ԿԱՐՃ ԼՈՒՐԵՐ

«Գրած է առաջին փոխվարչապետ, էդ ո՞վ ա, չկա տենց մարդ». ԱԺ-ում կրքերը թեժացան

06.02.2018 19:30 ՕՐՎԱ ՊԱՏԿԵՐ ՔԱՂԱՔԱԿԱՆ ԹԵՄԱ
«Գրած է առաջին փոխվարչապետ, էդ ո՞վ ա, չկա տենց մարդ». ԱԺ-ում կրքերը թեժացան

ՀՀ ԱԺ հերթական նիստերի ավարտից անմիջապես հետո նախատեսված արտահերթ նիստում պատգամավորների դատին կհանձնվի Անվտանգության խորհրդի կազմավորման եւ գործունեության մասին օրենքի նախագիծը, որի քննարկումը երեկ ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովում դարձավ թեժ բանավեճի առարկա: Վերոնշյալ նախագծի համաձայն` անվտանգության խորհրդի կազմը բաղկացաինծ է լելու վարչապետից, առաջին փոխվարչապետից, փոխվարչապետներից, անվտանգության խորհրդի քարտուղարից, պաշտպանության նախարարից, արտաքին գործերի նախարարից, ազգային անվտանգության ծառայության տնօրենից, ոստիկանության պետից, զինված ուժերի գլխավոր շտաբի պետից:

«Բիզնեսը եւ քաղաքականությունն անհամատեղելի են». կոալիցիա  «Ծառուկյան» դաշինքի հետ չե՞ն կազմի

Հենց այստեղ էլ առարկություն ուներ ԱԺ «Ելք» խմբակցության պատգամավոր ԷԴՄՈՆ ՄԱՐՈՒՔՅԱՆԸ, որն ընդգծեց, թե ապրիլից ուժի մեջ մտնող եւ գործող Սահմանադրությամբ` երեք փոխվարչապետներն էլ հավասար են: Ըստ ընդդիմադիր պատգամավորի` այլ հարց է, թե վարչապետը ում վրա, ինչ պարտականություններ կդնի, բայց ընդունել օրենք, որտեղ կա «առաջին փոխվարչապետ» ձեւակերպում, հակասահմանադրական է. «Մենք չենք կարող նման օրենք ընդունել, որովհետեւ գրված է` առաջին փոխվարչապետ, էդ ո՞վ ա, չկա տենց մարդ»: Հանձնաժողովի նախագահ ՀՐԱՅՐ ԹՈՎՄԱՍՅԱՆՆ էլ հակադարձեց. «Պարոն Մարուքյան, խնդրում եմ` ուշադիր կարդաք, ոչ թե երեք, այլ մինչեւ երեք փոխվարչապետ կարող է ունենալ կառավարությունը, եւ Սահմանադրության մեջ հստակ նշված է, որ կառավարության կառուցվածքը սահմանվում է օրենքով: Նույն տրամաբանությամբ` Դուք կարող եք ասել` ինչո՞ւ եք նախարարություններին անուններ դնում, թող լինի, առաջին, երկրորդ նախարարություն: Պարզապես, կառավարության մեր գործընկերները, միգուցե, ճիշտ կլիներ, որ փաթեթով բերեին օրենքի նախագիծը, որտեղ կառավարության կառուցվածքը կա եւ առաջին փոխվարչապետ ձեւակերպումը նշված է: Այնպես որ, կառավարությունը կարող էր սահմանել ինչպես առաջին փոխվարչապետ, այնպես էլ սահմանել, թե ինչ ոլորտ է համակարգելու փոխվարչապետը եւ ցանկացած անուն կարող էր դնել»: Հ. Թովմասյանի բացատրությունները Է. Մարուքյանի համար ամենեւին էլ ընդունելի չէին, եւ նա, ընդ որում` երկրորդ անգամ, ընդհատեց: Իսկ Հ. Թովմասյանի նյարդերը տեղի տվեցին ու գոռաց. «Ներողություն եմ խնդրում, բայց տարրական կուլտուրան չի թույլ տալիս, որպեսզի ընդհատեք արդեն երկրորդ անգամ: Դուք հետո հարց տալու հնարավորություն կունենաք»: Դե, իսկ Է. Մարուքյանն էլ նեղացած պատասխանեց, որ իմաստ չունի հարց տալ ու եւս մեկ անգամ շեշտեց, որ նախագիծը հակասահմանադրական է, եւ իրենք դեմ են քվեարկելու: Վերջում էլ դուռը շխկացրեց ու հեռացավ:

«Վսյո». Սամվել Ալեքսանյանը քաղաքականությունից դո՞ւրս է գալիս (Տեսանյութ)

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА