԵՐ

«Հայրենիքում, Սփյուռքում, Ջավախքում մենք մի խնդիր ունենք` լինել միասնական». Տ. Մաղաքիա վարդապետ Ամիրյան

02.08.2019 20:30 ՕՐՎԱ ՊԱՏԿԵՐ ՀԱՆԴԻՊՈՒՄ ԹԵՄԱ
«Հայրենիքում, Սփյուռքում, Ջավախքում մենք մի խնդիր ունենք` լինել միասնական». Տ. Մաղաքիա վարդապետ Ամիրյան

ԴԵռեւս 2017 թվականի հոկտեմբերին Վիրահայոց թեմից տեղեկացրել էին, որ Սամցխե-Ջավախքի եւ Ծալկայի ընդհանուր առաջնորդական փոխանորդության Ախալքալաքի գրասենյակում Վիրահայոց թեմի այն ժամանակվա առաջնորդ Գերաշնորհ Տեր Վազգեն եպիսկոպոս Միրզախանյանի նախագահությամբ տեղի է ունեցել հոգեւոր սպասավորների եւ պաշտոնեության համատեղ ժողով: Վազգեն եպիսկոպոսը փոխառաջնորդության հոգեւոր դասին եւ պաշտոնեությանը իրազեկել էր, որ այլ ծառայության կոչվելու եւ փոխառաջնորդարանում սպասվող կառուցվածքային փոփոխությունների բերումով` Սամցխե-Ջավախքի եւ Ծալկայի ընդհանուր առաջնորդական փոխանորդության առաջնորդ Հոգեշնորհ Տեր Բաբկեն վարդապետ Սալբիյանը ազատվում է զբաղեցրած պաշտոնից: Այս որոշումից հետո` գրեթե երկու տարի Հայր Բաբկենի աթոռը մնաց թափուր: Նույնիսկ խոսակցություններ էին շրջանառվում, թե Ջավախքում հնարավոր է ընդհանրապես այլեւս չունենանք հոգեւոր առաջնորդ: Սակայն այսօր  Սամցխե-Ջավախքի եւ Ծալկայի ընդհանուր առաջնորդական փոխանորդությունն ունի նորանշանակ առաջնորդ` Հոգեշնորհ ՏԵՐ ՄԱՂԱՔԻԱ վարդապետ ԱՄԻՐՅԱՆԸ, որը նախկինում եղել է Բուենոս Այրեսի Սուրբ Գրիգոր Լուսավորիչ եկեղեցու հոգեւոր հովիվը: «Իրավունքը», լինելով Ջավախքում, առիթ ունեցավ զրուցելու նրա հետ:

«Ո՞վ է սրա պատասխանատուն, անփութությո՞ւն, թե՞ ծրագրավորված գործընթաց»

«ՊԵՏՔ Է ԽՈՍՏՈՎԱՆԵՄ, ՈՐ ՀԵՇՏ ՉԷ»

Հայր Սուրբ, արդեն 4-5 ամիս է Ջավախքում եք: Գաղտնիք չէ, որ Ջավախքը բավականին բարդ տարածաշրջան է, Արգենտինայից հետո այստեղ ինչպե՞ս հարմարվեցիք:

Իրականում Արգենտինայից հետո այստեղ ավելի մեծ պատասխանատվություն եւ անելիքներ կան: Համարում եմ, որ Ջավախքն առաքելության գոտի է, որտեղ յուրաքանչյուր հայ, այդ թվում` առավելապես հոգեւորականը, իր առաքելությունն ունի` հայապահպանման, ժողովրդի կրոնական, մշակութային կյանքն ավելի զարգացնելու համար: Պետք է խոստովանեմ, որ հեշտ չէ, որովհետեւ տարբեր շրջաններ են, բայց մեծ պատասխանատվություն ունենք եւ մեր ծառայության շրջանում պետք է փորձենք միշտ ավելին անել` հանուն մեր ժողովրդի, հանուն մեր Առաքելական Սուրբ եկեղեցու:

​​​​​​​«Սերժ Սարգսյանի քայլը մեծ խորհուրդ ունի այս խառը ժամանակներում». Վահան Բաբայան

Գուցե տեղին չէ հարցադրումը, եւ Վեհափառ Հայրապետի որոշումներն անքննելի են, բայց ինչո՞ւ որոշեցիք մտնել, այսպես ասած, Ջավախքի ծանր բեռի տակ:

Հանձն եմ առել այնքանով, որքանով, որ պետք է կարողանամ տանել առաջ մեր առաքելությունը: Մեր աղոթքներում Աստծուց ուժ եւ զորություն ենք խնդրում, որպեսզի կարողանանք մեր հոգեւոր եղբայրների հետ այս առաքելությունն իրականացնել: Չգիտեմ` ինչքան չափով, ինչ կտրվածով, բայց քանի որ այստեղ ենք, պետք է ամեն բան անենք, որպեսզի օր օրի Ջավախքը զարգանա, հզորանա եւ հոգեւոր կյանքն այստեղ մեծ առավելություններ ունենա:

«Առաքելական եկեղեցին վարկաբեկողները, ազգային արժեքները ծաղրողները կամա թե ակամա հող են ստեղծում ադրբեջանական նմանատիպ հարվածների համար». Արմեն Աշոտյան

«ՀԱՅԵՐԸ ՄԻՇՏ ԱՊՐԵԼՈՒ ԵՆ ՋԱՎԱԽՔՈՒՄ, ԵՎ ՔՐԻՍՏՈՆԵՈՒԹՅՈՒՆՆ ԱՅՍՏԵՂ ՄԻՇՏ ԼԻՆԵԼՈՒ Է»

Բավական երկար ժամանակ թափուր էր այն պաշտոնը, որը հիմա Դուք եք զբաղեցնում: Այս բաց թողնված ժամանակն ինչ խնդիրներ են առաջացրել, եւ ի՞նչ ժառանգություն եք ստացել:

Գրեթե երկու տարի է, որ Հոգեշնորհ Տեր Բաբկեն վարդապետ Սալբիյանն այստեղ չէ: Պետք է ասեմ, որ   շատ լավ, խնամված վիճակում եմ ստացել ամեն բան, եւ փորձելու ենք քարը քարի վրա դնելով` ավելի զարգացնել: Թեեւ առկա դժվարություններին եւ խնդիրներին, պետք է մեր հոգեւոր դասի հետ միասին փորձենք այստեղ հոգեւոր կյանքը ավելի զարգացնել:

«Այս ոչնչատեսիլ ընթացքը պետք է կասեցնել». Լիլիթ Գալստյան

Բացի Ձեր նշանակումից, Ջավախքում տեղի ունեցան նաեւ այլ հոգեւորականների փոփոխություններ: Արդեն ամեն ինչ իր հունի մե՞ջ է ընկել:

Այդ փոփոխությունները հիմնականում եղել են իմ գալուց առաջ: Մենք ունենք 9 հոգեւորական, որոնք բարեխղճորեն կատարում են իրենց հոգեւոր ծառայությունը: Անշուշտ, որպես Վիրահայոց թեմ, ունենք նոր առաջնորդական տեղապահ` ի դեմս Հայր Կիրակոսի եւ միասնաբար պետք է փորձենք անել այն ամենը, ինչի անհրաժեշտություն կա Վիրահայոց թեմում:

«Որպեսզի դիմադրելու ուժ ունենանք, քաղաքական վերնախավը պետք է ձեռք մեկնի հասարակությանը». Արամ Սաֆարյան (Տեսանյութ)

«ԵԹԵ ՄԻ ՏԵՂ ԱՂԱՆԴՆ ԱՎԵԼԻ ԶՈՐԱՎՈՐ Է, ՆԱԵՎ ՄԵՂԱՎՈՐՈՒԹՅՈՒՆԸ ՄԵՐՆ Է»

Մի փոքր հեռվում ադրբեջանական դրոշ է ծածանվում, եւ գրեթե Ջավախքի միջով գործում է Բաքու-Թբիլիսի-Կարս երկաթգիծը: Կհաջողվի՞ քրիստոնեությունը պահպանել Ջավախքում:

Քրիստոնեությունը Ջավախքում պահպանողը հիմնականում հայերն են, որովետեւ այստեղ մեծամասամբ հայեր են ապրում: Եվ հայերը քանի այստեղ կան, քրիստոնեությունը մնալու է: Իսկ ես կարծում եմ, որ միշտ են հայերն ապրելու Ջավախքում, եւ քրիստոնեությունը միշտ լինելու է այստեղ:

«Ընտանիքը յուրօրինակ եկեղեցի է». Ամենայն Հայոց կաթողիկոս (Տեսանյութ)

Իսկ ի՞նչ է հուշում այս առումով Պատարագներին մասնակիցների թիվը:

Կամաց-կամաց ժողովրդի մեջ փորձում ենք ավելի ներդնել եկեղեցու կարեւորությունն ու նշանակությունը: Ի սկզբանե այս տարածաշրջանում միշտ դժվար է եղել հոգեւոր առումով, մանավանդ, որ ժողովուրդն ունի իր սովորությունները, նիստուկացը: Սա էլ ինչ-որ առումով «խանգարում է» ավանդական մեր Առաքելական եկեղեցու հաստատմանը եւ տարածմանն այստեղ: Բայց ժողովուրդը շատ հավատքով է, եւ պետք է փորձենք այնպես անել, որ իրենք հաճախեն եկեղեցի: Մենք ունենք 9 հոգեւորական: Ախալցխայում, Ծալկայում, Նինոծմինդայում, Ախալքալաքում եւ իր շրջակա գյուղերում փորձում ենք մեր հոգեւոր դասի հետ միասին անել այն ամենը, ինչ հնարավոր է եւ անհնարին է:

Հայ առաքելական եկեղեցին նշում է Քրիստոսի 72 աշակերտների հիշատակության օրը

Ջավախքում միշտ եղել են խնդիրներ` նաեւ աղանդավորների հետ կապված: Ի՞նչ իրավիճակ է հիմա, եւ ինչպե՞ս եք պայքարում դրանց դեմ:

-Հիմա էլ են սկսել ակտիվանալ, չգիտեմ` ինչով է պայմանավորված, մանավանդ վերջին տասնօրյակում արդեն ակտիվություն ենք տեսնում Եհովայի վկաների կողմից: Գիտեք, մենք իրենց դեմ անելիք չունենք, այլ անելիք ունենք մեզ համար, մեր քարոզրչությունն այնքան պետք է անենք, որպեսզի աղանդները գոյություն չունենան մեր կյանքում: Եթե մի տեղ աղանդն ավելի զորավոր է, կարծում եմ` նաեւ մեղավորությունը մերն է` իբրեւ հոգեւորական, իբրեւ եկեղեցի եւ իբրեւ ժողովուրդ: Ժամանակին, եթե չեմ սխալվում, մեկը Վեհափառ Հայրապետին հարցրել է աղանդավորների մասին, եւ նա պատասխանել էր, որ բոլորն էլ մեր զավակներն են: Այսօր շեղված, բայց վստահ ենք, որ մի օր իրենք վերադառնալու են իրենց մայր եկեղեցու գիրկը:

ՊԵԿ-ի «կեղտոտ խաղերն» ընդդեմ Հայ Առաքելական եկեղեցու

«ԲՈԼՈՐՍ ՈՒԶՈՒՄ ԵՆՔ ԱՄՈՒՐ, ՀԶՈՐ, ԿԱՅՈՒՆ ԵՎ ԶԱՐԳԱՑՈՂ ՀԱՅԱՍՏԱՆ»

Ի՞նչ հորդոր ունեք մայր հայրենիքին, ինչով կարո՞ղ է այսօր Հայաստանն օգնել Ջավախքին:

Ուր էլ լինենք` Հայաստանում, թե` դրսում, հայերս պետք է միասնական լինենք, որովհետեւ նորություն չպետք է լինի ասածս, որ միասնականությունն է ուժ ծնում: Բարեբախտաբար, մենք երբեք, իբրեւ ժողովուրդ, իբրեւ եկեղեցի, չենք ունեցել այլ նկրտումներ, որ ուրիշինը մերը լինի, միայն ուզում ենք, որ մերը մեզ մնա, եւ կարողանանք միասնաբար զարգացնել մերը: Սա համայն հայության խնդիրն է: Հայրենիքում, Սփյուռքում, Ջավախքում  մենք մի խնդիր ունենք` լինել միասնական, որովհետեւ դժբախտաբար, պատմությունից դասեր չենք քաղում եւ շարունակում ենք սխալներ գործել: Բայց ես կարծում եմ, որ ամեն բան պետք է դնենք մեկ կողմ եւ մտածենք միասնականության մասին, որը պետք է ծնի եւ ավելի արարի մեկ միասնական հայրենիք` Հայաստանով, Արցախով ու Սփյուռքով:

«Իրավունք» թերթը մշտապես մնում է շիտակության ամբիոն»

Հայաստանում մեկ տարի առաջ տեղի ունեցած իշխանափոխության հետ կապված ինչ տրամադրություններ կան Ջավախքում:

Յուրաքանչյուր ջավախքցի ապրում է Հայաստանի կյանքով, եւ ինչքան ականջալուր եմ եղել, ոչ թե միայն ջավախքցիները, այլեւ բոլորս ուզում ենք ամուր, հզոր, կայուն եւ զարգացող Հայաստան: Ինձ համար ավելի ճիշտ է օգտագործել հայրենիք տերմինը, որովհետեւ ավելի ընդգրկուն է: Յուրաքանչյուրը  պետք է ծառայի իր հայրենիքին, եւ ջավախքցին էլ այդ նպատակն ունի: Ջավախահայերը կապը պահում են Հայաստանի հետ, եւ բոլորն էլ ուզում են տեսնել ավելի հզոր, ավելի զարգացած հայրենիք:

«Իրավունքը» շատ հաճախ ստանձնել է առաջամարտիկի պատվաբեր, սակայն դժվարություններով լի դերը»

ՀՐԱՆՏ ՍԱՐԱՖՅԱՆ

Ջավախք-Երեւան

 

КОМСОМОЛЬСКАЯ ПРАВДА