o C     14. 11. 2019   : :

ԿԱՐՃ ԼՈՒՐԵՐ

«Մարդիկ եկել են իշխանության, որ իրենք իրենց պարգեւավճարներ տան». Վահան Բաբայան

06.02.2019 22:10 ՕՐՎԱ ՊԱՏԿԵՐ ՔԱՂԱՔԱԿԱՆ ՀԱՆԴԻՊՈՒՄ
«Մարդիկ եկել են իշխանության, որ իրենք իրենց պարգեւավճարներ տան». Վահան Բաբայան

«Իրավունքի» զրուցակիցն է Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ: Նրա գնահատմամբ` հայաստանյան նոր իշխանությունների օրոք վերջին 8-9 ամիսների ընթացքում ունենք միայն խոսքեր, չունենք գործ:

​​​​​​​«Երկրի փաստացի ղեկավարը մինչեւ հիմա չի տիրապետում Արցախյան հիմնահարցի պատմությանն ու խնդիրներին»

- Ունեինք խոստումներ, չունենք իրականացված քայլեր, ունեինք հույսեր, որոնք  արդարացված չեն: Այդ «թողեք թող աշխատեն», «մեկ օրում, մեկ ամսում կամ վեց ամսում բան չի լինի փոխել» լոզունգներն արդեն չեն հետաքրքրում մարդկանց, որովհետեւ շուտով կլրանա մեկ տարին, որ իշխանություն է փոխվել եւ փոխվել էր, որպեսզի արագ, թռիչքային փոփոխություններ լինեն եւ առաջին հերթին` տնտեսության մեջ: Իսկ այսօր մենք որեւէ բան չենք տեսնում, մինչդեռ այս ժամանակահատվածում գոնե մեկ քայլ պետք է առաջ գնայինք: Այսօր ինչքան էլ իշխանությունն ասի, թե այդ մեկ քայլը առաջ ենք գնացել, համեմատականներ անցկացնի եւ այլն, տեսնում ենք, որ կան խնդիրներ: Օրինակ` ի՞նչ է նշանակում պարգեւավճարային այս ագիտացիան:

Ի հեճուկս ահազանգերի՝ բանակցային գործընթացը փակուղի չի մտել. Նիկոլ Փաշինյան

«ԻՐ ԹԻՄԻ ԲԱՑԹՈՂՈՒՄՆԵՐԻ ՀԱՄԱՐ ՎԵՐՋՈՒՄ ՓԱՇԻՆՅԱՆՆ ԱՆՁԱՄԲ է ՊԱՏԱՍԽԱՆԱՏՎՈՒԹՅՈՒՆ ԿՐԵԼՈՒ»

– Արարատի մարզպետ Գարիկ Սարգսյանը բացատրեց, որ իրենք իրենց պարգեւատրելով` կաշառք չեն վերցրել, մարդ չեն սպանել ու չեն էլ զղջում...

Իհարկե, մարդ չեն սպանել, բայց խնդիրը հետեւյալն է` պետության ղեկավարը պետք է թույլ չտար, որ տնտեսման ռեժիմի անցնող պետության մեջ յուրայիններին հեղափոխական քայլերով նման ճոխ պարգեւատրումներ անեն: Ի վերջո, պարգեւատրում ստանում է, ասենք, հազար հոգի, բայց ամբողջ հասարակությունը նայում է, եւ ինչքան ճիշտ կլիներ, որ այդ պարգեւատրումների գործընթացը հենց անձամբ Փաշինյանը կանգնեցնել տար ու այդ գումարն ուղարկեր սահմանամերձ գյուղերին: Թող այդ պարգեւատրման գումարով Գյումրիի անօթեւաններին աջակցեր: Գտնում եմ, որ եթե մարդիկ պատրաստ են իրենց երկրի համար ծառայել եւ պատասխանատու պաշտոններ են ստանձնել, թող «գոյատեւեն» իրենց բարձր աշխատավարձերով, ոչ թե ստանան 13-րդ աշխատավարձ, մի հատ էլ պարգեւավճար ու արդարանան, թե իրենք լավ են աշխատել, կաշառք չեն վերցնելու եւ այլն: Իրենց չեն բերել իշխանության նրա համար, որ արդարանան, թե կաշառք չեն վերցնելու, իրենք պարտավոր են կաշառք չվերցնել: Մինչդեռ մտածում են, թե մեծ լավություն են անում, որ կաշառք չեն վերցնում, ծիծաղելի է: Մի՞թե պետության ղեկավարը չի կարողանում ձեռքը խփել սեղանին եւ ասել` ժողովուրդ, անցնում ենք նոր տնտեսման ռեժիմի, պարգեւավճարներ չենք իրար չենք բաժանում: Եթե գաղափարի համար են եկել իշխանության եւ ստանձնել պաշտոններ, թող բարի լինեն իրենց աշխատավարձով ապրեն, ինչի՞ համար են պարգեւատրվում: Եթե, իրոք, թռիչքաձեւ փոփոխություններ լինեին մեր երկրում այս խոսակցությունները չէին լինի, բայց շարքային մարդու կյանքում որեւէ փոփոխություն տեղի չի ունեցել, եւ նա արդարացիորեն հարց է բարձրացնում` ի՞նչ տարբերություն` այն ժամանակ էլ է նույնը, հիմա էլ: Ավելին` հիմա մի հատ էլ ասում են` լավ ենք արել, բա լավ կլիներ, որ չասեինք... Չհասկացանք, էս ի՞նչ խոսակցություներ են: Այսինքն` մարդիկ եկել են իշխանության, որ իրենք իրենց պարգեւավճարներ տան եւ ասեն` բա ինչ եք ուզում, լավ ենք աշխատում, տալիս ենք: Եթե լավ եք աշխատում, թող նախ հասարակությունը գնահատի: Այսօր, բացի Փաշինյանի ֆակտորից, ցույց տվեք մի անձի, որին հասարակությունը լիարժեքորեն ընդունում է: Բայց իր թիմի բացթողումների համար վերջում Փաշինյանն անձամբ է պատասխանատվություն կրելու: Այդ թվում` այն պատգամավորների համար, ովքեր չեն կարողանում պատասխանել հարցերին, այն կառավարության անդամների համար, ովքեր չեն տիրապետում իրավիճակին, եւ այն քաղաքապետի համար, ով «Կարգին սերիալը» կամ իր դերասանական աշխատանքը բերել է քաղաքապետարան եւ փորձում է կիրառել քաղաք կառավարելու մեջ:

«Շատ կուզենայի չհավատալ, որ Հայաստանում այլեւս ազգային ֆիլմն արգելվելու է, բայց, փաստերն արդեն շատ են». Հ. Գալստյան (տեսանյութ)

«ՔԱՂԱՔԱՊԵՏԻ ՊԱՇՏՈՆԱՎԱՐՄԱՆ 200-300 ՕՐՆ ԷԼ ՈՐ ԼՐԱՆԱ, ԷԼԻ ԲԱՆ ՉԻ ՓՈԽՎԵԼՈՒ»

– Ի դեպ, Երեւանի քաղաքապետի մասին. բավական աննկատ լրացավ Հայկ Մարությանի պաշտոնավարման հարյուր օրը: Քաղաքում որեւէ դրական փոփոխություն տեսնո՞ւմ եք այս ընթացքում:

Քաղաքապետի պաշտոնավարման 200-300 օրն էլ, որ լրանա, էլի բան չի փոխվելու: Մարդիկ էյֆորիայի տակ գնացին քվեարկության եւ այդպիսի ընտրություն կատարեցին: Եթե Փաշինյանի գործոնը չլինի, այդ 82 տոկոսից երկու տոկոսն անգամ իրեն չէր սատարելու: Հայկ Մարությանի փոխարեն կարող էր յուրաքանչյուր մարդ դառնալ քաղաքապետ, ուղղակի, երեւի, չգիտակցեց, թե ինչ պատասխանատվության տակ է մտնում: Ասում են` կադրային քաղաքականությունը վատն է, որովհետեւ մարդկանց առաջարկում ենք նախարարի պաշտոն, ասում են` այդ ցածր աշխատավարձով չենք գա: Մի՞թե հայրենասեր պրոֆեսիոնալներ Սփյուռքում, Արցախում եւ Հայաստանում չունենք, որոնք 100 հազար դրամով աշխատում են ու իրենց ոլորտի գիտակներն են: Այս մարդիկ «յոլա են գնում» մեր երկրում, բայց իրենց պաշտոններ որեւէ մեկը չառաջարկեց: Հետաքրքիր է` այդ ովքե՞ր են մասնավոր սեկտորից այդ միլիոններ աշխատող մարդիկ, որ նրանց պաշտոններ են առաջարկվում: Մինչդեռ մամուլում տեսա, որ 450 դասախոս համալսարանից դուրս է մնում, բա այս հարցերի պատասխանները ո՞վ է տալու: Լավ, եկեք բոլորս ծափ տանք, ասենք` ուռա՜, մենք ապրում ենք երջանիկ եւ փայլուն ապագա ունեցող երկրում, բայց այս ներկայի անունն ի՞նչ է, երբ օրը մեկ մի մայրուղի է փակվում, օրը մեկ` բողոքներն ավելանում են...

Նիկոլին իշխանության բերած ուժերը մի նպատակ ունեն՝ հօգուտ ադրբեջանի մեկընդմիշտ լուծել Արցախի հարցը. Գևորգ Գևորգյան

Բայց Նիկոլ Փաշինյանն ասաց, որ ժողովուրդն իրեն էր լիազորել փողոց փակելը եւ, ըստ էության, սա նրա «մենաշնորհն» է:

Այո՛, ժողովուրդը մեծ հաշվով իրեն շատ բան է այսօր լիազորել, բայց ինչքան շատ հարցերում ես լիազորում, այնքան հետո ավելին պահանջում ես, իսկ մեր ժողովուրդը երկար սպասել չի սիրում: Մանավանդ, տեսնելով այս վերջին իրադարձությունները` կարծում եմ` բավականին անկումային տրամադրվածություններ կան: Ուստի` անհապաղ պետք է միջոցներ ձեռնարկել, որ կառավարությունն այս գործելաոճը վերացնի: Շուտով Ազգային ժողով է բերվելու կառավարության ծրագիրը, եւ եթե այն էլի երջանակության դեկլարացիա պետք է լինի, ուրեմն` մեր պետության, մեր տնտեսական, սոցիալական վիճակի բարելավման մասին նույնիսկ խոսք լինել չի կարող: Այս իշխանության կառավարության նախորդ ծրագիրը երջանկության դեկլարացիա էր, որտեղ ամեն երկրորդ բառը երջանիկ լինելու մասին էր: Հիմա նույն հարցը, որ տաս այն մարդկանց, ովքեր այն ժամանակ երջանիկ էին, այսօր էլ երջանիկ չեն: Անձամբ շփվում եմ մարդկանց հետո, ովքեր փոշմանել են, որ փողոց են դուրս եկել: Ի՞նչ է, իրենք տեղյակ չե՞ն: Պետք է այս իշխանությունը կարողանա շտապ պատասխան տալ այն քայլերի համար, որի պատճառով մարդիկ տեսնում են խնդիրներ: Վերջիվերջո, լուծումներ է պետք գտնել, շարքային քաղաքացին իր մաշկի վրա զգում է, որ որեւէ փոփոխություն չկա:

ՀՔԾ-ն մերժել է Նիկոլ Փաշինյանի նկատմամբ քրեական գործի հարուցումը

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА