o C     17. 10. 2019   : :

ԿԱՐՃ ԼՈՒՐԵՐ

Գրպանահատությամբ զբաղվողներն այն կատարում են որպես արհեստ. Պետրոսյան

08.08.2019 16:46 ՕՐՎԱ ՊԱՏԿԵՐ ԻՐԱՎՈՒՆՔ
Գրպանահատությամբ զբաղվողներն այն կատարում են որպես արհեստ. Պետրոսյան

Գրպանահատությունը կարելի է դիտարկել որպես պրոֆեսիոնալ հանցավորության դասական օրինակ: Այս մասին այսօր կայացած ասուլիսի ընթացքում հայտնել է ՀՀ Ոստիկանության շտաբի տեսչական վարչության պետ և հետաքննության բաժնի պետ Հակոբ Պետրոսյանը:

Ինչպես «Իրավունքը» նշեց 30-ամյակը (ամբողջական տեսանյութ)

«Այս հանցատեսակով զբաղվողներն այն կատարում են որպես արհեստ»,- ասաց նա:

Նրա խոսքով՝ ՀՀ-ում գրպանահատության դեպքերի բացահայտման տոկոսը բարձր է, կազմում է շուրջ 45 տոկոս:

«Որոշակի առումներով բարձր է գրպանահատության լատենտայնությունը, քաղաքացիների կողմից իրավապահ մարմիններին չդիմելու դեպքերի քանակը, դա ինքնին իր հերթին հնարավորություն է տալիս գրպանահատներին մնալ անպատիժ ու շարունակել զբաղվել դրանով»,- ասաց Պետրոսյանը:

Ոստիկանության շտաբի տեսչական վարչության պետը տեղեկացրեց, որ գրպանահատներն «աշխատում են» հիմնականում հանրային վայրերում, հասարակական տրանսպորտում:

«Կատարման վայր հիմնականում հանդիսանում են հասարարական տրանսպորտը, հասարակական վայրերը՝ օրվա ծանրաբեռնված ժամերին: Քաղաքացիների կողմից պետք է առավել ուշադրություն դարձվի իրենց գույքին, պետք է արձագանքել ու անպատասխան չթողնել նմանատիպ դեպքերը»,- ասաց նա:

 

 

 

КОМСОМОЛЬСКАЯ ПРАВДА