o C     09. 04. 2020   : :

ԿԱՐՃ ԼՈՒՐԵՐ

«Աննա Հակոբյանի հրավերին պետք է անդրադառնան հայ մայրերը». Վիտալի Բալասանյան

05.12.2019 18:44 ՕՐՎԱ ՊԱՏԿԵՐ ՔԱՂԱՔԱԿԱՆ
«Աննա Հակոբյանի հրավերին պետք է անդրադառնան հայ մայրերը». Վիտալի Բալասանյան

Արցախի հերոս, Արցախի Հանրապետության Անվտանգության խորհրդի նախկին քարտուղար Վիտալի Բալասանյանը, ով հայտարարել է Արցախի նախագահական ընտրություններին առաջադրվելու մասին, հրաժարվեց արձագանքել ՀՀ առաջին տիկին Աննա Հակոբյանի՝ Ադրբեջանի առաջին տիկին, Ադրբեջանի առաջին փոխնախագահ Մեհրիբան Ալիևային հղած հրավերին:

Ինչի՞ են ձգտում հասնել Մասիս Մայիլյանն ու նրան աջակցող ուժերը

Հիշեցնենք, որ այսօր «Կանանց դերը խաղաղության հաստատման հարցում. հնարավորություններ և մարտահրավերներ» թեմայով համաժողովի ընթացքում ՀՀ վարչապետ Նիկոլ Փաշինյանի տիկինը՝ Աննա Հակոբյանը, անդրադառնալով Ղարաբաղում մուղամ լսելու Մեհրիբան Ալիևայի երազանքին, Մեհրիբան Ալիևային հրավիրեց Ղարաբաղ խաղաղ պայմաններում մուղամ լսելու:

Նա մասնավորապես ասաց. «Ես հիմա Մեհրիբան Ալիևային ուզում եմ հրավիրել Ղարաբաղ, և նա կարող է լինել մեր հյուրը: Հայ ժողովուրդը, արցախցիները գիտեն ինչպես ընդունել, հարգել հյուրին: Մեր ընդունված կանոններից է նաև հյուրին պատվել իր երաժշտությամբ, մենք կարող ենք ապահովել մուղամը: Կարող ենք իրականացնել նրա երազանքը, և նա լինի մեր հյուրը, Ստեփանակերտում լսի իր սիրելի մուղամը: Սա իսկապես հրավեր է, և եթե նա ընդունի այս հրավերը, պատրաստ եմ նաև ինքս լինել Բաքվում և հյուրընկալվել իրենց կողմից: Բայց եթե Մեհրիբան Ալիևան նկատի ունի, որ իրենց երազանքն այն է, որ գան Ղարաբաղ և մուղամ լսեն պատերազմի միջոցով, վստահեցնում եմ՝ այդ երազանքն անկատար կմնա: Եվ ոչ միայն անկատար կմնա, այլ եթե նոր պատերազմ սկսեն, հավանաբար նորանոր բնակավայրեր կհայտնվեն, որտեղ նրանց համար մուղամ լսելը կդառնա անկատար երազանք:

Այսինքն՝ եթե Մեհրիբան Ալիևան իր և իր ժողովրդի անունից ասում է, որ երազում են Ղարաբաղում մուղամ լսել, ապա դրան հասնելու մեկ ճանապարհ գոյություն ունի՝ դա խաղաղությունն է, Արցախի հետ բարիդրացիական հարաբերություններն են: Այսինքն՝ որպես հյուր՝ փոխադարձ այցերն են, որ ինչպես իրենք Ղարաբաղում թեյ խմեն և մուղամ լսեն, վայելեն այնտեղի բնությունը, այնպես էլ, վստահ եմ՝ Ղարաբաղի ժողովուրդը կուզենա լինել Բաքվում: Սա ռեալ է, ֆանտազիայի շարքից չէ: Ուզում եմ ասել, որ իմ հրավերը լուրջ հրավեր է»:

Վիտալի Բալասանյանը, ծանոթանալով հրավերի ողջ տեքստին և կոնտեքստին, ասաց, որ հրաժարվում է արձագանքել Աննա Հակոբյանի հայտարարությանը: Ըստ նրա, այս հրավերին պետք է անդրադառնան և գնահատական տան հայ մայրերը: «Ճիշտ չէ, որ ես այս մասին խոսեմ, թող մայրերը խոսեն»,- ասաց նա:

Ավելի վաղ Ադրբեջանի առաջին փոխնախագահ, առաջին տիկին Մեհրիբան Ալիևան իր Telegram պաշտոնական ալիքում լուսանկար էր հրապարակել՝ գրառմամբ. «Մեր միակ երազանքը Ղարաբաղի հողում միասին ղարաբաղյան շիկեստե (մուղամ) լսելն է»։

 

 

КОМСОМОЛЬСКАЯ ПРАВДА