ԿԱՐՃ ԼՈՒՐԵՐ

Խորհրդարանը մի շարք օրենքներ է ընդունել

07.03.2018 14:55 ՕՐՎԱ ՊԱՏԿԵՐ ՔԱՂԱՔԱԿԱՆ
Խորհրդարանը մի շարք օրենքներ է ընդունել

Մարտի 7-ին շարունակվել է խորհրդարանի նախօրեին հրավիրված արտահերթ նիստի աշխատանքը:

Պատգամավորները շարունակել են քննարկել «Տնտեսական մրցակցության պաշտպանության մասին» ՀՀ օրենքում լրացումներ եւ փոփոխություններ կատարելու մասին» եւ կից օրինագծերի փաթեթը:

Վարչապետն ընդունել է ԵԱՀԿ անդամ պետությունների ներկայացուցիչներին

Եզրափակիչ ելույթում ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը նշել է, որ օրենսդրական էական փոփոխություններ են իրականացվում. մի կողմից օրենսդրությունը համապատասխանեցվում է նոր Սահմանադրության պահանջներին, մյուս կողմից հաշվի են առնվում ԵԱՏՄ եւ ԵՄ մրցակցության կանոններն ու սկզբունքները: Նոր օրենսդրությամբ բարձրացվում է մրցակցության պաշտպանության մարմնի կարգավիճակը, հստակ ամրագրվում է, որ այն անկախ ինքնավար մարմին է: Նշվել է, որ պատասխանատվության միջոցների կիրառման մեխանիզմները համապատասխանեցվել են միջազգային չափանիշներին: Արտակ Շաբոյանի խոսքով՝ հնչած առաջարկներն առաջիկայում կքննարկվեն ԱԺ տնտեսական հարցերի մշտական հանձնաժողովում: Զեկուցողի համոզմամբ՝ նոր փաթեթը կնպաստի հանձնաժողովի ինստիտուցիոնալ կարողությունների զարգացմանը, կնպաստի մեր երկրում մրցակցային պայմանների բարելավմանը:

ՀՀ ոստիկանության պետի տեղակալ Վարդան Եղիազարյանն առաջին ընթերցումով քննարկման է ներկայացրել «Օտարերկրացիների մասին» ՀՀ օրենքում փոփոխություններ կատարելու մասին» օրենքի նախագիծը: Նշվել է, որ վերջինիս նախապատրաստումը պայմանավորված է նոր Սահմանադրության պահանջներին օրենսդրությունը համապատասխանեցնելու անհրաժեշտությամբ: Նախատեսվում է հատուկ կացության կարգավիճակ շնորհելու լիազորությունը վերապահել ՀՀ վարչապետին: Բացի այդ, օրենքից կհանվի հատուկ կացության կարգավիճակ տալու կամ մերժելու որոշումը բողոքարկելու արգելքը:

Հարակից զեկույցում ՀՀ ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովի դրական եզրակացությունը ներկայացրել է Անդրանիկ Հարությունյանը:

Նիստի ավարտին պատգամավորները քվեարկությամբ ընդունել են արտահերթ նիստի ընթացքում քննարկված օրենքների նախագծերն ու օրենսդրական փաթեթները:

 

 

КОМСОМОЛЬСКАЯ ПРАВДА