ԿԱՐՃ ԼՈՒՐԵՐ

«Այն, ինչ ասել եմ, երբեք ու երբեք չի վերաբերում ո՛չ վարչապետի, ո՛չ էլ ԿԳ նախարարության գործունեությանը»

22.09.2017 20:00 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Այն, ինչ ասել եմ, երբեք ու երբեք չի վերաբերում ո՛չ վարչապետի, ո՛չ էլ ԿԳ նախարարության գործունեությանը»

Խոսելով ՀՀ կառավարության` ռուսերենի խորացված ուսուցման հայեցակարգի մշակման գաղափարի մասին, որը որպես հանձնարարություն վարչապետից ստացել է ԿԳ նախարար Լեւոն Մկրտչյանը, (համենայնդեպս, այդպիսին էր տեղեկատվությունը մինչեւ երեկ, երբ Կարեն Կարապետյանը լրագրողների հետ զրույցում հերքեց, որ այդ հայեցակարգը մշակվել է իր հանձնարարականով) ԱԺ ՀՀԿ խմբակցության պատգամավոր, ՀՀԿ նախագահի տեղակալ ԳԱԼՈՒՍՏ ՍԱՀԱԿՅԱՆԸ օրերս հնչեցրել էր ճակատային պատասխան, թե դա հայոց բթամտությունն է: Ասվածը մամուլում լայն արձագանք գտավ, ավելին` ստեղծվեց տպավորություն, թե Գ. Սահակյանի կոշտ գնահատականն ուներ կոնկրետ հասցեատեր` կա՛մ ՀՀ վարչապետը, կա՛մ ԿԳ նախարարը, ինչն էլ «Իրավունքը» փորձեց պարզաբանել հենց պարոն Սահակյանից:

Իգոր Մուրադյանի հուղարկավորությունը կազմակերպելու համար ստեղծվելու է կառավարական հանձնաժողով

«ԱՅԴՔԱՆ ՄԵԾ ՌՈՒՍԱԿԱՆ ՀԱՄԱՅՆՔ ՉՈՒՆԵՆՔ, ՈՐ ՌՈՒՍԵՐԵՆԸ ԴԱՌՆԱ ԵՐԿՐՈՐԴ ԼԵԶՈՒ»

– Նախ ասեմ, որ ինձ լրագրողները հարց էին տվել, թե ինչպես եմ վերաբերում, որ Հայաստանում ռուսաց լեզուն լինի` որպես երկրորդ լեզու: Այդ իմաստով բարկացած եմ խոսել, որովհետեւ դա հնարավոր չէ: Մենք այդքան մեծ ռուսական համայնք չունենք, որ ռուսերենը երկրորդ լեզու լինի: Բացի այդ, յուրաքանչյուր հայ, երբ խոսում է, պետք է մտածի, որ մեր լեզուն մեր արժեքն է, մեր ամբողջ ավանդույթն է, մեր ժողովրդի պատմական գոտին է: Չի՛ կարելի անընդհատ նույն հարցի մասին խոսել: Իմ ասածը սա էր, մինչդեռ տարբեր լրատվամիջոցներում գրել էին, թե իբրեւ ինձ հարց են տվել այն մասին, թե վարչապետը եւ ԿԳ նախարարը ռուսաց լեզվի ինչ-որ հայեցակարգ են առաջարկում` դպրոցում անցնելու համար, ես էլ դրան եմ պատասխանել: Բայց իրականում իմ խոսքից հետո՝ միայն վերջում են հարցրել՝ բա ինչո՞ւ է վարչապետը այդպես անում: Ես էլ պատասխանել եմ, որ այդ մասին չգիտեմ եւ այս պահին էլ չգիտեմ:

– Ամեն դեպքում, հանրության մի ստվար զանգված բավական ցավոտ ընդունեց նման հայեցակարգի գոյությունը: Ի՞նչ կասեք այս մասին:

– Ռուսաց լեզուն դպրոցում ուզում են մասսայականացնել` հաշվի առնելով, որ այն մեր իրականության մեջ առաջին դիրքերում չի գտնվում: Երբ նման խնդիր եղել է, իրոք, գնացել ենք այդ մասսայականացմանը` սկսելով այն իրականացնել առաջին դասարանից: Այսօր ավելի շատ անգլերեն, ֆրանսերեն ու այլ լեզուներ են սովորում, մանավանդ՝ այդ լեզուների գծով առանձին մասնագետներ կան, որ տարբեր տեղեր համապատասխան հաստատություններ են բացել եւ սովորեցնում են լեզուներ: Իսկ ռուսաց լեզուն այդ շարքում չկա եւ մնացել է միայն դպրոցի հույսին: Ժամանակին ինքս եմ այս մասին խոսել, որ բարձր դասարաններում` 7-րդ կամ 9-րդ դասարանից, կարելի է որոշակի առարկաներ այս կամ այն լեզվով դասավանդել: Ընդ որում` նաեւ ռուսերեն, որպեսզի մեր երեխաները կարողանան սովորել` ըստ կանոնների: Սակայն, այս ամենով հանդերձ` գտնում եմ, որ հայերենը պիտի պահպանենք ոչ միայն որպես լեզու` հաղորդակցման առումով, այլ պիտի զգանք, որ այս լեզուն մեր ամբողջ իրականությունն է ներառում: Մեր ամբողջ մտահոգությունը, մեր անկախությունը, ամեն ինչը կախված է մեր լեզվի հետագա զարգացման հետ: Բնականաբար, նաեւ կարծում եմ` շատ լավ կլինի, որ մեր նոր սերունդը բազմաթիվ լեզուներ իմանա: Իմ տեսակետը սա է, եւ պետք չէ ասել, թե` «այսպես է ասում, որովհետեւ վարչապետի հետ ինչ-որ հարաբերություններ ունի…»: Սա համարում եմ մտածողության մեղք գործել, որովհետեւ վարչապետը շատ մոտիկ հարաբերություն ունի ինձ հետ եւ, ընդհանրապես` բոլոր հանրապետականների հետ: Եվ եթե որեւէ բան ուզենամ վարչապետին ասել, ամեն րոպե կարող եմ ուղիղ հենց իրեն ասել, թե որն է ընդհանուր ծրագրերից հեռու: Այն, ինչ ասել եմ, երբեք ու երբեք չի վերաբերում ո՛չ վարչապետի, ո՛չ էլ ԿԳ նախարարության գործունեությանը: Մանավանդ` էլի եմ կրկնում՝ այս պահին էլ չգիտեմ, թե ինչ նոր մոտեցումներ են փորձում իրագործել դպրոցներում:

Եվրոպական մշակութային ժառանգության տարին մեկնարկեց  Զվարթնոցում (Ֆոտոշարք)

«ԵԼՔՆ» ԻՐ ԳՈՐԾՈՂՈՒԹՅՈՒՆՆ Է ԿԱՏԱՐՈՒՄ, ՈՐԸ ՈՐԵՎԷ ՃԱՆԱՊԱՐՀ ՉՈՒՆԻ» 

– Պարոն Սահակյան, մեր իրականության մեջ ռուսաց լեզվի դերակատարության բարձրացնելու փորձերը գուցե միտված են նրան, որ իշխանությունը փորձում է մեղմե՞լ ռազմավարական դաշնակից ՌԴ-ի վրդովմունքը, որ այսօր «Ելք» խորհրդարանական խմբակցությունը ԵՏՄ-ից դուրս գալու նախագծով է հանդես գալիս: 

– Բացահայտ ասեմ` «Ելքը», որպես քաղաքական միավոր, իր գործողությունն է կատարում, բայց սա, պարզապես, առանց որեւէ կոնկրետ փաստերի, ինչ-որ առաջարկ է, որը քաղաքական ճանապարհ չունի: Ըստ էության, քաղաքական ուժ է, նա էլ այդպես է մտածում, բայց չի նշանակում, որ «Ելքը» եթե այդպես է մտածում, ուրեմն` գործողությունները այդպես էլ պետք է ընթանան: Կարծում եմ` եթե նույնիսկ խորհրդարանում քննարկվի այս հարցը, բնական է, պետք է դեմ քվեարկվի:

– Այդուհանդերձ, այս նախագծի գոյությունը կարո՞ղ է խոչընդոտ դառնալ Հայաստան-Ռուսաստան հարաբերությունների համար:

– Չեմ կարծում, որովհետեւ յուրաքանչյուր պետության մեջ տարբեր կարծիքներ կարող են լինել: Նույն Ռուսաստանում հազար ու մի կարծիք կա ժողովրդի, տարբեր կուսակցությունների կողմից: Խնդիրն այստեղ այն է, որ քաղաքական իշխանությունը, որն այսօր կա, բնականաբար, ինքն իր տեսակետները ժամանակին հայտնել է: Առավել եւս, երբ խոսում ենք վերջին մեկ տարվա կատարած աշխատանքի մասին, ՀՀ վարչապետը նշել է, թե այդ մեկ տարվա ընթացքում ինչքան է որոշակի է դարձել մեր արտադրանքի ծավալների ներկայացումը Ռուսաստանում: Այն մարդկանց, ովքեր խոսում են ԵՏՄ-ից դուրս գալու մասին, ասում եմ` դուք տվեք որեւէ արտադրանք` չեմ ասում հանքարդյունաբերական, սնունդ եւ այլն, որը կկարողանանք տանել եւ Եվրոպայում վաճառել: Չունենք նման արտադրանք: Ասում են` բայց մեր ուտելիքը չտեսնված է եւ այլն` չմտածելով, որ այդ շուկան պետք է ստեղծվի: Ամենալավ մթերքն էլ, եթե տանես այդտեղ, կա՛մ լրիվ չի վաճառվելու, կա՛մ պիտի տարիներով կարողանաս աշխատել, որպեսզի շուկա ունենաս: Միեւնույն ժամանակ, պետք է ասեմ, որ Եվրամիության հետ շատ ջերմ հարաբերությունների մեջ ենք, մեր ամբողջ օրենսդրությունը, գործունեությունը կապված է Եվրոպայի եւ եվրոպական օրենքների հետ: Ավելին` նոյեմբերին նաեւ ստորագրելու ենք փաստաթուղթ Եվրամիության հետ: Սակայն, այնպես չէ, որ հայ ժողովուրդը պիտի անընդհատ ման գա որեւէ պետություն, որն իրեն տիրություն կանի: Նման պետություն աշխարհում չի կարող լինել, հայերը պետք է մտածեն այնպես, ինչպես մտածում են հայերը:

«Մեր պահանջից հետ չենք կանգնելու». ԵԿՄ-ականներն առավոտյան կշարունակեն ցույցը

«ԿԱՐԵՆ ԿԱՐԱՊԵՏՅԱՆԸ ՇԱՐՈՒՆԱԿԵԼՈՒ Է ԱՇԽԱՏԵԼ, ԹԵ ԻՆՉ ՁԵՎԱՉԱՓՈՎ, ԿՈՒՍԱԿՑՈՒԹՅՈՒՆԸ ԿՈՐՈՇԻ»

– Լրացավ մեկ տարին վարչապետ Կարեն Կարապետյանի ղեկավարած կառավարության: Առհասարակ, ինչպե՞ս կգնահատեք նրա մեկամյա գործունեությունը:

– Քաղաքական գործիչները, մանավանդ` ընդդիմադիր, հիմա մտածում են, որ եթե ինչ-որ առումով առաջընթաց կա, ապա այդ առաջընթացը պետք է նկատվի նաեւ ընտանիքներում, եւ հուշում են ժողովրդին` ասելով, թե ինչու այն չի զգացվում: Նախ կարծում եմ` ինչ-որ չափով զգացվում է: Այն փաստաթուղթը, որը հրապարակել է կառավարությունը, քննարկվել է Ազգային ժողովում, որը խոստացել էր ժամանակին իրականացնել վարչապետը, կրկնակի անգամ ավելի գործ է արվել այս մեկ տարվա ընթացքում: Բայց մեկ տարվա ընթացքում հնարավոր չէ մեր ժողովրդի բոլոր ընտանիքներում ֆինանսական մեծ առավելություններ լիներ: Սա անհնարին է, եւ որեւէ մեկը այդ մասին չի խոսել: Այն ներդրումները, որը խոստացել էր վարչապետը մեկ տարվա համար, 45 տոկոսն արդեն կատարվել է: Իսկ տարվա վերջում կտեսնեք, որ այդ ներդրումներն առավելագույնս կիրականացվեն, եւ կավելանա արտահանումն ու ներմուծումը, որովհետեւ բոլոր ցուցանիշները բարձրացել են մեկ տարվա ընթացքում: Այսինքն` այն, ինչը վարչապետը հենց առաջին օրը հայտարարեց Ազգային ժողովում, այսօր մի քանի անգամ ավելին արդեն իրականություն է դարձել:

– Ձեր ամեն մի խոսքը կշիռ ունի եւ ընկալվում է որպես ՀՀԿ-ում ձեւավորված ընդհանուր տեսակետ: Դուք նշել էիք, որ 2018-ին վարչապետի պաշտոնում տեսնում եք ՀՀ նախագահ Սերժ Սարգսյանին: Հնարավո՞ր է` այս առումով կուսակցությունում երկու կարծիք լինի...

– Ազգային ժողովում անընդհատ հարցնում էին, թե ով պետք է լինի հետագայում երկրի վարչապետը եւ, բնականաբար, հանրապետականները շատ հանգիստ պատասխանում էին, որ դրա ժամանակը կգա, կորոշենք, կասենք: Իսկ երբ ինձ այդ հարցը տվեցին, ես ոչ թե ՀՀԿ-ի մոտեցումներն եմ ներկայացրել, այլ իմ կարծիքն եմ ասել, որ երկրի հետագա գործողություններն ու գործառույթները պետք է իրագործի այսօրվա ՀՀ նախագահը: Հետո մամուլում կարդում եմ, որ իբրեւ թե ասել եմ, որ հետագայում երկրի վարչապետ պետք է դառնա երկրի նախագահը: Բայց սա իմ խնդիրը չէ, երբ կուսակցությունը կորոշի, այդ ժամանակ էլ կմտածենք, թե ինչ անենք: Երբեմն հարցնում են` բա վարչապետ Կարեն Կարապետյա՞նը... Իհարկե, ուրախանում եմ, որ ասում են, եւ պատասխանում եմ` հիմա էլ վարչապետն աշխատում է` նախագահի հետ միասին: Իհարկե, Կարեն Կարապետյանն է ծրագիրը ներկայացրել եւ շարունակելու է աշխատել, թե ինչ ձեւաչափով, կուսակցությունը կորոշի: Ես ընդամենն ասում եմ, որ երկրի քաղաքական կշիռները, երկրի հետագա տրամաբանական գործողությունները պետք է կատարի այսօրվա նախագահը: Եվ մի՛ մտածեք, թե ընկերական կապերի մեջ ենք, կամ ինչ-որ խնդիրներ կան, որոնք պետք է լուծվեն, դրա համար եմ ասում: Թող որեւէ քաղաքական ուժի ներկայացուցիչ էլ մի ուրիշ անուն ասի, ես տալիս եմ մի անուն, որը մասնակցել է երկրի անկախությանը, մասնակցել է պատերազմական գործողություններին, ունի մեծ կենսափորձ: Այդպիսի կենսափորձ ունեցող մարդիկ կարող է էլի գտնվեն, բայց քաղաքական ուժ չունեն, քաղաքական կառույց չունեն, մինչդեռ մեր նախագահն ունի նաեւ քաղաքական կառույց: 

ՀՀԿ-ն պաշտոնական հայտարարությամբ հանդես կգա Մանվել Գրիգորյանի ձերբակալության հետ կապված

«Ո՞Վ ԱՍԱՑ, ՈՐ ՄԻԱՅՆ ԿԱՐԵՆ ԿԱՐԱՊԵՏՅԱՆԸ ԿԱՐՈՂ Է ԼԻՆԵԼ, ԻՍԿ ԻՆՉՈ՞Ւ ՈՉ ԳԱԼՈՒՍՏ ՍԱՀԱԿՅԱՆԸ...»

– Փաստորեն, այնուամենայնիվ, անձամբ Դուք հենց ՀՀ նախագահին եք տեսնում 2018-ին` վարչապետի պաշտոնում...

– Որովհետեւ Հանրապետական կուսակցության ղեկավարը Սերժ Սարգսյանն է եւ, բնականաբար, գտնում եմ, որ վերջում մենք պետք է առաջարկենք Սերժ Սարգսյանին: Հոդվածագիրներ կան, որ հիմա էլ կասեն, թե ինչու Սերժ Սարգսյանը չի ասում այդ մասին, դրան էլ պատասխանեմ` որովհետեւ Սերժ Սարգսյանը այդ մասին ընդհանրապես որեւէ մեկի հետ չի խոսում: Իսկ ես իմ կարծիքն եմ ասում` ովքեր ցանկանում են, թող միանան իմ կարծիքին:

– Այս համատեքստում` հնարավո՞ր է, որ նորաթուխ ՀՀԿ-ականները նախընտրեն Կարեն Կարապետյանին, իսկ ՀՀԿ-ում վաստակ ունեցող կուսակցականները` Սերժ Սարգսյանին:

– Բացի նախագահից, այլ թեկնածուների մասին պետք չէ խոսել: Իսկ ո՞վ ասաց, որ միայն Կարեն Կարապետյանը կարող է լինել, իսկ ինչո՞ւ ոչ Գալուստ Սահակյանը, ինչո՞ւ ոչ Մուշեղ Լալայանը, ինչո՞ւ ոչ մեր գործադիր մարմնի մնացած ներկայացուցիչները: Այսինքն` մնացածը բոլոր դեպքերում որոշելու խնդիր է: Իսկ ինչ վերաբերվում է Կարեն Կարապետյանին, մեկընդմիշտ շեշտեմ` կարծում եմ, որ ցանկացած պահի աջակցելու եմ նրան իր աշխատանքներում, որովհետեւ հավատում եմ նրա մտայնությանը, գործողություններին: 

«ԱՄԵՆԱՄԵԾ ՁԵՌՔԲԵՐՈՒՄԸ ՀԵՆՑ ԱՆԿԱԽՈՒԹՅՈՒՆՆ Է»

– Երեկ լրացավ Հայաստանի անկախության 26-րդ տարեդարձը: Ամփոփելով զրույցը` Ձեր գնահատմամբ այս տարիներին ի՞նչ ձեռք բերեց եւ ի՞նչ կորցրեց անկախ Հայաստանը: 

– Ամենամեծ ձեռքբերումը հենց անկախությունն է: Անկախությունից առավել մի որեւէ նոր գործոն չկա, որպեսզի տվյալ ազգը կարողանա ունենալ: Բայց անկախություն չի նշանակում այն, որ այսօր ժողովուրդը մտածում է, թե եթե անկախ ենք, պետք է շատ լավ ապրենք եւ այլն: Անկախությունն ազգի արժեքն է, եւ ժողովուրդն էլ պետք է այն այդպես դիտարկի, այլ ոչ թե մտածի` Սովետական Միության ժամանակ էս ունեինք, էն ունեինք, իսկ այսօր չունենք: Այսօր ժողովուրդն ինքը պետք է ստեղծի այդ ամենը: Այն ժողովուրդը, որը անկախություն չունի, փորձում է տարբեր պետություններում մշակութային ինչ-որ բաներ գտնել եւ կարողանալ պահպանել իր ազգը: Եվ այդ խնդիրների պատճառով բավականին ազգեր այսօր այլեւս չկան: Իսկ հայ ազգն առաջիններից մեկն է, որը պատմության ընթացքում, ընդհուպ նաեւ Ղարաբաղյան պատերազմում ու մինչեւ այսօր ապացուցել է, որ ինքը ազգ է եւ պետք է ունենա պետություն: Հենց սա է Հայաստանի անկախության գրավականը:

Բախման գնացող Փաշինյանի եւ Ծառուկյանի համար կենսական են դարձել ՀՀԿ-ի ձայները

– Վերջին շրջանում շատ ապազգային տարրեր փորձում էին նսեմացնել Առաջին հանրապետության դերակատարությունը մեր պատմության մեջ: Ի՞նչ կասեք այս մասին:

– Առաջին հանրապետությունն ամենակարեւոր հարվածն էր, որը հնարավորություն ստեղծեց նաեւ այդ պահին ունենալ անկախ հանրապետություն: Առհասարակ, ժողովուրդը պիտի մտածի, որ անկախությունից է կախված իր երեխայի, իր թոռների հետագա ճակատագիրը: Եթե այսօր բարդություններ կան, պետք է կարողանալ ինչ-որ ձեւով դիմանալ, առաջ գնալ, որպեսզի անկախությունը դառնա ավելի հզոր պետական մի ուժ, որի ընթացքում մեր սերունդները կկարողանան լավագույն ձեւով ապրել: Միշտ պետք է մտածել, որ այս օրերին ինչքան էլ մեծ հարստություն դիզես, եթե Հայաստանն անկախ չեղավ, պետականություն չունեցավ, այդ հարստությունները գնալու է ուրիշին:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА