o C     21. 09. 2019   : :

ԿԱՐՃ ԼՈՒՐԵՐ

ՎԱՐԿԱՆԻՇԻ ԿԱԼԱՆԱՎՈՐՆԵՐԸ, ԿԱՄ ԵՐԱԶԱՆՔ ԴԻԿՏԱՏՈՒՐԱՅԻ ՄԱՍԻՆ

02.07.2019 19:00 ՎԵՐԼՈՒԾՈՒԹՅՈՒՆ
ՎԱՐԿԱՆԻՇԻ ԿԱԼԱՆԱՎՈՐՆԵՐԸ, ԿԱՄ ԵՐԱԶԱՆՔ ԴԻԿՏԱՏՈՒՐԱՅԻ ՄԱՍԻՆ

Ընդամենը մեկ տարի առաջ «հեղափոխական» զանգվածները Ձախ Հարութին թքում-մրում էին, անվանում էին դավաճան, ՀՀԿ ռեժիմի ստրուկ եւ ինչ ասես: Բայց ահա այս կիրակի Նիկոլը անձամբ եկավ Ձախ Հարութի համերգին: Ավելին` նա համերգից ուղիղ եթեր մտավ` իր երկրպագուներին ցուցադրելով ոչ թե սեփական սիրելի սֆաթը, այլ համերգը: Այդ զարմանահրաշ փոխակերպման մասին դիպուկ արտահայտվեց փաստաբան Երվանդ Վարոսյանը. «Սերժի լսած Հարութը ռաբիսի մեկն էր, իսկ Նիկոլի լսածը` արգելված դասական...»: Դե երեւի թե իրոք դասական էր, քանզի 44 տարեկան Նիկոլը պատմում էր, թե հիշում է` ինչպես 50 տարի առաջ սովետական իշխանությունից գաղտագողի Հարութ էին լսում:

ԹԱՎՇՅԱ ԹՐՔՈԲՈԼՇԵՎԻԶՄԸ ԵՐԿԻՐԸ ՎԵՐԱԾՈՒՄ Է «ԿԱՊԻԿՆԵՐԻ ՄՈԼՈՐԱԿԻ»

 

ՖԵՅՍԲՈՒՔԸ ԹԱՎՇԻՍՏՆԵՐԻ ԱՐՑՈՒՆՔՆԵՐԻՆ ՉԻ ՀԱՎԱՏՈՒՄ

Իսկ այն նույն օրը, երբ Նիկոլը հարուցում էր ավագ սերնդի քրքիջը` Սովետի օրոք Հարութին գաղտնի լսելու իր «հուշերով», վոժդի սիրելի միջավայրում` Ֆեյսբուքում, կատարվում էր մի երեւույթ, որից թավշիստների ամբողջ թիմի սիրտը կարող էր ճաքել: Այդ սոցիալական ցանցը լեփ-լեցուն էր ՀՀ երրորդ նախագահ Սերժ Սարգսյանի 65-ամյակի շնորհավորանքներով, եւ միայն օրվա վերջում օգտատերերը սկսեցին զետեղել չոլում դրած «Կիլիկիա» առագաստանավի լուսանկարը, որի ֆոնին Նիկոլը նկարվել էր սեւ ժիլետով: Զետեղել էին պարզապես կատակներ գրելու կամ, ինչպես ընդունված է ասել համացանցում` «բոցվելու» համարԻսկ շնորհավորանքների մոտավոր վիճակագրությունը իրոք որ Նիկոլի եւ նիկոլականների համար պետք է մտահոգիչ լինի: Առնվազն 7500 օգտատեր շնորհավորել էին Սերժ Սարգսյանին, շնորհավորանքներին եւ 65-ամյակին նվիրված նյութերին էլ հավանության նշան էին դրել առավել քան 140 հազար օգտատեր: Եվ ֆեյսբուքյան ֆեյքերի մեծագույն օգնությամբ հանրային կարծիքը մանիպուլացնող եւ ժամանակին դրա միջոցով «ժողովրդի 90 տոկոսի աջակցության» տպավորություն ստեղծող վոժդի համար դա իրոք աղետ էր: Եթե անցյալ տարվա դեկտեմբերյան ընտրություններին փակ գաղտնի քվեարկությամբ ՀՀԿ-ին ձայն էին տվել ընդամենը 60 հազար հոգի, ապա այժմ առավել քան դրա կրկնակին համարձակվում են բացահայտ արտահայտել իրենց դրական վերաբերմունքը նախկին իշխանության նկատմամբ: Եվ  այդ դրական վերաբերվողների մեջ` ինչպես շնորհավորողների, այնպես էլ «լայք» դնողների, բավականին զգալի թիվ են կազմում այն քաղաքացիները, ովքեր ժամանակին զորակցել են Նիկոլին, բայց հետո փոշմանել են: Իսկ հիասթափվածները նախկին կուռքի համար շատ ավելի վտանգավոր են, քան մշտական կայուն ընդդիմախոսներըվ հոգեբանորեն չափազանց մեծ տհաճություն էր պատճառել թավշիստներին Ռազմիկ Ամյանի` ՀՀ երրորդ նախագահին նվիրված երգը, որին «թավշյա դդում» մականուն ունեցող նախարարը արձագանքել էր  ֆշշացնող գրառումով` վաստակավորի կոչում շնորհելու կարգի մասին: Եվ սկսեցին պտտվել ենթադրություններ, որ սրանք, միգուցե, անգամ գնան այնպիսի էժանագին քայլի, ինչպիսին է Ռազմիկ Ամյանին վաստակավորի կոչումից զրկելը: Բայց շնորհավորանքները, որոնք ՀՀ երրորդ նախագահի եւ ազգային պահպանողական քաղաքական ուժերի վարկանիշի աճի վկայությունն են, ամենեւին էլ նույն համացանցում վոժդի ու թավշիստների միակ գլխացավանքը չեն: Արդեն առաջվա պես չի ստացվում այդ տարածքում լռեցնել կամ դեպրեսիայի մատնել ցանկացածին, ով հակառակ կարծիքն ունի: Արդեն վոժդի ու թավշիստների մասին բացասական, մասամբ նաեւ մաքուր հայհոյական նյութերի քանակը համացանցում մի քանի անգամ ավելի շատ են, քան գովաբանական-հիացական, եւ քչից-շատից չեզոք արձագանքներն էլ թավշիստների համար դարձել են նվերի պես մի բան: Ու դրա դեմ Օրբելի փողոցում գտնվող եւ պետական միջոցներով գործող ֆեյքերի ֆաբրիկան այլեւս ոչինչ չի կարողանում անել: Բա առջեւում դեռ Ռոբերտ Քոչարյանի 65-ամյա հոբելյանն է, որը նույնպես հաստատ դառնալու է թավշիստների դեպրեսիայի առիթ, իսկ վոժդին երեւի թե լրիվ ափերից կհանի... Ու ԱԱԾ-ին տրված հանձնարարութունները` պայքարելու ֆեյքերի դեմ, որեւէ շոշափելի արդյունք ապահովել չեն կարող:

ԱՋ ԳՆԱՍ, ԹԵ` ՁԱԽ, ԾՈՒՌ ԵՆ ԵՐԿՈՒՍՆ ԷԼ

 

ՎՌԱԶՈՂԸ «ՏՂԱ ՉԻ ՈՒՆԵՆՈՒՄ» ՆԱԵՎ ԴԱՏԱԿԱՆ ՀԱՄԱԿԱՐԳՈՒՄ

Բացի սոցիալական ցանցերում հուսահատ պայքարի ԱԱԾ-ին ներգրավելու սին փորձերից, ըստ որոշ տեղեկությունների, նույն ԱԱԾ-ին հանձնարարություն է տրված կազմել անբարեհույս լրագրողների սեւ ցուցակներ: Լավ, ասենք, թավշիստներին վատ վերաբերվող բոլոր լրագրողներին հայտնաբերեցիք, բայց հո չե՞ք կարող համացանցի բոլոր դժգոհ օգտատերերի սեւ ցուցակ կազմել...

ԹԱՎՇՅԱ ՎԱՐՉԱԽՈՒՄԲԸ` ԱՆԵԼԱՆԵԼԻ ՎԻՃԱԿՈՒՄ

Բայց այն, ինչ դեռեւս չի ստացվում ԶԼՄ դաշտում, փորձում են դրա պակասը լրացնել դատական իշխանությունը ուզուրպացնելու միջոցով: Վոժդի կոչով բոլոր դատարանների հակասահմանադրական արագելափակման մասին արդեն շատ է խոսվել: Վահե Գրիգորյանի կողմից ՍԴ նախագահ ինքնահռչակվելը, եթե սկզբում տագնապ էր հարուցում, որ մաքուր բոլշեւիկյան տարբերակով կզավթեն ամբողջ ՍԴ-ն, այժմ ծիծաղի առարկա է դարձել: Նույն ՍԴ-ն ընդունել է որոշում` Վահե Գրիգորյանին մեկուսացնել Ռոբերտ Քոչարյանի դիմումների քննությունից` որպես ակնհայտ շահագրգիռ անձնավորության, եւ դա ուզած-չուզած կուլ են տվել: Հաջորդ ուղղությունը, որի իրագործումը դրված է արդարադատության դեղնակտուց նախարարի փխրուն ուսերին` այսպես կոչված վետինգն է, գումարած առանց դատավճռի գույքի բռնագրավման օրենքը: Վետինգի վերաբերյալ էլ արդեն ԲԴԽ որոշ անդամներ առաջարկում են առհասարակ չօգտագործել այդ եզրույթը, իսկ ինչ վերաբերում է յուրայիններով ԲԴԽ-ն համալրելուն, ապա ԱԺ-ում արդեն վատ նախանշանի ականատեսը եղանք` թեկնածուներից մեկը ամբիոնից վայր գլորվեց: Ինչ վերաբերում է առանց դատավճռի գույքի բռնագրավմանը, ապա այդ խոհանոցին քաջատեղյակ Արփինե Հովհաննիսյանը երիտասարդի աչքն էր խոթել անհայտ ուղղությամբ առանց ներպետական քննարկման այդ օրենքը միջազգային փորձաքննության ուղարկելը եւ Վենետիկյան հանձնաժողովին չուղարկելը: Իսկ բովանդակային առումով եղած նախագծով ստուգման ենթակա է դառնում 50 մլն դրամը գերազանցող գույքը, ապօրինության հարց հարուցողն էլ` դատախազը: Պարզից էլ պարզ է, որ այդ գործիքը ոչ թե «թալանի դեմ» պայքարի համար է, քանզի եղած օրենսդրությունը լիուլի բավարար է բոլոր թալանչիներին հայտնաբերելու եւ պատասխանատվության ենթարկելու, այլ քաղաքական հետապնդումների համար է: Չէ՞ որ 50 մլն դրամի շեմը ընդգրկում է ոչ միայն մեծահարուստների, այլ նաեւ միջին խավը, իսկ ընդդիմադիր առանցքային գործիչների մեծ մասը հենց միջին խավից է: Այսինքն` դա հանգիստ կարելի է կիրառել, որպես ունեզրկման սպառնալիք: Ու այդ օրենքի հարցն էլ արդեն նաեւ ԱԺ են խցկել...

ՆԻԿՈԼԻ «ՍՈՒՊԵՐՃԱՐՊԿՈՒԹՅՈՒՆԸ» ՆԻԿՈԼԻ ԴԵՄ

Շտապում են, շատ են շտապում, բայց ժողովուրդը դիպուկ խոսք ունի` վռազողը տղա չի բերում:

ՀՈՎՀԱՆՆԵՍ ԳԱԼԱՋՅԱՆ

 

КОМСОМОЛЬСКАЯ ПРАВДА