o C     06. 04. 2020   : :

ԿԱՐՃ ԼՈՒՐԵՐ

Հայկ Հարությունյանի մահվան հանգամանքները պարզելու համար առգրավվել են նրա տան մուտքը տեսանկարահանող տեսախցիկները

25.09.2019 11:33 ՕՐՎԱ ՊԱՏԿԵՐ ՔՐԵԱԿԱՆ
Հայկ Հարությունյանի մահվան հանգամանքները պարզելու համար առգրավվել են նրա տան մուտքը տեսանկարահանող տեսախցիկները

Իրավապահների նախնական տվյալներով՝ այսօր առավոտյան Բջնիի իր առանձնատանը մահացած հայտնաբերված ոստիկանության գեներալ-գնդապետ, 2008-ին Հայաստանի ոստիկանապետ Հայկ Հարությունյանը ինքնասպան է եղել: Քրեական գործը հարուցվել է ինքնասպանության հասցնելու հոդվածով:

Արայիկ Հարությունյանի հերթական հեքիաթը

Հարությունյանը Մարտի 1-ի գործով գլխավոր վկաներից էր և նախկին նախագահ Ռոբերտ Քոչարյանի ու նրա ենթակաների դատավարության ժամանակ ի թիվս այլ վկաների, պետք է ցուցմունք տար։

Քննչական կոմիտեն հաղորդում է, որ 63-ամյա Հարությունյանի գլխի վրա հայտնաբերվել է հրազենային վնասվածք։ Քննությամբ տվյալներ են ձեռք բերվել այն մասին, որ գեներալ-գնդապետը դեպքին նախորդող ժամանակահատվածում օգտագործել է զգալի քանակությամբ ալկոհոլ: Հարցաքննվել են վկաներ, այդ թվում և Հայկ Հարությունյանի հետ նույն առանձնատանը գտնված անձը։ Կատարվել է դեպքի վայրի զննություն, որի ժամանակ հայտնաբերվել են արնանման հետքեր, վերցվել փորձանմուշներ, դիակի կողքին եղել է ատրճանակ և պարկուճ։

Քննչական կոմիտեն նաև հաղորդում է, որ առգրավվել են նրա տան մուտքը տեսանկարահանող տեսախցիկները: Տեսագրությունը ենթարկվել է զննության: Ըստ իրավապահների, դեպքին նախորդող օրվա ընթացքում որևէ անձ, բացի առանձնատանը գտնվող երկու հոգուց, բնակարան մուտք չի գործել:

Ոստիկանության գեներալ-գնդապետի մահվանից հետո մամուլում տեղեկություններ շրջանառվեցին, թե դեպքից առաջ Հարությունյանը խոսել է Մարտի 1-ի գործի քննությունից, բողոքել է, թե իրեն պարտադրում են, որ սուտ ցուցմունք տա գլխավոր ամբաստանյալ, Հայաստանի երկրորդ նախագահ Ռոբերտ Քոչարյանի և արյունալի իրադարձությունների զոհերից մեկի սպանության համար մեղադրվող ոստիկանության զորքերի հրամանատարի նախկին տեղակալ Գեղամ Պետրոսյանի դեմ։

Քննչական կոմիտեն հերքեց այս հրապարակումները՝ հայտարարելով, որ դեպքի վայրում Հարությունյանի հետ գտնված անձը հայտնել է Հայկ Հարությունյանի հետ ունեցած խոսակցության բովանդակությունը, որը առնչություն չի ունեցել Մարտի 1-ի դեպքերի առթիվ քննվող քրեական գործի շրջանակներում նրա վրա ճնշումներ գործադրելուն և առհասարակ որևէ անձի կողմից ճնշումներ գործադրելուն:

 

КОМСОМОЛЬСКАЯ ПРАВДА