o C     16. 11. 2019   : :

ԿԱՐՃ ԼՈՒՐԵՐ

«Օրբելյանի հետ խոսել եմ, ուրախացել էր». փաստաբան

09.10.2019 09:51 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
«Օրբելյանի հետ խոսել եմ, ուրախացել էր». փաստաբան

Այս տարվա մարտի 29-ին ՀՀ մշակույթի նախարարի պարտականությունները կատարող Նազենի Ղարիբյանի թեթեւ ձեռքով Ալ. Սպենդիարյանի անվան օպերայի եւ բալետի ազգային ակադեմիական թատրոնի տնօրեն եւ գեղարվետսական ղեկավար Կոնստանտին Օրբելյանը ազատվեց թատրոնի տնօրենի պաշտոնից: Հենց այդ օրվանից օպերային թատրոնում անդորրը խախտվեց, ու թատրոնի 600-700 աշխատակից, մի կողմ թողած իրենց ստեղծագործական եւ տեխնիկական աշխատանքները, յուրաքանչյուրը մի փաստաբան դարձած սկսեցին օրենք ուսումնասիրել, որպեսզի ցանկացած պահի պաշտպանեն Օրբելյանի շահերը:

«Մի հատ էլ քֆուր դնեիք քվեարկության վրա». Արարատ Միրզոյանը սպառնաց Գևորգ Պետրոսյանին՝ զրկել խոսելու իրավունքից

Այնուամենայնիվ, Նազենի Ղարիբյանի «հերոսությունից» հետո, երբ թատրոնի աշխատանքը խաթարվեց, բողոքի ալիքներից ու ցույցերից հետո բանը հասավ «դիվան բաշուն»` ՀՀ վարչապետ Նիկոլ Փաշինյանին, որը, ընդունելով թատրոնի աշխատակազմին, գլխների տակ փափուկ բարձ դրեց ու խոստացավ, որ կպատժի «չարություն» արած պաշտոնյային` Նազենի Ղարիբյանին: Իսկ թատրոնի ստեղծագործական կոլեկտիվն էլ, հույսով լցված, մանկան նման հավատալով, գնացին իրենց երկրորդ տուն` Օպերային թատրոն` աշխատելու, մինչեւ վարչապետը կպատժի չար «ծյոծյային»: Ինչեւէ, վարչապետից արձագանք չստանալով` Կոնստանտին Օրբելյանը միանգամից երկու հայցով եւ մի քանի պահանջով դիմել էր դատարան:

Երեկ՝ հոկտեմբերի 8-ին, դատարանը ամբողջությամբ բավարարել է Կոնստանտին Օրբելյանի քաղաքացիական հայցն ընդդեմ մշակույթի նախկին նախարար Նազենի Ղարիբյանի: «Իրավունքի» հետ զրույցում դա հաստատեց փաստաբան ՏԻԳՐԱՆ ՄԱՐՏԻՐՈՍՅԱՆԸ:

- Դատարանը վճռով բավարարել է մեր հայցն ամբողջությամբ: Առաջինը անվավեր է ճանաչվել մշակույթի նախարարի պարտականությունները կատարող Նազենի Ղարիբյանի մարտի 28-ի թիվ 16Ա հրամանը, որով Կ. Օրբելյանն ազատվել էր թատրոնի տնօրենի պաշտոնից: Այսինքն` դատարանի վճռով պարոն Օրբելյանը վերականգնվել է թատրոնի տնօրենի պաշտոնում: Ունեինք նաեւ դրամական պահանջներ` աշխատանքային օրենսգրքով նախատեսված պահանջն էր, որով մենք պահանջում էինք նաեւ թատրոնից, ոչ նախարարությունից, վճարել պարոն Օրբելյանի հարկադիր պարապուրդի գումարը, սկսած իր աշխատանքից ազատման օրվանից, մինչեւ իր աշխատանքի վերականգնվելու օրը: Այդ պահանջը եւս բավարարել է դատարանը, եւ սկսած 2019 թվականի ապրիլի 1-ից պետք է հաշվարկվի չվճարված պարապուրդի գումարը` միջին ամսական աշխատավարձի չափով, եւ վճարվի պարոն Օրբելյանին:

- Այսինքն` Օպերային թատրո՞նը պիտի վճարի Օրբելյանի պարապուրդի գումարը, այլ` ոչ նախարարությո՞ւնը:

- Այո, Օպերային թատրոնը, որովհետեւ Կ. Օրբելյանը աշխատավարձ ստանում էր Օպերային թատրոնից: Այս գործով դատարանում պատասխանող էր ներգրավված ե՛ւ նախարարությունը, ե՛ւ  Օպերային թատրոնը: Բացի դրանից, պահանջներում կային նաեւ դատական ծախսեր, որը դատարանը մասնակի է բավարարել, փաստաբանի վարձատրության գումարը դատարանը, որպես խելամիտ վարձատրություն 470 հազար  դրամի չափով է բավարարել, որը եւս պետք է վճարվի նախարարության եւ Օպերային թատրոնի կողմից, երկուսը միասին պետք է վճարեն: Կա նաեւ պետական տուրքի գումար, Օրբելյանի պարապուրդի գումարի, որքան հաշվարկվի, երկու տոկոսի չափով,  պետք է վճարվի նաեւ որպես պետական տուրք` նախարարության եւ օպերային թատրոնի կողմից:

- Պարոն Մարտիրոսյան, իսկ ե՞րբ վճիռն օրինական ուժի մեջ կմտնի:

- Ինչպես ընդհանուր կարգն է` քաղաքացիական դատավարության օրենսգրքով նախատեսված, ուժի մեջ է մտնում վճիռը հրապարակելուց 30 օր հետո: Իսկ եթե բողոքարկվեց Վերաքննիչ դատարան, արդեն պետք է սպասենք, թե վերին ատյաններում ինչ վճիռ կկայացնեն: Եթե չբողոքարկվեց, վճիռը օրինական ուժ կստանա, Կ. Օրբելյանը արդեն կվերականգնվի օպերային թատրոնի տնօրենի պաշտոնում:

- Իսկ խոսե՞լ եք Կ. Օրբելյանի հետ, նա տեղյա՞կ է:

- Այո խոսել եմ արդեն, Հայաստանում չէ` Միացյալ Նահանգներում է, տեղյակ է եւ ուրախացել էր:

ԼԻԼԻԹ ԵՂԻԱԶԱՐՅԱՆ

Պղծել ու բռնաբարել եք արդարադատությունը, պատժվելու եք օրենքի ուժով. Փաստաբան

Ամբողջությամբ կարդացե՛ք այսօրվա տպագիր «Իրավունքում»:

 

КОМСОМОЛЬСКАЯ ПРАВДА